Byggðaráð Dalvíkurbyggðar
674. fundur
26. september 2013
kl.
08:15
-
12:00
í Upsa á 3. hæð í Ráðhúsi Dalvíkur
Nefndarmenn
Kristján Hjartarson
Formaður
Valdís Guðbrandsdóttir
Varaformaður
Björn Snorrason
Aðalmaður
Jóhann Ólafsson
Áheyrnarfulltrúi
Svanfríður Inga Jónasdóttir
Sveitarstjóri
Guðrún Pálína Jóhannsdóttir
Sviðstjóri
Starfsmenn
Fundargerð ritaði:
Guðrún Pálína Jóhannsdóttir
sviðsstjóri fjármála- og stjórnsýslusviðs
Dagskrá
2.
Frá 39. fundi menningarráðs þann 13.09.2013; Fjárhagsáætlun 2014. Erindi frá Náttúrusetrinu á Húsabakka.
Á 39. fundi menningarráðs þann 13. september s.l. var eftirfarandi bókað:Tekið var fyrir erindi frá Náttúsetrinu á Húsabakka, dagsett 21. ágúst 2013, þar sem m.a. er óskað eftir að gerður verði þjónustusamningur við Náttúrusetrið en byggðaráð tók á 672. fundi sínum erindið til umfjöllunar og vísaði þessum lið til menningaráðs. Menningarráð vísar þessu erindi til byggðaráðs og óskar eftir að byggðaráð móti framtíðarsýn um aðkomu sveitarfélagsins að rekstri Náttúrusetursins.Sviðsstjóri fræðslu- og menningarsviðs gerði grein fyrir hvað liggur að baki ofangreindrar bókunar menningarráðs.Hildur Ösp vék af fundi kl.09:46.
Byggðarráð samþykkir samhljóða með 3 atkvæðum að vísa ofangreindu erindi til skoðunar við gerð fjárhagsáætlunar 2014-2017.
3.
Frá 82. fundi landbúnaðarráðs þann 28.8.2013; Kóngsstaðavegur-Stekkjarhús.
Á 82. fundi landbúnaðarráðs þann 28. ágúst 2013 var eftirfarandi bókað:Umræða vegna endurbóta á veg og brú ( Kóngsstaðir-Stekkjarhús). Landbúnaðarráð vísar ákvörðun um aðvörunarskilti vegna Kóngsstaða/Stekkjarhús vegar til bæjarráðs. Sviðsstjóri umhverfis- og tæknisviðs gerði byggðarráði grein fyrir hvað liggur að baki bókun landbúnaðarráðs.Börkur Þór vék af fundi kl.10:47.
Byggðarráð samþykkir samhljóða með 3 atkvæðum heimild til að setja skilti í samræmi við umfjöllun landbúnarráðs.
4.
Frá 249. fundi sveitarstjórnar; Gjaldskrá Íþróttamiðstöðvar; afsláttur til starfsmanna Dalvíkurbyggðar.
Frestað.
5.
Frá Félagi eldri borgara í Dalvíkurbyggð; Fjárhagsáætlun 2014; Ósk um gerð styrktarsamnings til þriggja ára.
Frestað.
6.
Frá Ungmennafélaginu Atla; Samkomuhúsið Höfði í Svarfaðardal; beiðni um aðkomu sveitarfélagsins að endurbótum.
Frestað.
7.
Trúnaðarmál
Frestað.
9.
Trúnaðarmál
Bókað í trúnaðarmálabók.
10.
Frá Jöfnunarsjóði sveitarfélaga; Ársfundur Jöfnunarsjóðs sveitarfélaga 2013.
Tekið fyrir bréf frá Jöfnunarsjóði sveitarfélaga, bréf dagsett þann 17. september 2013, þar sem boðað er til ársfundar Jöfnunarsjóðs miðvikudaginn 2. október n.k. á Hilton Hótel Nordica. Fundurinn hefst kl. 16:00.Ráðuneytið væntir þess að framkvæmdastjóri sjái sér fært að sitja ársfundinn eða að senda annan fulltrúa frá sveitarfélaginu.
Byggðarráð samþykkir samhljóða með 3 atkvæðum að sveitarstjóri sæki fundinn fyrir hönd Dalvíkurbyggðar og sviðsstjóri fjármála- og stjórnsýslusviðs ef hún hefur tök á.
11.
Lántaka 2013 skv. fjárhagsáætlun 2013.
Með fundarboði byggðarráðs fylgdi umsókn, dagsett þann 18. september s.l., frá sviðsstjóra fjármála- og stjórnsýslusviðs til Lánasjóðs sveitarfélaga um 80 m.kr. lán Eignasjóðs samkvæmt fjárhagsáætlun 2013.Í rafpósti frá Lánasjóði sveitarfélag, dagsettur þann 25. september 2013, kemur fram að stjórn LS samþykkti lánsbeiðni Dalvíkurbyggðar með fyrirvara um veð í tekjum sveitarfélagsins eins og venja er.Óskað er upplýsinga um hvenær Dalvíkurbyggð hefur hug á að hefja lánið og hvaða lánstýpu.
Byggðarráð samþykkir með 3 atkvæðum að lánið verði hafið sem fyrst og að tekið verði óverðtryggt lán, þ.e. týpa 4.
12.
Frá stjórn Dalbæjar; Samningur um styrk vegna tómstundastarfs aldraðra.
Tekið fyrir bréf frá stjórn Dalbæjar, bréf dagsett þann 23. september 2013, þar sem fram kemur að stjórn Dalbæjar samþykkti á fundi sínum þann 16. september s.l. drög að samingi milli Dalbæjar og Dalvíkurbyggðar um þátttöku Dalvíkurbyggðar í félags- og tómstundastarfi á Dalbæ.Með fundarboði byggðarráðs fylgdu ofangreind samningsdrög sem voru til kynningar á 671. fundi byggðarráðs. Samningurinn er til 3ja ára og samningsupphæðin er 3,5 m.kr. á ári og hækkar árlega skv. vísitölu.
Byggðarráð samþykkir samhljóða með 3 atkvæðum samninginn eins og hann liggur fyrir með áorðnum breytingum og vísar honum til afgreiðslu í sveitarstjórn.
13.
Frá stjórn Dalbæjar; Beiðni um endurskoðun á samningi um bókhalds- og launavinnslu milli Dalbæjar og Dalvíkurbyggðar.
Tekið fyrir bréf frá stjórn Dalbæjar, dagsett þann 23. september 2013, þar fram kemur að stjórn Dalbæjar samþykkti á fundi sínum þann 16. september 2013 drög að samningi um bókhalds- og launavinnslu fyrir Dalbæ.Með fundarboði byggðarráðs fylgdu ofangreind samningsdrög en þau voru kynnt á 671. fundi byggðarráðs.
Byggðarráð samþykkir samhljóða með 3 atkvæðum samningsdrögin eins og þau liggja fyrir og vísar þeim til afgreiðslu í sveitarstjórn.
14.
Frá stjórn Dalbæjar; Viðhald utanhúss á Dalbæ heimili aldraðra Dalvík.
Tekið fyrir erindi frá stjórn Dalbæjar, dagsett þann 23. september 2013 þar sem fram kemur að stjórn Dalbæjar fjallaði um tillögur Arkitektastofunnar Form um aðferðir við utanhússviðhald á fundi sínum þann 16. september s.l. Stjórn Dalbæjar samþykkti að velja leið "A" í fyrrnefndum tillögum og er áætlaður kostnaður af þeirri framkvæmd miðað við verðlag í október 2012 57 - 62 m.kr.Með vísan í fyrri bréfaskipti og fundi um ofangreint mál er þess óskað að við gerð fjárhagsáætlunar fyrir árin 2014-2017 verði gert ráð fyrir framlagi Dalvíkurbyggðar til framkvæmdarinnar.
Byggðarráð samþykkir samhljóða með 3 atkvæðum að vísa ofangreindu til skoðunar við gerð um fjárhagsáætlun 2014-2017.
15.
Frá atvinnuveganefnd Alþingis; 44. mál til umsagnar frá atvinnuveganefnd Alþingis.
Tekinn fyrir rafpóstur frá atvinnuveganefnd Alþingis, dagsettur þann 23. september 2013, þar sem óskað er umsagnar, eigi síðar en 8. október n.k., um tillögu til þingsályktunar um hlutdeild sveitarfélaga í veiðigjaldi og tekjum af orkuauðlindum, 44. mál.
Byggðarráð samþykkir samhljóða með 3 atkvæðum að senda umsögn í samræmi við umræður á fundinum.