Fræðsluráð

Ármann Einarsson skólastjóri Tónlistarskóla Dalvíkurbyggðar fór yfir greinargerð vegna nemenda sem stunda tónlistarsnám utan sveitarfélags en eru með lögheimili í sveitarfélaginu. Jafnframt fór hann yfir hvernig útlitið er fyrir næsta skólaár. Fræðslurráð þakkar fyrir greinargerðina.

Með fundarboði fylgdu sjálfsmatsskýrslur allra skóla Dalvíkurbyggðar sem og uppfærð áætlun um innra mat/sjálfsmat. Fræðsluráð lýsir ánægju sinni með vinnuna og þakkar kærlega fyrir góðar skýrslur sem verða aðgengilegar á heimasíðum skólanna.

Með fundarboði fylgdu upplýsingar um hvar leik- og grunnskólar sveitarfélagsins eru staddar varðandi innleiðingu á nýrri aðalnámskrá.Fræðsluráð þakkar upplýsingarnar og hvetur skólanna til vinna áfram af metnaði að innleiðingu.

Með fundaboði fylgdi skólanámskrá og starfsáætlun 2012-2013 fyrir Árskógarskóla  í einu skjali og er þetta  fyrsta skólanámskrá skólans. Fræðsluráð fagnar námskránni og staðfestir hana. Jafnframt   óskar fræðsluráð starfsfólki og stjórnendum skólans til hamingju.

Með fundarboði fylgdi áætlun um ytra mat fræðslu- og menningarsviðs á skólum sveitarfélagsins. Fræðsluráð lýsir ánægju sinni með áætlunina sem og þann faglega metnað sem býr að baki.

Sviðsstjóri og formaður upplýstu um þá vinnu sem fór fram við ákvörðun og útfærslu á gildum fræðslu- og menningarsviðs. Gildin sem urðu fyrir valdinu eru virðing, jákvæðni og metnaður og mun verða aðgengilegt á heimasíðu Dalvíkurbyggðar hvað felst í þeim og leiðir til að festa í essi. Fræðsluráð lýsir ánægju sinni með þessa vinnu.

Á næsta fundi ráðsins er stefnt að því að starfs- og fjárhagsáætlun verði til afgreiðslu.Rætt var um hvaða verkefni ráðið telur að mikilvægt að verði sett í forgang og voru teknir niður minnispunktar sem munu nýtast við gerð starfsáætluninnar.Jafnframt var rætt um skiptingu á fjárhagsramma og mun sviðsstjóri vinna tillögu út frá þeirri umræðu.

Bókað í trúnaðarmálabók.