Félagsmálaráð

Trúnaðarmál - 202003103Bókað í trúnaðarmálabók

Trúnaðarmál - 202006042Bókað í trúnaðarmálabók

Trúnaðarmál 202006038Bókað í trúnaðarmálabók

Lögð voru fram drög að endurnýjuðum samningi við Dalbæ, dvalarheimili aldraðra á Dalvík um dagþjónustu við eldri borgara sveitarfélagsins.

Tekið fyrir erindi dags. 06.05.2020 frá nefndarsviði Alþingis sem sendir til umsagnar frumvarp til laga um breytingu á barnalögum nr. 76/2003, með síðari breytingum (skipt búseta barns), 707.mál

Tekið fyrir erindi dags. 28.05.2020 frá nefndarsviði Alþingis til umsagnar frumvarp til laga um breytingu á lögum um þjónustu við fatlað fólk með langvarandi stuðningsþarfir, nr. 38/2018 (notendaráð), 838. mál

Tekið fyrir erindi dags. 15.05.2020 frá Jafnréttisstofu. Haustið 2018 urðu þær breytingar á íslenskri jafnréttislöggjöf að við bættust tvenn ný lög. Annars vegar lög nr,. 85/2018 um jafna meðferð óháð kynþætti og þjóðernisuppruna utan vinnumarkaðar og hins vegar lög nr. 86/2018 um jafna meðferð á vinnumarkaði óháð kynþætti, þjóðernisuppruna, trú, lífsskoðun, fötlun, skertri starfsgetu, aldri, kynhneigð, kynvitund, kyneinkennum eða kyntjáningu. Með hinum nýju lögum um jafna meðferð á vinnumarkaði er horft til þess að stuðla að virkri þátttöku sem flestra á vinnumarkaði enda er atvinnuþátttaka talin ein þýðingarmesta leiðin til að koma í veg fyrir félagslega eingangrun og fátækt. Samandregið má segja að markmið jafnréttislöggjafarinnar sé að vinna gegn mismunun og koma á og viðhalda jafnri meðferð, jöfnum tækifærum og jafnrétti. Öll lög kveða á um skýrt bann við mismunun og gera kröfur til atvinnurekenda um markvissa vinnu innan fyrirtækis eða stofnunar sem og samfélagsins alls. Jafnréttisstofa hefur látið útbúa veggpsjald til að minna á mikilvægi þess að raunverulegt jafnrétti náist.

Tekið fyrir erindi dags. 18.05.2020 frá Sambandi Íslenskra sveitarfélaga þar sem kynnt er minnisblað sem félagsmálaráðuneytið og sambandið unnu að í samstarfi við Vinnumálastofnun er varðar hópa/einstaklinga sem eiga hvorki rétt á atvinnuleysisbótum né fjárhagsaðstoð.

Tekið fyrir erindi dags 20.05.2020 frá Félagsmálaráðuneytinu en samþykkt hefur verið að styðja fjárhagslega við þau sveitarfélög, sem umfram hefðbundið sumarstarf sumarið 2020, hyggjast auka við frístundastarfsemi fyrir börn í sérstaklega viðkvæmri stöðu. Horft er til aldurshópsins 12 til 16 ára með sérstaka áherlsu á að leitað verði einstaklingsbundinna leiða til að ná til þess hóps barna sem hvað síst sækja reglubundið frístundastarf.

Tekið fyrir erindi dags. 02.06.2020 frá Félagsmálaráðuneytinu þar sem Félags- og barnamálaráðherra hvetur sveitarfélög til að efla enn frekar félagsstarf fullorðinna í sumar með það að markmiði að rjúfa félagslega einangrun sem orðið hefur vegna Covid-19. Sérstaklega er mikilvægt að leggja aukna áherslu á frístundaiðkun, geðrækt, hreyfingu og forvarnir.

Tekið fyrir erindi dags 16.04.2020 frá Fjölskylduhjálp þar sem óskað er eftir styrk svo hægt verði að hlúa að skjólstæðingum félagsins eins og gert hefur verið s.l. 16 ár.

Tekið fyrir erindi dags. 04.05.2020 frá Sambandi Íslenskra sveitarfélaga. Fram kemur í erindi þeirra að Félagsmálaráðuneytið hefur gefið út nýjar leiðbeiningar um aksturþjónustu við fatlað fólk. Leiðbeiningar þessar voru unnar í samráði við Samband ísl. sveitarfélaga og hagsmunasamtök fatlaðs fólks og er ætlað að stuðla að samræmi á milli sveitarfélaga og þjónustusvæða. Miðað er við að endurskoðun reglna sveitarfélagsins eigi sér stað ekki síðar en sex mánuðum eftir útgáfu leiðbeininganna.

Tekið fyrir erindi dags. 06.05.2020 frá Sambandi Íslenskra sveitarfélaga þar sem minnt er á "stafræna ráðstefnu um framþróun sveitarfélaga, hvaða árangri viljum við ná?" Þar verður fjallað um samstarf og tækifæri sveitarfélaga í stafrænni framþróun og um fjárhagsaðstoðarlausn Reykjavíkurborgar.