Félagsmálaráð

Trúnaðarmál - 202008054Bókað í trúnaðarmálabók

Tekið fyrir stöðumat á fjárhagsáætlun félagsmálasviðs frá janúar til júlí 2020

Lagt er til að gjaldskrár félagsmálasviðs verði hækkaðar um 2,4% á milli áranna 2020 og 2021 eins og forsendur eru í fjárhagsáætlunarferlinu. Teknar fyrir gjaldskrár sviðsins.

Teknar eru fyrir launaáætlanir félagsmálasviðs fyrir árið 2021.

Tekin fyrir rafpóstur dags. 01.september 2020 frá Sigurbjörgu Harðardóttur verkefnastjóra Aflsins á Akureyri. Með rafpóstinum er verið að óska eftir styrkbeiðni til reksturs Aflsins fyrir árið 2021 þannig að hægt sé að þróa og efla starfsemina.

Tekinn fyrir til umfjöllunar samningur við Dalbæ, dvalarheimili aldraðra um dagþjónustu. Búið var að staðfesta drög að samningi í félagsmálaráði í júní sl. sem og í sveitarstjórn. Erindi barst frá stjórn Dalbæjar eftir þann tíma, þar sem óskað er eftir hækkun á styrk Dalvíkurbyggðar vegna aukins launakostnaðar. Tillögur stjórnar Dalbæjar kynntar fyrir nefndarmönnum.

Tekið fyrir erindi dagsett 19. ágúst 2020 frá NPA miðstöðinni varðandi nýja jafnaðartaxta og nýjan kjarasamning við Eflingu varðandi NPA aðstoðarfólks.

Tekinn fyrir rafpóstur dags 26.08.2020 frá Reykjavíkurborg en kynnt var tilraunaverkefnið Tinna sem er samstarfsverkefni Reykjavíkurborgar og Velferðarráðuneytisins. Meginmarkmið Tinnu var að bjóða upp á heildstæða þjónustu til einstæðra foreldra og barna þeirra. Boðið var upp á frekari kynningu til sveitarfélagsins.

Tekinn fyrir rafpóstur dags. 01.09.2020 frá Hjálparsíma Rauða krossins 1717. Vakin er athygli á því að nú í byrjun september er opnað fyrir þjónustu fyrir pólskumælandi einstaklinga í hjálparsímanum sem og í netspjalli. Þjónustan er opin á fimmtudögum frá 20-23

Tekinn fyrir rafpóstur dags. 01.09.2020 frá Félagsmálaráðuneytinu þar sem fram kemur að ákveðið hefur verið að opna fyrir umsóknir um íþrótta og tómstundastyrki þegar líður á haustið. Endanleg dagsetning ræðst af því hvenær rafrænar lausnir sveitarfélaga verða tilbúnar. Samhliða verður ráðist í átakið "Allir með". Sveitarfélögin þurfa að setja saman leiðbeiningar um umsóknarferil innan síns sveitarfélags.

Tekinn fyrir rafpóstur dags. 03.09.2020 frá Gæða- og eftirlitsstofnun félagsþjónustu og barnaverndar en kynnt er að í byrjun september taki í gildi ný reglugerð til einkaaðila sem veita þjónustu við fatlað fólk nr. 856/2018.