Félagsmálaráð

Trúnaðarmál nr. 201311277

Trúnaðarmál

Trúnaðarmál

Félagsmálastjóri kynnti bréf frá Félagi heyrnarlausra dags. 12. nóvember 2013. Óskað er eftir styrk til útgáfu Döffblaðsins með því að auglýsa í blaðinu. Blaðið kemur út í byrjun desember.

Félagsmálastjóri kynnti bréf frá Stígamótum dags. 29. október 2013 þar sem óskað er eftir rekstrarstyrk til félagsins

Félagsmálastjóri kynnti tölvupóst frá Félagi heyrnarlausra dags. 20. nóvember 2013 þar sem óskað er eftir að sveitarfélagið kaupi happdrættismiða af félaginu.

Félagsmálastjóri lagði fram bréf dags. 25. október frá Mæðrastyrksnefnd Akureyrar, Hjálparstarfs kirkjunnar, Hjálpræðishersins á Akureyri og Rauða krossins við Eyjafjörð. Á síðasta ári sameinuðu þessi félög krafta sína vegna jólaaðstoðar. Óskað er eftir styrk frá sveitarfélaginu.

Lagður var fram tölvupóstur frá Sambandi Íslenskra sveitarfélaga þar sem vakin er athygli á frétt sambandsins. Þar er kynnt að ýtt verði úr vör sérstöku verkefni í samvinnu við sveitarfélögin í landinu um þjónustu við atvinnuleitendur sem eru án bótaréttar í atvinnuleysistryggingakerfinu og njóta fjárhagsaðstoðar frá félagsþjónustu sveitarfélaga. Verkefnið hefur fengið nafnið Stígur. Markmið verkefnisins er að styrkja viðkomandi einstakling í leit sinni að atvinnu og fækka þannig skjólstæðingum sveitarfélaganna sem þurfa á fjárhagsaðstoð að halda. Um er að ræða þjónustu við fólk sem hefur klárað bótarétt sinn til atvinnuleysisbóta undanfarin ár. Félagsþjónustur sveitarfélaga munu vísa þeim sem í hlut eiga í starfsráðgjöf og vinnumiðlun hjá Vinnumálastofnun samkvæmt sérstöku verklagi.

Lagður var fram tölvupóstur dags. 11. nóvember 2013 frá Forvarnar- og fræðslusjóðnum Þú getur!. Sjóðurinn starfar að eflingu geðheilbrigðis með þrjú markmið í huga. Að styrkja þá sem átt hafa við geðræn veikindi til náms með námsstyrkjum, að draga úr fordómum eða það að stuðla að aukinni og vandaðri fræðslu og hvetja til aukinnar sérhæfingar í geðheilbrigðisþjónustu. Þú getur líka! býður upp á að fræðsluerindi ásamt fræðsluefni er nú aðgengilegt á tölvutæku formi og benda á að félagsmálayfirvöld gætu efnt til slíkra fræðslufunda.

Lagður var fram tölvupóstur dags. 7.11 2013 frá nefndarsviði Alþingis þar sem óskað er umsagnar um tillögu til þingsályktunar um jafnt búsetuform barna sem búa á tveimur heimilum.

Lagður var fram tölvupóstur dags. 7.11 2013 frá nefndarsviði Alþingis þar sem óskað er umsagnar tillögu til þingsályktunar um mótun geðheilbrigðisstefnu og aðgerðaráætlunar, 89. mál

Lagður var fram tölvupóstur dags. 7. nóvember 2013 til umsagnar tillögu til þingsályktunar um skráningu upplýsinga um umgengnisforeldra, 71. mál

Lagður var fram tölvupóstur dags. 7. 11 2013 frá Velferðarnefnd alþingis til umsagnar frumvarp til laga um húsaleigubætur (réttur námsmanna), 72. mál

Lagður var fram tölvupóstur dags. 7.11 2013. Varasjóður húsnæðismála í samvinnu við velferðarráðuneytið hefur frá árinu 2004 árlega gert könnun á stöðu húsnæðismála hjá sveitarfélögum. Tilgangur könnunarinnar er að fylgjast með framvindu og breytingum á stöðu leiguíbúða en upplýsingar koma m.a. að notum við stefnumótun stjórnvalda í húsnæðismálum.

Félagsmálastjóri fór yfir stöðu íbúða í eigu sveitarfélagsins, fjölda þeirra, leiguverð og stöðu lána.

Félagsmálastjóri fór yfir erindi frá Byggðarráði dags. 31.10 2013. Byggðarráð samþykkti samhljóða með 3 atkvæðum að því fyrirkomulagi sem verið hefur á þjónustu vinnuskóla hvað varðar lóðarslátt til elli- og örorkulífeyrisþega verði hætt. Í staðinn verði veittur ákveðinn styrkur til þeirra sem kunna að eiga slíkan rétt gegn framvísun reiknings frá verktaka. Byggðarráð samþykkir samhljóða með 3 atkvæðum kr. 200.000 inn á málaflokk 02 vegna þess.

Formaður félagsmálaráðs fór yfir stöðu mála í tengslum við forvarnarstefnu Dalvíkurbyggðar.

Tekið var fyrir erindi dags. í október frá Kvennaathvarið þar sem óskað er eftir rekstarstyrk fyrir árið 2014 að upphæð 300.000,- krónur.