Fræðsluráð

Kennsluráðgjafi greindi frá vinnu sem hófst á þessu ári varðandi gerð nýrrar, sameiginlegrar skólastefnu fyrir skóla sveitarfélagsins. Vinnuhópur með fulltrúum allra skóla, skólaskrifstofu og fræðsluráðs hefur hist nokkur skipti en næsta skref er að fá inn raddir fleiri starfsmanna skólanna, foreldra og nemenda. Stefnt er að því að ljúka vinnunni undir vor.

Seinni hluta síðasta árs auglýsti Mennta- og menningarmálaráðuneytið eftir umsóknum sveitarfélaga um úttekt á starfi leikskóla. Fræðslusvið í samstarfi við Krílakot sótti um úttekt á starfi skólans en nýlega barst bréf frá ráðuneytinu um að skólinn hefði ekki komist að í úttekt.

Greint var frá málþingi um skil á milli skólastiga sem fyrirhugað er að halda í byrjun mars. Vilji er til að hafa sem mesta samfellu á milli skólastiganna. Allir leik- og grunnskólar sveitarfélagsins verða með erindi sem og Menntaskólinn á Tröllaskaga.

Fræðsluráði líst vel á fyrirhugað málþing.

Með fundarboði fylgdi samstarfssamningur á milli Tónlistarskóla Dalvíkurbyggðar, Árskógarskóla og Dalvíkurskóla um tónmenntakennslu.

Fræðsluráð samþykkir samninginn fyrir sitt leyti.

Kynnt var bréf frá Mennta- og menningarmálaráðuneytinu um að Dalvíkurskóli hefði verið valinn til þess að fara í úttekt hjá ráðuneytinu en úttektin mun fara fram á haustdögum. Fulltrúar ráðuneytisins sem og héraðsmatsmaður taka út ákveðna þætti skólastarfsins svo sem stjórnun, nám og kennslu, innra mat ásamt einum þætti að vali sveitarfélagsins.

Fræðsluráð fagnar því að skólinn hafi komist að í úttekt og umræður fóru fram um ytra mat og hvaða þátt væri æskilegt að óska eftir að ráðuneytið tæki út umfram hina föstu þætti.

Björn Gunnlaugsson skólastjóri Dalvíkurskóla kynnti helstu breytingar á skólanámskrá Dalvíkurskóla en hann hafði áður óskað eftir fresti til að leggja námskrána fyrir ráðið vegna breytinga sem fyrirhugaðar voru á starfsháttum skólans í vetur. Björn kynnti helstu nýjungar í skólanámskránni.

Fræðsluráð ræddi breytingarnar en ekki hefur gefist tækifæri til að skoða námskrána ítarlega og er því afgreiðslu frestað til næsta fundar.

Bókað í trúnaðarmálabók.