Félagsmálaráð

Félagsmálastjóri lagði fram bréf dags. 14. nóvember 2014 frá nefndarsviði Alþingis, þar sem Velferðarnefnd Alþingis sendir til umsagnar tillögu til þingsályktunar um aðgerðaráætlun um geðheilbrigðisþjónustu fyrir börn, unglinga og fjölskyldur þeirra, 52. mál.

Félagsmálastjóri lagði fram bréf frá nefndarsviði Alþingis dags. 24. október 2014 þar sem Velferðarnefnd Alþingis sendir til umsagnar frumvarp til laga um sérhæfða þjónustumiðstöð á sviði heilbrigðis- og félagsþjónustu (heildarlög), 257. mál. Erindinu er einnig vísað til félagsmálaráðs þann 30. október frá Byggðarráði sem samþykkir samhljóða með 3 atkvæðum að vísa ofangreindu til félagsmálaráðs til skoðunar.

Félagsmálastjóri lagði fram bréf dags. október 2014 frá Kvennaathvarfinu þar sem óskað er eftir rekstrarstyrk fyrir komandi starfsár að upphæð 350.000,-. Markmið athvarfsins er að vera skjól fyrir konur og börn þeirra þegar dvöl í heimahúsum er þeim óbærileg vegna andlegs eða líkamlegs ofbeldis annars heimilismanns. Auk þess er boðið upp á stuðningsviðtöl fyrir konur sem ekki dveljast í athvarfinu og þeim veitt aðstoð við að ráða fram úr málum sínum.

Félagsmálastjóri lagði fram ályktun frá Þroskahjálp dags. 23.10.2014. Ályktunin er eftirfarandi: "Landssamtökin Þroskahjálp fagna því að Stígamót hafa nýverið ráðið sérmenntaðan starfsmann til að sinna fötluðu fólki sem orðið hefur fyrir ofbeldi. Samtökin benda á þá staðreynd að fatlað fólk, bæði fullorðnir og börn, eru því miður frekar útsett fyrir ofbeldi en aðrir. Því ættu aðrar stofnanir samfélagsins sem vinna að slíkum málum að taka sér Stígamót til fyrirmyndar og efla sérþekkingu sína hvað varðar fatlanir og fatlað fólk".

Félagsmálastjóri lagði fram bréf dags. 15.nóvember 2014 vegna samstarfs Mæðrastyrksnefndar Akureyrar, Hjálparstarfs kirkjunnar, Hjálpræðishersins á Akureyri og Rauða krossins við Eyjafjörð. Í bréfinu kemur fram að um þessar mundir séu að hefjast fjáröflun vegna jólaaðstoðar eins og undanfarin ár. Samstarfið hjá ofantöldum aðilum hefur gengið mjög vel og hafa félögin ákveðið áframhaldandi samstarfi. Söfnunarfé er notað til kaupa á gjafakortum til handa einstaklingum á Eyjafjarðarsvæðinu sem eru illa staddir fjárhagslega. Samtals fengu 300 fjölskyldur aðstoð í fyrra. Óskað er eftir fjárstyrk frá sveitarfélaginu í þetta samstarf. Undanfarin ár hefur félagsþjónusta Dalvíkurbyggðar átt gott samstarf við fyrrgreinda nefnd vegna jólaaðstoðar við einstaklinga í Dalvíkurbyggð.

Félagsmálastjóri fór yfir útreikninga á jólaaðstoð til handa einstaklingum í sveitarfélaginu sem hafa tekjur á viðmiðunarkvarða fjárhagsaðstoðar.

Trúnaðarmál - 201410314

Trúnaðarmál - 201411045

Trúnaðarmál 201411075

Trúnaðarmál-20141110

Trúnaðarmál-201411001

Trúnaðarmál - 201411109

Trúnaðarmál - 201411107

Trúnaðarmál - 201411106