Byggðaráð Dalvíkurbyggðar

Á 740. fundi byggðaráðs þann 9. júlí 2015 var minnisblað sveitarstjóra og framkvæmdastjóra Húsabakka ehf. dagsett þann 8. júlí 2015 lagt fram til kynningar. Byggðaráð samþykkti samhljóða með 3 atkvæðum að fela sveitarstjóra og sviðsstjóra fjármála- og stjórnsýslusviðs að senda inn erindi til ríkisins er varðar eignarhluta þess í byggingum á Húsabakka. Sveitarstjóri gerði grein fyrir þeim upplýsingum sem hefur verið aflað á milli funda.

Guðmundur St. Jónsson vék af fundi undir þessum lið kl. 13:25 vegna vanhæfis.Tekið fyrir erindi frá atvinnu- og nýsköpunarráðuneytinu, bréf dagsett þann 20. október 2015, þar sem vísað er til umsóknar Dalvíkurbyggðar um úthlutun byggðakvóta fiskveiðiársins 2015/2016. Ráðuneytið hefur fjallað um umsóknina og er niðurstaðan að úthluta byggðakvóta til sveitarfélagsins sem skiptist á byggðarlög sem hér segir:Dalvík, 23 þorskígildistonn.Hauganes, 15 þorskígildistonn.Árskógssandur, 285 þorskígildistonn.Fram kemur að vilji sveitarstjórn leggja til við ráðuneytið að sett verði sérstök skilyrði varðandi úthlutun byggðakvóta sveitarfélagsins eða einstakra byggðarlaga skal hún skila rökstuddum tillögum sínum til ráðuneytisins eigi síðar en 10. nóvember 2015. Tillögur sem berast eftir þann tíma verða ekki teknar til greina.

Á 743. fundi byggðaráðs þann 27. ágúst 2015 var eftirfarandi bókað:"Byggðaráð samþykkir samhljóða með 3 atkvæðum að gengið verði til samninga við PACTA lögmenn um lögmannaþjónustu fyrir Dalvíkurbyggð á grundvelli ofangreindar tillögu. Byggðaráð felur sveitarstjóra og sviðsstjóra fjármála- og stjórnsýslusviðs ofangreint verkefni."Með fundarboði byggðaráðs fylgdu drög að samningi á milli Dalvíkurbyggðar og Lögheimtunnar ehf./PACTA lögmenn, kt. 710501-3430, um lögmannaþjónustu.

a) Heimsókn í Tónlistarskóla Dalvíkurbyggðar kl. 14:00.Byggðaráð fór í heimsókn ásamt sveitarstjóra og sviðsstjóra fjármála- og stjórnsýslusviðs í Tónlistarskóla Dalvíkurbyggðar. Magnús Guðmundur Ólafsson, skólastjóri, og Þorvaldur Eyfjörð Kristjánsson, deildarstjóri, tóku á móti byggðaráði.b) Heimsókn í Víkurröst; Félagsmiðstöð, Frístund og Lengda viðveru, kl. 14:30.Byggðaráð fór í heimsókn í Víkurröst; Félagsmiðstöð, Frístund og Lengda viðveru. Gísli Rúnar Gylfason, íþrótta- og æskulýðsfulltrúi, Viktor Már Jónasson, forstöðumaður félagsmiðstöðvar, Eyrún Rafnsdóttir, sviðsstjóri félagsamálasviðs, Margrét Traustadóttir, starfsmaður í Lengdri viðveru, Gísli Bjarnason, skólastjóri Dalvíkurskóla, og Hafdís Sverrisdóttir, starfsmaður í Frístund, Jolanta Krystyna Brandt, starfsmaður í Frístund, tóku á móti byggðaráði.