Byggðaráð Dalvíkurbyggðar

Undir þessum lið komu á fund byggðaráðs í gegnum fjarfund TEAMS Einar Ísfeld Steinarsson, starfsmaður tímabundið á umhverfis- og tæknisviði, Börkur Þór Ottósson, sviðsstjóri umhverfis- og tæknisviðs og Steinþór Björnsson, deildarstjóri Eigna- og framkvæmdardeildar kl. 13:00.Einar Ísfeld hefur unnið að innleiðingu og skráningu inn í viðhaldsforrit fyrir Eignasjóð Dalvíkurbyggðar og kynnti það á fundinum. Einnig var kortavefur sveitarfélagsins og viðbætur við hann kynntur.Einar, Börkur Þór og Steinþór viku af fundi kl. 13:54.

Á 329. fundi sveitarstjórnar þann 24. nóvember sl. var frumvarp að fjárhagsáætlun 2021 og þriggja ára áætlun 2022-2024 tekin til fyrri umræðu í sveitarstjórn og samþykkt samhljóða að vísa henni til byggðaráðs á milli umræðna.

Tekið fyrir erindi frá sviðsstjóra umhverfis- og tæknisviðs, dagsett þann 18. nóvember 2020, þar sem óskað er eftir launaviðauka vegna tilflutnings á áætlun á milli deilda 11410 og 06270 samkvæmt meðfylgjandi skjali með útreikningum þar sem áætlun fór á aðra deild en launin bókast á. Um er að ræða launaviðauka sem samþykktur var fyrr á árinu vegna átaksstarfa.

Tekið fyrir minnisblað frá sviðsstjóra fræðslu- og menningarsviðs, dagsett þann 23. nóvember 2020, er varðar niðurfellingu á gjöldum vegna lokunar á stofnunum sem heyra undir sviðið á Covid19 tímum og er eftirfarandi lagt til:a) Vegna lokunar á Krílakoti í sex daga vegna sóttkvíar verði gjöld felld niður, alls kr. 850.000 vegna leikskólagjalda og fæðis.b) Vegna lokunar í sundlaug og heilsurækt þá verði lengt í tímabilskortum sem lokun varir í sundlaug og heilsurækt eins og gert var í vor.

Lögð fram til kynningar ársskýrsla Jöfnunarsjóðs sveitarfélaga 2019, samanber rafpóstur frá Samgöngu- og sveitarstjórnarráðuneytinu dagsettur þann 18. nóvember 2020.

Tekinn fyrir rafpóstur frá nefndasviði Alþingis, dagsettur þann 19. nóvember 2020, þar sem Allsherjar- og menntamálanefnd Alþingis sendir til umsagnar frumvarp til laga um breytingu á lögum um skráningu einstaklinga, nr. 140/2019 (sveitarfélag fyrsta lögheimilis), 82. mál. Þess er óskað að undirrituð umsögn berist eigi síðar en 3. desember nk.

Lögð fram til kynningar fundargerð Haustfundar Almannavarnarnefndar Norðurlands eystra sem var haldinn í fjarfundi þann 12.nóvember 2020.

Lögð fram til kynningar þingboðun frá SSNE vegna rafræns aukaþings samtakanna 11. desember 2020, sbr. 9. gr.samþykkta SSNE og ákvörðun á ársþingi í október.