Byggðaráð Dalvíkurbyggðar

Bókað í trúnaðarmálabók.Börkur Þór Ottósson, sviðstjóri umhverfis- og tæknisviðs, vék af fundi kl. 09:00.

Sviðstjóri fjármála- og stjórnsýslusviðs kynnti stöðumat stjórnenda vegna janúar - júní 2018.

a) Drög að fjárhagsramma 2019;Sviðstjóri fjármála- og stjórnsýslusviðs kynnti drög að fjárhagsramma 2019 og helstu forsendur þar að baki.b) Drög að forsendum með fjárhagsáætlun 2019.Sviðstjóri fjármála- og stjórnsýslusviðs kynnti drög að forsendum með fjárhagsáætlun 2019 og þá liði sem byggðaráð þarf sérstaklega að taka til afgreiðslu.c) Önnur mál.Til umræðu áherslur og stefnamótun í fjárhagsáætlun.

Tekið fyrir erindi frá Eyþingi, bréf dagsett þann 8. ágúst 2018, er varðar uppgjör vegna breytinga á A deild Brúar Lífeyrissjóðs. Eyþing leitar til aðildarfélaganna til að unnt sé að ljúka uppgjöri við sjóðinn vegna varúðar- og jafnvægissjóðs að upphæð kr. 7.199.806. Hlutdeild Dalvíkurbyggðar samkvæmt reikningi sem borist hefur er kr. 445.828.Til umræðu ofangreint.

Á 842. fundi byggðaráðs þann 26. október 2017 var eftirfarandi bókað:"Undir þessum lið kom á fund byggðaráðs Þorsteinn G. Þorsteinsson, endurskoðandi hjá KPMG á Akureyri, kl. 14:06.Á 24. fundi stjórnar Dalbæjar þann 18. september s.l. var eftirfarandi bókað undir 3. lið:'3.Skráning Dalbæjar sem sjálfseignastofnunar.Með fundarboði fylgdi rafbréf frá Guðrúnu Pálínu Jóhannsdóttur, dags. 29.08.2017 með upplýsingum frá Birgi Knútssyni, starfsmanni KPMG og einnig upplýsingar frá Sveini Jónatanssyni hdl. frá árinu 2009 og varða ofangreint málefni.Þorsteinn Þorsteinsson, endurskoðandi Dalvíkurbyggðar og Dalbæjar fór yfir sögu þessa máls og þær reglur sem nú gilda um skráningu sjálfseignastofnana. Fyrir liggur að bæjarstjórn Dalvíkurbyggðar samþykkti á fundi sínum þann 19.10.2010 samþykktir fyrir Dalbæ þar sem fram kemur að Dalbær heimili aldraðra Dalvík er sjálfseignastofnun samkvæmt lögum nr. 33/1999, en eins og fram kemur í gögnum sem greind eru hér að ofan þá kemur fram, að samkvæmt c. lið 4. gr. laga nr. 33/1999 taka þau lög ekki til öldrunarstofnana.Stjórn Dalbæjar beinir því til Sveitasjórnar Dalvíkurbyggðar að taka þetta mál fyrir.'Til umræðu ofangreint.Byggðaráð samþykkir samhljóða með 3 atkvæðum að fela KPMG að vinna áfram að málinu."Sviðstjóri fjármála- og stjórnsýslusviðs gerði grein fyrir framvindu málsins og stöðu þess nú.

Á 873. fundi byggðaráðs þann 9. ágúst 2018 var eftirfarandi bókað:"Lögð fram drög að Reglum Dalvíkurbyggðar um stofnframlög unnið af fjármála-og stjórnsýslustjóra. Tilkomnar vegna stofnframlags Dalvíkurbyggðar til Leiguíbúða Dalvíkurbyggðar hses. Fram kemur í rafrænum samskiptum við endurskoðanda sveitarfélagsins dags 27.júlí.2018 að í slíkum reglum væri eðlilegt að það sé sett inn ákvæði um endurgreiðslu framlags sveitarfélagsins og í raun sé það forsenda fyrir því að hægt sé að eignfæra stofnframlögin sem eignarhluta en ekki gjaldfæra. Lagt fram til kynningar."Til umræðu ofangreint.

Á 872. fundi byggðaráðs þann 19. júlí 2018 var eftirfarandi bókað:"Á 871. fundi byggðaráðs þann 12. júlí 2018 samþykkti byggðaráð samhljóða með 3 atkvæðum að fela sveitarstjóra að koma með tillögur að breytingum sem ræddar voru á fundinum, t.d. að álitaefnum sé vísað til siðanefndar Sambands íslenskra sveitarfélaga.Með fundarboði byggðaráðs fylgdi tillaga sveitarstjóra að breytingum. Gerð er tillaga að breytingum á greinum nr. 4, nr. 7 og nr. 10.Til umræðu ofangreint.Byggðaráð samþykkir samhljóða með 3 atkvæðum ofangreindar tillögur að breytingum á siðareglum kjörinna fulltrúa í Dalvíkurbyggð og vísar þeim til síðari umræðu."Með fundarboði byggðaráðs fylgdi ofangreind tillaga að siðareglum kjörinna fulltrúa í Dalvíkurbyggðar til síðari umræðu.Til umræðu ofangreint.

Tekinn fyrir rafpóstur frá Sambandi íslenskra sveitarfélaga, dagsettur þann 20. júlí 2018, þar sem boðað er til XXXII. landsþings Sambands íslenskra sveitarfélaga 26. til 28. september 2018 á Akureyri.

Sveitarstjóri vék af fundi kl. 11:04 til annarra starfa.Til afgreiðslu:1. liður.4. liður.5. liður.9. liður.

Til afgreiðslu:3. liður.4. liður.6. liður.9. liður.11. liður.