Byggðaráð Dalvíkurbyggðar

Undir þessum lið kom á fund byggðaráðs Íris Daníelsdóttir, þjónustu-og innheimtufulltrúi, kl.8:15.Á 911. fundi byggðaráðs þann 27. júní s.l. var eftirfarandi bókað:"Sviðsstjóri fjármála- og stjórnsýslusviðs óskaði eftir heimild, í samráði við þjónustu- og innheimtufulltrúa, að fasteignin við Lokastíg 2, íbúð 201, verði sett á söluskrá. Til umræðu ofangreint. Byggðaráð frestar afgreiðslu til næsta fundar og óskar eftir að fá þjónustu- og innheimtufulltrúa og sviðsstjóra félagsmálasviðs til fundar til að fara yfir stöðu mála um húsnæðismál sveitarfélagsins. "Þjónustu- og innheimtufulltrúi fór yfir samantekt sína hvað varðar útleigu á íbúðum í eigu Dalvíkurbyggðar og virkan biðlista eftir íbúðum. Einnig kynnti hún ásamt sviðsstjóra fjármála-og stjórnsýslusviðs yfirferð þeirra með sviðsstjóra félagsmálasviðs á fundi 8. júlí s.l.Til umræðu ofangreint.Íris vék af fundi kl. 08:39.

Bókað í trúnaðarmálabók.

Á 911. fundi byggðaráðs þann 27. júní s.l. var eftirfarandi bókað:"Á 74. fundi menningarráðs þann 6. júní 2019 var eftirfarandi bókað:"Tekið fyrir erindi dags. 29. apríl 2019 frá Árna Daníel Júlíussyni, styrkumsókn um fornleifagröft í Svarfaðardal og Hörgárdal. Verkefnið er á vegum Hugvísindadeildar Háskóla Íslands. Verkefnið ber nafnið - Tveir dalir ? Svarfaðardalur og Hörgárdalur. Að verkefninu koma auk Árna Daníels Sögufélag Svarfdælinga og sérfræðingar við Fornleifafræðistofnun Íslands. Sótt er um 950.000 kr. í styrk.Menningarráð vísar erindinu til Byggðaráðs Dalvíkurbyggðar á grundvelli þess að umsóknin fellur ekki undir úthlutunarreglur menningar - og viðurkenningarsjóðs."Til umræðu ofangreint.Gísli vék af fundi undir þessum lið kl. 13:44.Byggðaráð samþykkir samhljóða með 3 atkvæðum að Dalvíkurbyggð geti ekki orðið við ofangreindu erindi."Með fundarboði byggðaráðs fylgdi fyrirspurn frá Árna Daníel Júlíussyni, rafbréf dagsett þann 1.júlí 2019, þar sem innt er eftir hvort einhverjar sérstakar ástæður voru bornar fram fyrir höfnuninni? Sinnir sveitarfélagið almennt ekki beiðnum af þessu tagi eða var einhver galli á umsókninni sem sérstaklega var tiltekinn?Árni Daníel óskar eftir að koma þessum athugasemdum á framfæri við rétta aðila.Til umræðu ofangreint.

Undir þessum lið kom á fund byggðaráðs Börkur Þór Ottósson,sviðsstjóri umhverfis- og tæknisviðs, kl.09:10.Tekið fyrir erindi frá sviðsstjóra umhverfis- og tæknisviðs, bréf dagsett þann 1.júlí 2019, þar sem óskað er eftir viðauka að upphæð kr. 2.000.000 á lið 10300-4396 vegna óvenju mikilla viðgerða á gatnakerfisveitarfélagsins auk þess sem kostnaður við götumálun varð töluvert meiri en gert var ráð fyrir.Það skýrist af viðbótum sem gerðar voru í vor.Til umræðu ofangreint.

Tekið fyrir erindi frá sviðsstjóra umhverfis-og tæknisviðs,dagsett þann 1. júlí 2019, þar óskað er eftir viðauka við fjárhagsáætlun að upphæð kr. 1.200.000,- á 08210-4396 til að standa straum af kostnaði við að fjarlægja þau farartæki sem HNE hefur límt á í sveitarfélaginu.En samkvæmt upplýsingum frá HNE má gera ráð fyrir allt að kr. 120.000,- á farartæki og um er að ræða allt að 10tæki.Til umræðu ofangreint.Börkur vék af fundi kl. 09:45.

Á 910. fundi byggðaráðs þann 13. júní 2019 var eftirfarandi bókað:"Tekið fyrir erindi frá Skíðafélagi Dalvíkur, bréf dagsett þann 11.júní 2019. Erindið er í þremur liðum og er óskað eftir umfjöllun um þá:Liður A: Rekstrarvandinn í dag og lausn hans.Liður B: Nýr samningur Liður C: Viðhald og framkvæmdir í fólkvanginum, á skíðasvæðinu og nærumhverfi Brekkusels.Þá eru lögð fram með erindinu fjögur fylgiskjöl með upplýsingum um stöðu mála ásamt aðsóknartölum og framlögum í samanburði við önnur skíðasvæði á landinu af sambærilegri stærð.Sveitarstjóri gerði grein fyrir fundi sem hún átti ásamt sviðsstjóra fræðslu- og menningarsviðs með Snæþóri Arnþórssyni, Elísu Rún Ingvarsdóttur og Gerði Olofsson frá Skíðafélagi Dalvíkur.Til umræðu ofangreint.a) Byggðaráð samþykkir samhljóða með 3 atkvæðum að vísa þessum lið til sviðsstjóra fræðslu- og menningarsviðs.b) Byggðaráð samþykkir samhljóða með 3 atkvæðum að vísa þessum lið til íþrótta- og æskulýðsráðs.c) Byggðaráð samþykkir samhljóða með 3 atkvæðum að vísa þessum lið til umhverfis- og tæknisviðs."Með fundarboði byggðaráðs fylgdi viðaukabeiðni frá sveitarstjóra fyrir hönd sviðsstjóra fræðslu- og menningarsviðs, dagett þann 8. júlí 2019, þar sem óskað er eftir viðauka að upphæð kr. 12.000.000 á lið 06800-9145 vegna rekstrarvanda Skíðafélags Dalvíkur. Lagt er til að viðaukanum verði mætt með lækkun á handbæru fé.Til umræðu ofangreint.

Tekið fyrir erindi frá Ragnari Þ Þóroddssyni, rafbréf dagsett þann 5.júlí 2019, þar sem óskað er eftir að fá Gamla skóla, aðeins eldri part, og innganginn í hann í gegnum yngri partinn sem snýr að Skíðabraut að láni eða leigu í um þrjá daga í kringum Fiskidag eða frá og með 8. ágúst til og með 11. ágúst. Hugmyndin er að hafa opið og sýna gestum Fiskidagsins safn Brimars sem Dalvíkurbyggð á. Safnið hangir enn uppi í eldri parti Gamla skóla svo þetta sé ekki mikið mál. Til umræðu ofangreint.

a)Tekinn fyrir rafpóstur frá Sambandi íslenskra sveitarfélaga, dagsettur þann 2.júlí 2019, er varðar endurskoðun viðræðuáætlana við stéttarfélög sem eru í kjaraviðræðum við Samband íslenskra sveitarfélaga og eingreiðslur. b) Tekið fyrir erindi frá Einingu-Iðju, dagsett þann 1. júlí 2019, þar sem Eining-Iðja fer fram á að sveitarfélögin við Eyjafjörð greiði starfsmönnum sínum sem starfa eftir samningi SGS kr. 105.000 eingreiðslu þann 1. ágúst n.k. miðað við 100% starf þann 1. júní s.l. og hlutfallslega fyrir lægra stöðuhlutfall.

Á 910. fundi byggðaráðs þann 13. júní 2019 var eftirfarandi bókað:"Farið yfir flokkun á tillögum vinnuhópa vegna skoðunar á rekstri og starfsemi Dalvíkurbyggðar í tengslum við fjárhagsáætlunarvinnu 2020 - 2023.Sveitarstjóri fór yfir stöðu þeirra mála sem eru á ábyrgðasviði hans í tillögunum.Lagt fram til kynningar."Í tengslum við vinnu við fjárhagsáætlun 2020 og þriggja ára áætlun 2021 - 2023 var farið yfir tillögur vinnuhópanna.

a) Frá Sambandi íslenskra sveitarfélaga; Forsendur fyrir vinnslu fjárheimilda 2020.Með fundarboði byggðaráðs fylgdi minnisblað Sambands íslenskra sveitarfélaga, dagsett þann 1. júlí 2019, er varðar forsendur fyrir vinnslu fjárhagsáætlunar.b) Frá Sambandi íslenskra sveitarfélaga; Samþykkt stjórnar Sambandsins vegna álagsprósenta fasteignaskatts.Með fundarboði byggðaráðs fylgdi samþykkt stjórnar Sambands íslenskra sveitarfélaga frá fundi þann 21. júní 2019 þar sem minnt er á yfirlýsingu Sambandsins í tengslum við gerð lífskjarasamninga í apríl þar sem sveitarfélögin eru hvött til að hækka ekki gjaldskrár sínar um meira en 2,5% árið 2020,en minna ef verðbólgan verði lægri.c) Annað skv. tímaramma

Tekin fyrir fundargerð stjórnar Sambands íslenskra sveitarfélaga nr. 872 frá 21. júní s.l.

Tekin fyrir fundargerð stjórnar Menningarfélagsins Bergs ses frá 25. júní 2019.

Á 323. fundi umhverfisráðs þann 24. júní 2019 var eftirfarandi bókað:"Lögð fram tillaga að breytingu á Aðalskipulagi Dalvíkurbyggðar 2008-2020, vegna Hóla- og Túnahverfis. Breytingin felur í sér stækkun á reit 312-Íb til norðurs yfir óbyggt svæði. Stækkunin nemur einni parhúsalóð. Drög að breytingunni voru kynnt á opnum íbúafundi þann 11. apríl 2019.Umhverfisráð felur sviðsstjóra umhverfis- og tæknisviðs að ganga frá tillögunni skv. 2. mgr. 36. gr. skipulagslaga nr. 123/2010.Samþykkt samhljóða með fimm atkvæðum."Á 315. fundi sveitarstjórnar þann 18. júní 2019 var eftirfarandi afgreiðsla sveitarstjórnar á tillögu umhverfisráðs frá 322. fundi: " Sveitarstjórn samþykkir samhljóða með 7 atkvæðum afgreiðslu umhverfisráðs um að fela sviðsstjóra umhverfis- og tæknisviðs að óska eftir breytingum á skipulagsuppdrætti þannig að stækkun á reit Íb-312 til norðurs verði minnkuð til vesturs."Til umræðu ofangreint.

a) Á 323. fundi umhverfisráðs þann 24.júní 2019 var eftirfarandi bókað:"Lögð fram tillaga að breytingu á deiliskipulagi íbúðarbyggðar í Hóla- og Túnahverfi á Dalvík ásamt greinagerð.Umhverfisráð felur sviðsstjóra umhverfis- og tæknisviðs að auglýsa tillöguna skv. 1. mgr. 43. gr. skipulagslaga nr. 123/2010.Samþykkt samhljóða með fimm atkvæðum."Á 315. fundi sveitarstjórnar þann 18. júní 2019 var eftirfarandi afgreiðsla sveitarstjórnar á tillögu umhverfisráðs frá 322. fundi:"Sveitarstjórn samþykkir samhljóða með 7 atkvæðum ofangreinda afgreiðslu umhverfisráðs að leggja til að eftirfarandi breytingar verði gerðar á fyrirliggjandi deiliskipulagstillögu:Lóð 18-22 við Hringtún verði breytt úr R1 í P1 (raðhúsalóð í parhúsalóð). Lóðir við Skógarhóla verði sameinaðar í eina R1 lóð (raðhúsalóð)." b) Með fundarboði byggðaráðs fylgdi áskorun frá íbúum Túnahverfis dagsett þann 5. júlí 2019 þar sem skorað er á bæjaryfirvöld að falla frá fyrirhuguðum breytingum á deiliskipulagi Túnahverfis og gerð er sú krafa að gildandi skipulag verði látið standa óbreytt. Undir áskorunina undirrita 38 íbúar í Túnahverfi.Til umræðu ofangreint.

Til afgreiðslu:3. liður.4. liður, sér liður á dagskrá.5. liður, sér liður á dagskrá.

Undir þessum lið fór Jón Ingi Sveinsson af fundi vegna vanhæfis og vék af fundi kl. 11:50.Varaformaður, Gunnþór Eyfjörð Gunnþórsson, tók við fundarstjórn.Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar.