Félagsmálaráð

Eyrún Rafnsdóttir, félagsmálastjóri, fór yfir starfsáætlun félagsmálasviðs fyrir árið 2022. Einnig fór hún yfir þær stefnur, reglugerðir og samþykktir sem eru á heimasíðu Dalvíkurbyggðar.

Eyrún Rafnsdóttir, félagsmálastjóri, fór yfir fjárhagsáætlun félagsmálasviðs fyrir árið 2022.

Tekið var fyrir erindisbréf félagsmálasvið

Lögð var fram jafnréttisáætlun félagsmálasviðs.

Tekið fyrir rafbréf dags. 1. júní 2022 frá Mennta- og barnamálaráðuneytinu vegna móttöku barna á flótta frá Úkraínu. Um er að ræða úthlutun tímabundins stuðnings við sveitarfélög við að taka á móti auknum fjölda barna á flótta. Sótt var um stuðning fyrir 4 börn í Dalvíkurbyggð.

Tekið fyrir rafbréf dags. 2. júní 2022 frá Félagsmálaráðuneytinu þar sem fram kemur að umsókn um fjárframlag vegna sérstakra viðbótaverkefna í félagsstarfi fullorðinna fyrir árið 2022 hafi verið samþykkt.

Tekið fyrir erindi dags. 18.05.2022 frá Rauða krossi Íslands. Erindið varðar málefni flóttafólks sem sest hefur að í sveitarfélaginu eða mun mögulega setjast hér að. Rauði krossinn hefur um áratugaskeið stutt við bakið á flóttafólki sem hingað kemur. Félagið hefur gegnt margvíslegum hlutverkum í móttöku flóttafólks í gegnum árin. Aðaláhersla félagsins er nú á andlega velferð gegnum sálfélagslegan stuðning. Starfað er eftir aðferðarfræði Alþjóðahreyfingar Rauða krossins um andlega velferð. Hjartað í stuðningi félagsins eru persónuleg tengsl, gegnum félagsleg virkniverkefni, leiðsöguvini eða tungumálavini sem og umfangsmikil fræðsla um andlega velferð. Tilgangur bréfsins er að tryggja að flóttafólk með dvalarleyfi fái upplýsingar um stuðning og þjónustu Rauða krossins. Tilkynnt hefur verið til Rauða krossins nöfn og símanúmer flóttamanna í Dalvíkurbyggð

Lagt fram til kynningar erindi dags 14.06.2022 frá Geðheilsuteymi taugaþroskaraskana. Kynnt var skýrsla sem gerð var um könnun á geðheilsuþjónustu meðal fólks með þroskahömlun og skyldar raskanir.

Tekið fyrir erindi frá Öryrkjabandalagi Íslands dags. mars 2022 þar sem vakin er athygli á að samgöngu- og sveitarstjórnarráðuneyti vegna jöfnunarsjóðs sveitarfélaga, félagsmálaráðuneytið, Samband íslenskra sveitarfélaga og Öryrkjabandalag Íslands gera með sér samkomulag um samstarf. Um er að ræða átak sem felur í sér hvatningu ti sveitarfélaga um að vinna markvisst að úrbótum í aðgengismálum í samræmi við stefnu og framkvæmdaáætlun í málefnum fatlaðs fólks fyrir árin 2017-2021. Mikilvægt er að fatlað fólk hafi aðgengi að samfélaginu til jafns við aðra og sveitarfélögin á Íslandi gegna lykilhlutverki við að ná því markmiði.

Formaður félagsmálaráðs vakti athygli á að í málefnasamningi meirihlutans væri að auka við þjónustu við eldri borgara og öryrkja hvað varðar matarsendingar alla daga vikunnar. Rætt var um möguleika á slíkri þjónustu í sveitarfélaginu og hvernig væri hægt að útfæra það í Dalvíkurbyggð.

Trúnaðarmál - 202206053Bókað í trúnaðarmálabók