Byggðaráð Dalvíkurbyggðar

Tekinn fyrir rafpóstur frá Þjóðskjalasafni Íslands, dagsettur þann 3. nóvember 2020, þar sem óskað er umsagnar um drög að reglum um eyðingu námsmatsgagna afhendingarskyldra aðilia. Frestur til að skila inn umsögn við regludrögin er til og með 4. desember 2020.

Tekinn fyrir rafpóstur, dagsettur þann 5. nóvember 2020, frá nefndasviði Alþingis þar sem Umverfis- og samgöngunefnd Alþingis sendir til umsagnar tillögu til þingsályktunar um þjóðaratkvæðagreiðslu um framtíð Reykjavíkurflugvallar, 39. mál. Þess er óskað að undirrituð umsögn berist eigi síðar en 19. nóvember n.k.

Tekið fyrir erindi frá ofangreindum baráttuhópi, samanber rafpóstur dagsettur þann 3. nóvember 2020, þar sem Reynir Már Sigurvinsson, Laufey Guðmundsdóttir og Jóna Fanney Svavarsdóttir, fyrir hönd allra smærri fyrirtækja, einyrkja og sjálfstætt starfandi aðila í ferðaþjónustu um allt land senda út yfirlýsingu ásamt kröfum og tillögum. Undir yfirlýsinguna hafa skrifað 211 aðilar í ferðaþjónustu og undirskriftum fjölgar stöðugt. Óskað er eftir því að sveitarstjórnir taki sig saman og standi þétt að baki íbúa sinna og fyrirtækjanna / rekstrarins sem þeir hafa komið á fót síðustu ár og áratugi og hafa glætt sveitir landsins lífi, skapað vinnu, aukið á sjálfbærni og ýtt undir nýsköpun í heimabyggð og setji þrýsting með hópnum á stjórnvöld, dýpki skilning þeirra á mikilvægi ferðaþjónustu og afleiddra starfa fyrir landið í heild og þörfina á tímanlegum og tryggum áætlunum og aðgerðum.

Tekið fyrir erindi frá Samgöngu- og sveitarstjórnarráðuneytinu, dagsett þann 26. október 2020, þar sem fram kemur að árlegur minningardagur um fórnarlömb umferðarslysa verður haldinn sunnudaginn 15. nóvember n.k. Að þessu sinni verður minningardagurinn sniðinn að sérstökum aðstæðum í samfélaginu. Rík hefð er fyrir því að færa starfsstéttum sem annast björgun og aðhlynningu þegar umferðarslys verður þakkir fyrir mikilvægt og óeigingjarnt starf.

Á 326. fundi sveitarstjórnar þann 16. júní 2020 var eftirfarandi bókað: 946. fundi byggðaráðs þann 4. júní 2020 var eftirfarandi bókað:"Á 938. fundi byggðaráðs þann 19. mars 2020 var tekinn fyrir rafpóstur frá Unicef á Íslandi, tilboð um þátttöku í verkefninu barnvæn sveitarfélög. Um er að ræða verkefni sem styður sveitarfélög í innleiðingu Barnasáttmála Sameinuðu þjóðanna, sem var lögfestur hér á landi árið 2013.Byggðaráð vísaði erindinu til umsagnar í fræðsluráði, ungmennaráði og félagsmálaráði.Ofangreind ráð hafa öll tekið erindið fyrir á fundum sínum í apríl og maí og leggja til að Dalvíkurbyggð taki þátt í verkefninu um barnvæn samfélög.Samkvæmt upplýsingum frá Unicef er orðið fullbókað hjá þeim í verkefnið árið 2020 en möguleiki fyrir Dalvíkurbyggð að komast inn á árinu 2021.Byggðaráð samþykkir samhljóða að sækja um að Dalvíkurbyggð verði þátttakandi í verkefninu barnvænt sveitarfélag."Enginn tók til máls.Sveitarstjórn samþykkir samhljóða með 7 atkvæðum ofangreinda afgreiðslu byggðaráðs og að Dalvíkurbyggð sæki um að verða þátttakandi í verkefninu barnvænt sveitarfélag fyrir árið 2021.Með fundarboði byggðaráðs fylgdi rafpóstur frá UNICEF, dagsettur þann 5. nóvember 2020, kannað er hvort enn sé áhugi fyrir því að taka þátt í verkefninu barnvæn sveitarfélög 2021. Eins og fram kom á sínum tíma þá greiðir sveitarfélagið 500.000kr skráningargjald en fræðsla og ráðgjöf er niðurgreidd af Félagsmálaráðuneytinu. Það þarf að tilnefna umsjónarmann með verkefninu og þar hefur 30% starfshlutfall gefið góða raun. Innleiðingarferlið tekur að meðaltali 2 ár.

Bókað í trúnaðarmálabók.

Með fundarboði fylgdi beiðni frá sveitarstjóra um viðauka við fjárhagsáætlun 2020, lækkun á fjárfestingum. Gert var ráð fyrir 40 milljónum króna í fjárhagsáætlun 2020 til framkvæmda við Dalbæ en samkvæmt upplýsingum frá hjúkrunarframkvæmdarstjóra og stjórn verður ekki fjárfest nema fyrir helming þeirrar upphæðar fyrir áramót, eða 20 milljónir króna.Því er sótt um viðauka upp á 20 milljóna króna lækkun á fjárfestingum, málaflokkur 32200 lykill 11500. Viðaukanum verði mætt með hækkun á handbæru fé.Einnig verði þriggja ára áætlun breytt þannig að framlag til Dalbæjar vegna fjárfestinga ársins 2022 verði 20 milljónir króna.

Katrín Sigurjónsdóttir, sveitarstjóri, kom á fundinn í gegnum fjarfund TEAMS kl. 14:18 vegna annarra starfa.Samkvæmt vinnu við fjárhagsáætlun 2021 er gert ráð fyrir að álagningarhlutföll fasteignaskatts og lóðarleigu verði óbreytt. Fyrir liggja tillögur að gjaldskrá vegna sorphirðu, vatnsveitu og fráveitu vegna ársins 2021.

Undir þessum lið komu á fund byggðaráðs í gegnum fjarfund TEAMS Eyrún Rafnsdóttir, sviðsstjóri félagsmálasviðs, Gísli Bjarnason, sviðsstjóri fræðslu- og menningarsviðs og Rúna Kristín Sigurðardóttir, launafulltrúi, kl. 14:30, en þau ásamt Katrínu Dóru Þorsteinsdóttur, ráðgjafa, unnu að endurskoðun Mannauðsstefnu fyrir Dalvíkurbyggð ásamt starfsmannahandbók og stjórnendahandbók. Einnig kom sérstakur rýnihópur starfsmanna að málum.Með fundarboði byggðaráðs fylgdi Mannauðsstefna Dalvíkurbyggðar sem byggðaráð staðfesti á fundi sínum þann 27. ágúst s.l. ásamt handbókum og öllum fylgigögnum.Eyrún, Gísli viku af fundi kl. 15:39.

Undir þessum lið sat Rúna Kristín Sigurðardóttir, launafulltrúi, áfram fundinn.Starfs- og kjaranefnd, sveitarstjóri, launafulltrúi og sviðsstjóri fjármála- og stjórnsýslusvis, gerðu grein fyrir fundi starfs- og kjaranefndar frá 10.11.2020 og stöðu mála hvað varðar vinnu við samkomulög um styttingu vinnuvikunnar samkvæmt kjarasamningum.Til umræðu útfærslur á samkomulögum um styttingu vinnuvikunnar í stofnunum og deildum sveitarfélagsins og hvernig hægt er að mæta þeim áskorunum sem stjórnendur og starfsmenn standa frammi fyrir án þess að til komi kostnaðarauki og/eða aukið álag.Rúna Kristín vék af fundi kl. 15:50.

Sveitarstjóri gerði grein fyrir tillögu framkvæmdastjórnar að gjöf til starfsmanna sveitarfélagsins, umbun fyrir að standa vaktina á árinu, oft við mjög óvenjulegar og krefjandi aðstæður á erfiðum tímum.

Sveitarstjóri og sviðsstjóri fjármála- og stjórnsýslusviðs gerðu grein fyrir stöðu mála hvað varðar vinnu við frumvarp að fjárhagsáætlun 2021-2024 en fyrri umræða mun fara fram 24. nóvember n.k. og tillaga að áætlun verður til umfjöllunar í byggðaráði þann 19. nóvember n.k.Með fundarboði byggðaráðs fylgdu eftirtalin vinnugögn;Starfsáætlanir 2021Fjárfestingar og framkvæmdir 2021-2024Viðhald Eignasjóðs 2021Beiðnir um búnaðarkaup 2021