Byggðaráð Dalvíkurbyggðar

Á 741. fundi byggðaráðs þann 6. ágúst s.l. var eftirfarandi bókað:"Lagt fram minnisblað undirritað af sveitarstjóra og framkv.stjóra Húsabakka ehf. auk þess lagt fram svar fjármálaráðuneytis vegna fyrirspurnar Dalvíkurbyggðar um eignarhluta ríkisins og ýmis praktísk atriði. Niðurstaða Byggðaráð felur sveitarstjóra að fylgja málinu áfram gagnvart ríkinu og Húsabakka ehf. í samræmi við umræður á fundinum. "Til umræðu ofangreint.

a) Sviðsstjóri fjármála- og stjórnsýslusviðs kynnti samantekt er inniheldur forsendur Dalvíkurbyggðar vegna vinnu við fjárhagsáætlun 2016-2019, almennar og sértækar forsendur, sem er hluti af vinnugögnum með starfs- og fjárhagsáætlun Dalvíkurbyggðar.b) Sviðsstjóri fjármála- og stjórnsýslusviðs kynnti erindi frá íþrótta - og æskulýðsfulltrúa, móttekið þann 19. ágúst 2015, er varðar tillögu að breyttu skráningarfyrirkomulagi Vinnuskóla Dalvíkurbyggðar. Lagt er til að kostnaður við 60% af kostnaði við vinnuskóla (þ.e. laun nemenda og flokkstjóra) verði seldur út til þeirra aðila sem njóta þjónustu vinnuskólans. Þar eru opin svæði stærsti aðilinn. Hin 40% er hugsað sem kostnaður við skólann, námskeið flokkstjóra, nemenda sem og starfsþjálfun nemenda. Skipting á 60% hluta stofnana og opinna svæða (8.460.000) yrði þá eftirfarandi og gera þarf á viðeigandi tilfærslur á samþykktum fjárhagsramma fyrir árið 2016:Kátakot1,5% 126.900 Krílakot1,5% 126.900 Tónlistarskóli1,0% 84.600 Sundlaug2,0% 169.200 Hvoll1,0% 84.600 Árskógarskóli 1,5% 126.900 Dalvíkurskóli1,5% 126.900 Opin svæði90,0% 7.614.000

Tekið fyrir erindi frá íþrótta- og æskulýðsfulltrúa, bréf dagsett þann 12. ágúst 2015, þar sem óskað er eftir leyfi og umboði til að selja Mitsubishi L200 bifreið vinnuskólans með fastanúmerinu YG-203. Bifreiðin hefur verið tekin úr notkun og númer lögð inn. Bifreiðin er árgerð 1991 og hefur ekki verið notuð síðan haust 2014. Ef heimild fæst yrði bifreiðin auglýst til sölu á heimasíðu Dalvíkurbyggðar og óskað eftir tilboðum.

Á 732. fundi byggðaráðs þann 22. apríl 2015 var eftirfarandi bókað:"Á 1. fundi atvinnumála- og kynningaráðs þann 10. júlí 2014 var eftirfarandi bókað: "Að gefnum tilefnum kom til umræðu hvort ástæða væri til að Dalvíkurbyggð setti sér vinnureglur varðandi gjafir til fyrirtækja og félaga, t.d. vegna stórafmæla. Sviðsstjóri upplýsti að almennt virðist vera að sveitarfélög hafi ekki sett sér slíkar reglur með formlegum hætti. Til umræðu ofangreint. Frekari umfjöllun frestað til næsta fundar. " Til umræðu ofangreint. Byggðaráð samþykkir samhljóða með 3 atkvæðum að fela upplýsingafulltrúa að móta drög að reglum hvað varðar viðmið áfangagjafa til fyrirtækja og félaga og hafa til hliðsjónar það sem tíðkast hefur í þessum efnum á undanförnum árum. "Með fundarboði byggðaráðs fylgdi drög að leiðbeiningum hvað varðar gjafir til fyrirtækja og félaga.

Tekið fyrir bréf frá viðskiptastjóra hjá Myntu innheimtuhugbúnað og þjónustu, dagsett þann 13. ágúst s.l., þar sem óskað er eftir því að kynna fyrir Dalvíkurbyggð þær þjónustleiðir sem standa til boða til hagræðingar og sveigjanleika fyrir sveitarfélagið.