Byggðaráð Dalvíkurbyggðar
709. fundur
2. október 2014
kl.
08:15
-
12:00
í Múla á 3. hæð í Ráðhúsi Dalvíkur
Nefndarmenn
Gunnþór Eyfjörð Gunnþórsson
Formaður
Kristján Guðmundsson
Varaformaður
Guðmundur St. Jónsson
Aðalmaður
Bjarni Theódór Bjarnason
Sveitarstjóri
Guðrún Pálína Jóhannsdóttir
Sviðstjóri
Starfsmenn
Fundargerð ritaði:
Guðrún Pálína Jóhannsdóttir
sviðsstjóri fjármála- og stjórnsýslusviðs
Dagskrá
3.
Frá Jöfnunarsjóði sveitarfélaga; Ársfundur Jöfnunarsjóðs sveitarfélaga 2014.
Tekið fyrir bréf frá Jöfnunarsjóði sveitarfélaga, dagsett þann 18. september 2014, þar sem boðað er til ársfundar Jöfnunarsjóðs sveitarfélaga miðvikudaginn 8. október n.k. kl. 16:00 á Hilton Reykjavík Nordica.
Byggðarráð samþykkir samhljóða með 3 atkvæðum að sveitarstjóri sæki fundinn fyrir hönd Dalvíkurbyggðar.
4.
Frá Sambandi íslenskra sveitarfélaga; Fjármálaráðstefna sveitarfélaga 2014.
Tekið fyrir rafbréf frá Sambandi íslenskra sveitarfélaga, dagsett þann 29. september 2014, þar sem kynnt er dagskrá fjármálaráðstefnu sveitarfélaga 2014. Ráðstefnan er haldin 9. og 10. október n.k. á Hilton Hótel Nordica.
Að venju mun byggðarráð, sveitarstjóri og sviðsstjóri fjármála- og stjórnsýslusviðs sækja ráðstefnuna.
5.
Frá Flokkun Eyjafjörður ehf.; Aðalfundur Flokkunar 2014.
Tekið fyrir erindi frá Flokkun Eyjafjörður ehf., bréf dagsett þann 19. september 2014, þar sem boðað er til aðalfundar Flokkunar Eyjafjörður ehf., mánudaginn 6. október n.k. kl. 14:00 á Hótel KEA á Akureyri.
Byggðarráð samþykkir samhljóða með 3 atkvæðum að sveitastjóri sæki fundinn fyrir hönd Dalvíkurbyggðar og fari með umboð Dalvíkurbyggðar á fundinn.
7.
Hlutabréf í Tækifæri hf.
Á 685. fundi byggðarráðs þann 12. desember 2013 var eftirfarandi bókað:Tekið fyrir erindi frá Tækifæri hf., bréf dagsett þann 3. desember 2013, þar sem fram kemur að KEA svf. hefur gert tilboð í eignarhluta fjögurra hluthafa í hluthafahópi Tækifæris hf. og nemur greiðslufjárhæð fyrir eignarhlutina 49,5% af nafnviðri þeirra. Dalvíkurbyggð er hér með boðið að nýta forkaupsrétt sinn að hlutabréfum Íslandsbanka hf., Arion banka hf., LBI hf og Glitnis hf. í hlutfalli við hlutafjáreign í félaginu. Byggðarráð samþykkir samhljóða með 3 atkvæðum að nýta sér ekki forkaupsréttinn.Byggðarráð samþykkir samhljóða með 3 atkvæðum að fela sveitarstjóra að ræða við Tækifæri hf. um vilja byggðarráðs um sölu á eignarhlut sínum í Tækifæri hf. Eignarhluti Dalvíkurbyggðar að nafnvirði er kr. 6.897.040. Bókfært virði eignarhuta Dalvíkurbyggðar samkvæmt ársreikningi 2013 er kr. 12.178.000.Fyrir liggur að KEA er nú tilbúið að ganga frá kaupum á eignarhluta Dalvíkurbyggðar í Tækifæri á ofangreindum forsendum eða á kr. 3.414.035. Dalvíkurbyggð þyrfti því að afskrifa kr. 8.763.965.
Afgreiðslu frestað.
8.
Frá Landbyggðin lifir; Beiðni um styrk vegna aðalfundar.
Frestað.
9.
Frá 255. fundi umhverfisráðs þann 19.09.2014; Grundargata, 15 á Dalvík vegna sandfoks úr fjörunni. Varðar seinni málsgrein í samþykkt umhverfisráðs er snýr að árinu 2014.
Frestað.
10.
Starfs- og fjárhagsáætlun 2014; heildarviðauki II.
Frestað.
11.
Frá Sambandi íslenskra sveitarfélaga; 818. fundur stjórnar.
Frestað.