Fræðsluráð

Í upphafi bauð formaður Ármann Einarsson nýráðinn skólastjóra velkominn.  Málefni dalvískra nemenda sem stunda tónlistarnám í öðrum sveitarfélögum. Ármann Einarsson skólastjóri Tónlistarskóla Dalvíkurbyggðar kynnti og hóf umræðu um þennan lið. Sviðsstjóri fór yfir söguna og Ármann fór í framhaldinu yfir hvernig málin voru leyst á þessu skólaári, en ekki er fjármagn til að leysa málefni nemenda sem eru í tónlistarnámi utan svæðis á fjárhagsáætlun.  Ármanni er falið að vinna drög að reglum um tónlistarsnám utan sveitarfélags í samvinnu við sviðstjóra.

Hólmfríður sagði frá námskeiðum um Uppbyggingarstefnuna sem haldin voru 13.-15. ágúst sl. í Bergi. Námskeiðin voru tvö, Uppbygging l sem Símey sá um og var fyrir leikskólakennara og kennara á yngra stigi grunnskóla og Uppbyggingu ll sem Fræðsluskrifstofa hélt utan um og var ætluð þeim grunnskólakennurum sem sótt höðu námskeiðið Uppbygging I á síðastliðnu ári. Fyrirlesarar námskeiðanna voru Cindy Brown og Joel Shimhoji. Námskeiðin tókust í alla staði vel og voru þátttakendur auk dalvískra kennara og starfsmanna skólanna frá Fjallabyggð og Akureyri. Hugmyndafræði Uppbyggingastefnunnar er nú að festa sig í sessi í skólum Dalvíkurbyggðar og er frekari kynningar þörf víðar í samfélaginu.

Með fundarboði fylgdu tillögur að breytingu á gjaldskrám málaflokka fræðslusviðs 04. Breytingar munu taka gildi frá 1. janúar 2013.  a) Húsnæði Dalvíkurskóla.  <EM>Gjaldskrá samþykkt með lítilsháttar breytingu.</EM> b) Gjaldskrá Tónlistarskólans. Með fundarboði fylgdi samantekt á skólagjöldum í sveitarfélögum af svipaðri stærð og Dalvíkurbyggð. <EM>Fræðsluráð samþykkir óbreytta gjaldskrá Tónlistarskólans. Sigurður Jörgen Óskarsson situr hjá við afgreiðslu.</EM> c) Gjaldskrá leikskóla.Með fundarboði fylgdi gjaldskrá með tillögu að 5% hækkun á leikskólagjöldum og fæðisgjöldum. <EM>Fræðsluráð samþykkir 5% hækkun leikskóla- og fæðisgjalda.</EM> d) Gjaldskrá vistunar í Frístund.  Með fundarboði fylgdi tillaga að hækkun á gjaldskrá Frístundar.  <EM>Fræðsluráð samþykkir að vistunargjöld hækki úr 300 kr. í 315 kr. á klst og fæði úr 200 kr. í 210 kr. á dag.</EM>

Hildur Ösp kynnti siðareglur kjörinna fulltrúa Dalvíkurbyggðar og lítillega var rætt um þær. <EM>Lagt fram og kynnt. </EM>

Auður Helgadóttir formaður fræðsluráðs fór yfir erindisbréf fræðsluráðs og um það urðu stuttar umræður. Engar athugasemdir. <EM>Lagt fram og kynnt.</EM>