Byggðaráð Dalvíkurbyggðar

Tekið fyrir erindi frá sviðsstjóra fræðslu- og menningarsviðs, dagsett þann 15. júní 2021, þar sem óskað er eftir viðauka við fjárhagsáætlun 2021 vegna umsóknar um niðurgreiðslu á kennslukostnaði fyrir nemanda utan lögheimilis sveitarfélags fyrir skólaárið 2021/2022. Kostnaður vegna haustannar 2021 kr. 572.681 og vegna vorannar 2022 kr. 572.681. Óskað er eftir viðauka við lið 04530-4380 þannig að hann hækki úr kr. 550.349 í kr. 1.123.030 eða um kr. 572.681.

Sviðsstjóri fjármála- og stjórnsýslusviðs kynnti stöðu bókhalds fyrir janúar - maí í samanburði við fjárhagsáætlun 2021.Rekstraryfirlit janúar - maí 2021.Rekstraryfirlit janúar - maí 2021, sundurliðað á deildir.Sundurliðunarbók janúar - maí 2021 á lykla.Stöðugildi janúar - maí, samanburður við heimildir í fjárhagsáætlun.Launakostnaður janúar - maí í samanburði við heimildir í launa- og fjárhagsáætlun.

Tekið fyrir erindi frá Agnesi Önnu Sigurðardóttur, dagsett þann 1. júní 2021, þar sem sótt er um að fá flotbryggju við höfnina á Árskógssandi.

Tekið fyrir erindi frá Hestamannafélaginu Hring, dagsett þann 21. júní 2021, þar sem óskað er eftir styrk frá Dalvíkurbyggð vegna endurnýjunar á reiðskemmu/reiðhöll félagsins. Horft hefur verið á uppfærslu á núverandi aðstöðu en nú eru hugmyndir um byggingu á nýju húsi.

Tekið fyrir erindi frá Golfklúbbnum Hamar, dagsett þann 19. júní 2021 þar sem fram kemur að Golfklúbburinn Hamar hyggst halda áfram uppbyggingu á svæði sínu inn á Arnarholtsvelli næstu árin og óskar félagið eftir viðbótarstyrkjum frá Dalvíkurbyggð til þeirra verkefna; bygging vélageymslu, framkvæmdir á velli og kaup á slátturróbótum.

Tekið fyrir erindi frá Berglindi Björk Stefánsdóttur, dagsett þann 21. júní 2021, þar sem óskað er eftir að farið verði í endurnýjun á girðingunni Hrafnsstaðakoti/Ytra-Holt á næsta ári.

Tekið fyrir erindi frá Önnu Maríu Bergsdóttur, dagsett þann 18. júní 2021, þar sem óskað er eftir að brugðist verði við snjósöfnun í Lynghólum.

Sviðsstjóri fjármála- og stjórnsýslusviðs kynnti frumdrög að fjárhagsramma vegna vinnu við fjárhagsáætlun 2022-2025 og helstu forsendur þar að baki.

Á fundinum voru lagðar fram til kynningar tvær fundargerðir starfs- og kjaranefndar frá maí og júní.

Frestað.

Bókað í trúnaðarmálabók.

Sveitarstjóri gerði grein fyrir drögum að samningi og samskiptum við Samherja um lóðina sunnan við gamla frystihúsið.

Frestað til næsta fundar.

Tekið fyrir erindi frá Sýslumanninum á Norðurlandi eystra, rafpóstur dagsettur þann 11. júní sl., þar sem óskað er umsagnar um tækifærisleyfi vegna viðburðar í Höfða samkomuhúsi 1. júlí nk. Fyrir liggur jákvæð umsögn frá slökkviliðsstjóra Dalvíkurbyggðar, dagsett þann 22. júní sl.

Tekið fyrir erindi frá Landsneti ehf., rafpóstur dagsettur þann 10. júní sl., þar sem kynnt er að kerfisáætlun 2021-2030 er nú komin í opið umsagnarferli. Frestur til að skila inn skriflegum umsögnum er til 30. júlí nk.

Tekið fyrir erindi frá Landskerfi bókasafna, dagsett þann 9. júní sl., þar sem boðað er til framhaldsaðalfundar 28. júní nk. kl. 15:00 í gegnum TEAMS. Litið er svo á að umboð sem veitt voru fyrir fundinn 19. maí sl. gildi áfram nema önnur fyrirmæli berist frá hluthafa.

Lögð fram til kynningar fundargerð stjórnar Sambands íslenskra sveitarfélaga nr. 899 frá 11. júní sl.

Fundargerðin er í 3 liðum.Liðir 1 og 2 eru sér liðir á dagskrá.

Á 356. fundi umhverfisráðs þann 21. júní sl. var eftirfarandi bókað:"Fyrir fundinum lá tillaga að deiliskipulagi fyrir Hauganes sem unnið var af Ágústi Hafsteinssyni. Ráðið fór yfir deiliskipulagstillöguna og lagði til lítilsháttar breytingar. Umhverfisráð samþykkir framlögð drög að deiliskipulagi fyrir Hauganes og leggur til að deiliskipulagstillagan verði auglýst skv. 1. mgr. 41. gr. skipulagslaga nr. 123/2010. Samþykkt samhljóða með fimm atkvæðum."

Á 356. fundi umhverfisráðs þann 21. júní sl. var eftirfarandi bókað:"Með erindi dagsettu 18. júní 2021 óskar Gunnlaugur Svansson fyrir hönd GS frakt ehf. eftir lóðinni við Gunnarsbraut 8. Niðurstaða:Umhverfisráð samþykkir að úthluta GS frakt ehf. lóðinni að Gunnarsbraut 8. Samþykkt samhljóða með fimm atkvæðum. "