Byggðaráð Dalvíkurbyggðar

Á 139. fundi landbúnaðarráðs þann 3. júní 2021 var eftirfarandi bókað:"Fyrir fundinum lá athugun á lögmæti innheimtu búfjárleyfisgjalds. Landbúnaðarráð leggur til að búfjárleyfisgjald verði fellt niður úr gjaldskrá.Samþykkt samhljóða með fimm atkvæðum."

Tekið fyrir erindi frá sviðsstjóra félagsmálasviðs, dagsett þann 27. maí 2021, þar sem óskað er eftir viðauka við fjárhagsáætlun 2021, deild 02560, vegna styttingu vinnuvikunnar í vaktavinnu. Auka þarf stöðuhlutföll starfsmanna í íbúðakjarnanum í Lokastíg 3 og Lokastíg 4. Aukningin er 1,6 stöðugildi og áætlaður launakostnaður vegna þessa er kr. 10.194.775 miðað við frá 1. maí 2021.Lagt er til að viðaukanum verði mætt með lækkun á handbæru fé.

Tekið fyrir erindi frá deildarstjóra Eigna-og framkvæmdadeildar, rafpóstur dagsettur þann 3. júní 2021, þar sem óskað er eftir tilfærslu á milli deilda í fjárhagsáætlun 2021. Óskað er eftir að flytja kr. 800.000 af lið 10500-4396 og yfir á lið 11410-2922 vegna kaupa á blómum og þökum fyrir opin svæði.

Á 354. fundi umhverfisráðs þann 4. júní 2021 var eftirfarandi bókað:"Steinþór Björnsson, deildarstjóri EF-deildar kom á fundinn kl. 08:15.Tekin fyrir samantekt deildarstjóra EF deildar á viðhaldi gatna og gangstétta. Búið er að gera við verstu svæðin en nokkur svæði eru það illa farin eftir veturinn að nauðsynlegt er að bregðast við. Fjárheimildir á fjárhagsáætlun ársins eru langt komnar.Umhverfisráð fór yfir listann með sviðsstjóra og forgangsraðaði verkefnum.Umhverfisráð samþykkir samhljóða með 5 atkvæðum að fela deildarstjóra EF-deildar að kostnaðarmeta nauðsynlegar framkvæmdir miðað við forgangsröðun ráðsins.Umhverfisráð felur sviðsstjóra að óska eftir viðauka til byggðaráðs vegna framkvæmdanna, allt að 6 milljónir króna vegna viðhalds og malbiksframkvæmda gatna og gangstétta."Með fundarboði byggðaráðs fylgdi erindi frá deildarstjóra Eigna- og framkvæmdadeildar, dagsett þann 9. júní 2021, þar sem óskað er eftir viðauka að upphæð kr. 6.000.000 við deild 10300 vegna viðhalds gatna og gangstétta samkvæmt fyrirliggjandi tillögu.

Á 354. fundi umhverfisráðs þann 4. júní 2021 var eftirfarandi bókað:"Tekið fyrir erindi frá Þorsteini Björnssyni, sviðsstjóra, dagsett 3. júní 2021. Þar tekur hann saman kostnað við framkvæmdir í frístundabyggðinni að Hamri. Búið er að úthluta sex lóðum í hverfi B9 undir sumarhús og því er nauðsynlegt að fara í slóðagerð og lagnavinnu sem fyrst.Það sem snýr að umhverfisráði er slóðagerð og fylgdi uppdráttur erindi sviðsstjóra. Áætlaður kostnaður við slóðagerðina er 4 milljónir króna. Ekki er gert ráð fyrir þessum kostnaði í fjárhagsáætlun 2021 og því fylgdi erindinu beiðni um viðauka sem yrði mætt með lækkun á handbæru fé.Umhverfisráð samþykkir samhljóða með 5 atkvæðum að fela sviðsstjóra að óska eftir viðauka til byggðaráðs allt að 4 milljónir til slóðagerðar á Hamri."Sveitarstjóri kynnti á fundinum viðaukabeiðni frá framkvæmdasviði að upphæð kr. 6.700.000 vegna slóðagerðar og lagnavinnu að Hamri 2021. Kr. 4.000.000 á lið 32200-11900, kr. 700.000 á lið 44200-11606 og kr. 2.000.000 á lið 74200-11606.

Bókað í trúnaðarmálabók.

Bókað í trúnaðarmálabók.

Með fundarboði fylgdi tillaga frá sviðsstjóra fjármála- og stjórnsýslusviðs að tímaramma vegna vinnu við fjárhagsáætlun 2022-2025,

Á 987. fundi byggðaráðs þann 3. júní sl. var eftirfarandi bókað:"Á 986. fundi byggðaráðs þann 27. maí sl. var til umfjöllunar Samþykkt um stjórn Dalvíkurbyggðar og erindisbréf landbúnaðarráðs, umhverfisráðs og veitu- og hafnaráðs með breytingartillögum vegna skipulagsbreytinga, þ.e. veitu- og hafnasviðs og umhverfis- og tæknisvið sameinað, er nú orðið framkvæmdasvið. Einnig eru gerðar tillögur að öðrum tæknilegum breytingum. Samþykktin og erindisbréfin voru til umfjöllunar á fundinum og lagt fram til kynningar fram að næstu fundum byggðaráðs.Til umræðu og frekari umfjöllun og afgreiðslu frestað til næsta fundar."

Með fundarboði byggðaráðs fylgdi tillaga frá fjármála- og stjórnsýslusviði um endurskoðun á reglum Dalvíkurbyggðar um meðferð tölvupósts og netnotkun.Í aðalatriðum er sú breyting sem lögð er til að undirstrikað er mikilvægi réttrar meðferðar á tölvupósti hvað varðar skjalavistun og gert er betur grein fyrir hvernig á að fara með tölvupóst við starfslok.

Á 982. fundi byggðaráðs þann 15. apríl sl. var eftirfarandi bókað:"Á. 334. fundi sveitarstjórnar Dalvíkurbyggðar þann 30. mars sl. var samþykkt að fela sveitarstjóra að kanna mögulegt samstarf við nágrannasveitarfélögin um verkefni byggingarfulltrúa til að uppfylla kröfur laga um mannvirki. Á sama fundi var staðfest ráðning Helgu Írisar Ingólfsdóttur í auglýst starf byggingar- og skipulagsfulltrúa. Fyrir liggur tillaga frá byggðaráði um að starfsheiti starfsmannsins verði skipulags- og tæknifulltrúi.Sveitarstjóri óskaði eftir viðræðum við Fjallabyggð um möguleika á samstarfi á milli sveitarfélaganna um verkefni byggingarfulltrúa.Á 691. fundi bæjarráðs Fjallabyggðar þann 13. apríl sl. var ofangreint erindi til umfjöllunar og samþykkti bæjarráð að fela bæjarstjóra að eiga fund með sveitarstjóra Dalvíkurbyggðar um möguleika á samstarfi sem um er rætt.Lagt fram til kynningar."Með fundarboði byggðaráðs fylgdi samantekt sveitarstjóra hvað varðar umræður um samstarf um verkefni byggingarfulltrúa við önnur sveitarfélög.

Á 987. fundi byggðaráðs þann 3. júní sl. var sveitarstjóra falið að móta erindi til ráðherra um eflingu starfsstöðvar Sýslumannsins á Norðurlandi eystra á Dalvík.Með fundarboði byggðaráðs fylgdi tillaga sveitarstjóra að erindi til ráðherra.

Guðmundur St. Jónsson vék af fundi kl. 15:13 vegna vanhæfis við umfjöllun og afgreiðslu.Á 983. fundi byggðaráðs þann 29. apríl sl. var sveitarstjóra falið að gera drög að samningi við stjórn Fiskidagsins mikla um styrkveitingar vegna Fiskidagsins mikla.Með fundarboði byggðaráðs fylgdu drög að samningi við stjórn Fiskidagsins mikla um forsendur á greiðslu á styrk að upphæð kr. 5.500.000 árið 2021 þar sem fyrir liggur að Fiskidagurinn mikli verður ekki haldinn í ár.

Guðmundur St. Jónsson kom inn á fundinn að nýju kl. 15:21.Tekið fyrir erindi frá SSNE, rafpóstur dagsettur þann 3. júní 2021, þar sem SSNE óskar eftir tillögu að fjórum fulltrúum frá hverju sveitarfélagi í samráðsvettvang Sóknaráætlunar Norðurlands eystra 2020-2024. Í samningi um Sóknaráætlun Norðurlands eystra er kveðið á um að sóknaráætlanir skuli unnar í samvinnu við samráðsvettvang landshlutanna. Samráðsvettvangurinn skal hafa beina aðkomu að gerð sóknaráætlunar landshlutans og vera upplýstur um framgang hennar a.m.k. árlega.Óskað er eftir tillögu að tveimur karlkyns og tveimur kvenkyns fulltrúum í samráðsvettvanginn, alls fjórum. Annars vegar tveimur fulltrúum af pólistískum vettvangi og hins vegar tveimur ópólitískum. Eins er afar mikilvægt að heyra raddir sem flestra og hvetur SSNE sveitarfélögin því til að horfa til ungs fólks og fólks af ólíkum uppruna. SSNE mun síðan velja úr tilnefningum frá sveitarfélögunum til að tryggja fjölbreytileika samráðsvettvangsins.

Með fundarboði fylgdi bréf frá Sambandi íslenskra sveitarfélaga, dagsett þann 1. júní 2021, þar sem fram kemur að á fundi stjórnar Sambandsins þann 28. maí sl. var lögð fram fundargerð XXXVI. landsþings Sambandsins frá 21. mai 2021.Eftirfarandi var bókað og samþykkt:"Stjórn sambandsins hvetur sveitarfélög til að taka skýrslu Framtíðarseturs Íslands, sem var kynnt á landsþinginu 21. maí 2021, til umræðu í sveitarstjórn og undirbúa sig þannig fyrir landsþing 2022.“Meðfylgjandi eru fundargerð landsþingsins og skýrsla Framtíðarseturs Íslands.

Með fundarboði byggðaráðs fylgdi fréttabréf SSNE fyrir maí 2021.