Byggðaráð Dalvíkurbyggðar

Á 387. fundi sveitarstjórnar þann 17. febrúar sl. var samþykkt sú tillaga að bæta við fjárfestinga- og framkvæmdaáætlun á árinu 2026 50 m.kr. vegna endurnýjunar á gólfefnum á sal Íþróttamiðstöðvar. Gert var ráð fyrir verkefninu á árinu 2027.Með fundarboði byggðaráðs fylgdi minnisblað deildarstjóra Eigna- og framkvæmdadeildar, dagsett þann 7. júlí sl., þar sem fram kemur að lagt er til að skipta út núverandi dúk fyrir parketgólf sem stenst allar þær kröfur sem gerðar eru til íþróttagólfefnis. Núverandi dúkur er upphaflegt gólfefni sem lagt var á salinn árið 2010 með áætlaðan líftíma 15 ár.Það er jafnframt samdóma álit þeirra sem til þekkja að ekki sé æskilegt að nýta undirbyggingu núverandi dúks undir nýtt parket, heldur sé æskilegra að skipta öllu út fyrst verið er að þessu á annað borð. Eftir samtöl og öflun upplýsinga frá aðilum sem hafa veirð í svipuðum eða álíka verkefnum er niðurstaðan að leggja til að fengið verði fyrirtækið Horn í horn ehf. í verkefnið. Tilboð í allan pakkann, þ.e. kaup á gólfefni í allan salinn (sem er 1.100 fermetrar), lista og lok, undirgrind, lökkun á línum, flutning til Dalvíkur auk allrar vinnu við lagningu, hljóðar upp á kr. 65.472.000 með vsk. Miðað er við parket frá Aacerflooring sem Álfaborg flytur inn, fyrsta flokks hlynur. Inni í þessu er ekki upprif og förgun á núverandi gólfefni og er það óvissuþáttur. Deildarstjóri sér fyrir sér að óska sérstaklega eftir tilboði í þann verkþátt. Verktími yrði ágúst og september. Óskað er eftir viðauka að upphæð kr. 16.000.000 vegna þessa verkefnis á lið 32200-11603 með flutningi af verkefni vegna saunaklefa á lóð Íþróttamiðstöðvar. Á áætlun vegna saunaklefa er gert ráð fyrir 26,3 m.kr. en áætlaður kostnaður við saunaklefa er kr. 9.700.000. Eftir standa þá kr. 10.300.000 vegna saunaklefa.

Á 1185. fundi byggðaráðs þann 2. júlí sl. var eftirfarandi bókað:"Tekið fyrir erindi frá Húsnæðis- og mannvirkjastofnun (HMS), dagsett þann 26. júní sl., þar sem fram kemur að borist hefur umsókn frá Brák íbúðafélagi hses. í úthlutun 2026-2 um stofnframlag ríkisins á grundvelli laga um almennar íbúðir nr. 52/2016. Sótt er um vegna byggingar á 8 íbúðum á Dalvík fyrir tekju- og eignalága. Með erindiþessu er óskað eftir staðfestingu sveitarstjórnar Dalvíkurbyggðar á stofnframlagi sveitarfélags vegna kaupanna. Í því samhengi er bent á að það er forsenda fyrir veitingu stofnframlags ríkisins að sveitarfélag þar sem almenn íbúð verður staðsett veiti umsækjanda jafnframt stofnframlag sveitarfélags, sbr. 7. mgr. 11. gr. laga nr. 52/2016.Ef sveitarfélagið hyggst veita stofnframlag sitt til verkefnisins er jafnframt óskað eftir upplýsingum um form stofnframlags og sundurliðun á fjárhæð þess, sbr. viðhengt skjal,einnig er óskað eftir fundarbókun byggðaráðs. Umsókn verður ekki afgreidd fyrr en staðfesting sveitarfélags liggur fyrir og því er óskað eftir staðfestingu sem fyrst.Á 392. fundi sveitarstjórnar þann 23. júní sl. var samþykkt samhljóða að verða við umsókn frá Brák íbúðafélagi um stofnframlag að upphæð kr. 46.920.000 í ofangreint verkefni og sveitarstjóra falið að undirbúa viðaukabeiðni til byggðaráðs varðandi stofnframlagið.Niðurstaða : Byggðaráð samþykkir samhljóða með 3 atkvæðum að fela sveitarstjóra að útfæra stofnframlag Dalvíkurbyggðar ogsundurliðun fjárhæðar þess í samræmi við meðfylgjandi skjal frá HMS sem og að leggja fyrir viðaukabeiðni til byggðaráðs sem endurspeglar útfærsluna á stofnframlaginu".Með fundarboði byggðaráðs fylgdi:Tillaga að sundurliðun stofnframlags Dalvíkurbyggðar til Brákar íbúðafélags um stofnframlag að upphæð kr. 46.920.000.Tilaga að viðauka við fjárhagsáætlun 2026 vegna stofnframlagsins.

Á 392. fundi sveitarstjórnar þann 23. júní sl. var sveitarstjóra falið að gera erindisbréf fyrir vinnuhóp vegna nýs vatnstanks í Upsa.Með fundarboði fylgdi tillaga að erindisbréfi.

Á 1185. fundi byggðaráðs þann 2. júlí sl. var eftirfarandi bókað:"Undir þessum lið kom á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, kl.13:15.Á 390. fundi sveitarstjórnar þann 12. maí sl. voru fyrirliggjandi útboðsgögn vegna útboðs á snjómokstri og hálkuvörnum 2026-2029 samþykkt samhljóða.Með fundarboði byggðaráðs fylgdi minnisblað deildarstjóra, dagsett þann 30. júní sl., þar sem farið er yfir ferli útboðsins. Útboð á Vetrarþjónustu fyrir Dalvíkurbyggð var auglýst frá 19. maí með tilboðsfrest til 22. júní 2026.Útboðinu var skipt í tvo samningshluta, annars vegar þjónusta á Dalvík (samningshluti 1) og hins vegar þjónusta áHauganesi og Árskógssandi (samningshluti 2). Ráðgjafi hjá Consensa sá um vinnu við útboðsgögn og að auglýsa útboðið. Ráðgjafi Consensa tók einnig á móti og opnaði tilboð og sá um mat á tilboðum í samvinnu við deildarstjóraEigna- og framkvæmdadeildar. Tvö tilboð bárust í Samningshluta 1 frá EB ehf. og Steypustöðinni á Dalvík. Fjögur tilboð bárust í Samningshluta 2 frá EB ehf., G. Hjálmarssyni hf., Kötlu ehf., og Steypustöðinni á Dalvík.Eftir yfirferð og mat á tilboðum er lagt til að gengið verði til samninga við lægstbjóðanda sem er Steypustöðin á Dalvík um framkvæmd Vetrarþjónustu í Dalvíkurbyggð 2026 - 2029 á grundvelli tilboða, bæði í Samningshluta 1 og Samningshluta 2.Niðurstaða : Byggðaráð samþykkir samhljóða með 3 atkvæðum ofangreinda tillögu og samþykkir að gengið verði til samninga við Steypustöðina á Dalvík á grundvelli tilboðs bæði um Samningshluta 1 og Samningshluta 2 vegna Vetrarþjónustu íDalvíkurbyggð 2026-2029."Með fundarboði byggðaráðs fylgdu drög að samningum á milli Dalvíkurbyggðar og Steypustöðvarinnar Dalvík ehf. um Vetrarþjónustu á Dalvík annars vegar og Vetrarþjónustu fyrir Hauganes og Árskógssand hins vegar í samræmi við ofangreint.

Á 1178. fundi byggðaráðs þannn 24. mars sl. var eftirfarandi bókað:"Með fundarboði byggðaráðs fylgdu upplýsingar um tilboð frá Kollgátu arkitektarstofu varðandi tíma- og verkáætlun vegna fyrirhugaðara endurbóta á Skrifstofum Dalvíkurbyggðar, alls um 7,2 m.kr með vsk. Gert er ráð fyrir að útboðsgögn verði tilbúin til auglýsingar 1. september.Einnig er gert ráð fyrir aðkomu verkfræði- og ráðgjafastofunnar Lotu sem eru sérfræðingar í innivist.Niðurstaða : Lagt fram til kynningar"Með fundarboði byggðaráðs fylgdu tillögur frá Kollgátu hvað varðar frumhönnun og hugmyndaþróun.

a) Samningur vegna BlackPointSviðsstjóri fjármála- og stjórnsýslusviðs kynnti samningsdrög sem er framhald á þjónustu á milli Dalvíkurbyggðar og SecureIT um BlackPoint. Gert er grein fyrir innihaldi samningsins í minnisblaði. Samningstíminn eru 3 ár.b) Samningur vegna HeimdalSviðsstjóri fjármála- og stjórnsýslusviðs kynnti samningsdrög sem er framhald á þjónustu á milli Dalvíkurbyggðar og SecureIt um Heimdal. Gert er grein fyrir innihaldi samninggsins í minnisblaði. Samningstíminn eru 3 ár.Með fundarboði byggðaráðs fylgdi einnis minnisblað sem gerir grein fyrir hver er munurinn á þessum tveimur lausnum.

Tekið fyrir erindi frá Lagaskilum ehf., dagsett þann 3. júlí sl., þar sem Dalvíkurbyggð er boðið að kaupa fasteignina við Karlsrauðatorg 5 á Dalvík.Sveitarstjóri gerði grein fyrir samskiptum við skiptastjóra dánarbúsins.

Með fundarboði byggðaráðs fylgdi svarbréf frá Akureyrarbæ við erindi sveitarstjóra, dagsett þann 2. júlí sl., þar sem eftirfarandi er bókað:"Tekið fyrir að nýju erindi dagsett 27. janúar 2026 frá Eyrúnu Ingibjörgu Sigþórsdóttur sveitarstjóra Dalvíkurbyggðar, varðandi samstarf um embætti byggingarfulltrúa. Bæjarráð tók erindið fyrir 26. febrúar sl. og var bæjarlögmanni, sviðsstjóra skipulagssviðs og sviðsstjóra fjársýslusviðs falið að vinna málið áfram.Pétur Ingi Haraldsson sviðsstjóri skipulagssviðs, Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessumlið.Bæjarráð þakkar Dalvíkurbyggð fyrir erindið og þann áhuga sem þar kemur fram á samstarfi.Að teknu tilliti til núverandi verkefnastöðu og forgangsröðunar verkefna hjá Akureyrarbæ sér bæjarráð sér ekki fært að verða við erindinu."

Á 1183. fundi byggðaráðs þann 11. júní sl. var eftirfarandi bókað:"Undir þessum lið komu á fund byggðaráðs Gísli Bjarnason, sviðsstjóri fræðslu- og menningarsviðs, og Dominique Gyða Sigrúnardóttir, starfandi forstöðumaður safna og menningarhúss, kl. 13:15.Með fundarboði byggðaráðs fylgdi erindi starfandi forstöðumanns, dagsett þann 9. júní sl., er varðar greiningu á stöðu Menningarhússins Bergs og safna Dalvíkurbyggðar; mannauður, stöðugildi og leiga á sal. Í greinargerðinni er lagt til að fjölga stöðugildum um 2 við söfn og Menningarhús.Einnig þurfi að skýra verkferla og samvinnu innanhúss, umsjón með húsinu, skýra tilgang og stefnu Menningarhússins, þar með talið útleigu. Meðfylgjandi fundarboði er tillaga sviðsstjóra fræðslu- og menningarsviðs að uppfærðum reglum varðandi útleigu á sal í Menningarhúsinu Bergi sem og greinargerð starfandi verkefnastjóra Menningarhúss.Til umræðu ofangreint.Dominique vék af fundi kl. 13:41.Niðurstaða : Unnið verður að málinu áfram og aflað verður frekari gagna á milli funda."Með fundarboði byggðaráðs fylgdu gögn sem aflað hefur verið frá 1183. fundi byggðaráðs og send einnig til byggðaráðs á milli funda.

Tekið fyrir erindi frá Tónlistarskólanum á Akureyri, dagsett þann 10. júní sl. vegna umsóknar í Tónlistarskólann á Akureyri frá nemanda með lögheimili í Dalvíkurbyggð. Erindið snýr að því að sveitarfélagið greiði kennslukostnað að fullu.Gildandi reglur Dalvíkurbyggðar varðandi nemendur sem óska eftir að stunda tónlistarnám í öðrum sveitarfélögum.https://www.dalvikurbyggd.is/cdn/documents/reglur-um-tonlistarnam-utan-logheimilissveitarfelags.pdf?v=1778514142Bókað að öðru leiti í trúnaðarmálabók.

Tekið fyrir erindi frá skólastjóra Dalvíkurskóla, dagsett þann 22. júní sl., þar sem óskað er eftir viðauka við fjárhagsáætlun 2026 til að kaupa 10 fartölvur í tölvukennslu í skólanu, heildarkostnaður er kr. 1.900.000. Fram kemur að undanfarin misseri hefur tölvukennsla breyst í skólanum og ekki er þörf fyrir borðtölvur og fasta kennslustofu undir tölvubúnað, áfram er þörf fyrir tölvur sem nota Microsoft stýrikerfi. Á sama tíma hefur þörf fyrir rými fyrir stoðþjónustu aukist og mikilvægt að finna rými til þess að þjónusta nemendur í námsveri. Með kaupum á fartölvuveri verður hægt að breyta tölvustofu í námsver og færa tölvubúnað og tölvukennslu í náttúrufræðistofu.

Sviðsstjóri fjármála- og stjórnsýslusviðs kynnti heildarviðauka I við fjárhagsáætlun 2026, br. meðfylgjandi gögn.Samkvæmt meðfylgjandi minnisblaði er gert grein fyrir þeim breytingum sem gerðar hafa verið á fjárhagsáætlunarlíkani frá upprunalegri fjárhagsáætlun 2026.a) Heildarviðaukinn felur í sér alla viðauka sem samþykktir hafa verið á árinu, nr. 1-28.b) Búið er að uppfæra vísitölu miðað við verðbólguspá skv. Þjóðhagsspá í vor.c) Áætlun um fjölda íbúa í árslok hefur verið uppfærð m.v. upplýsingar á vef Hagstofu.Helstu niðurstöður:Samantekið A- og B- hluti kr. 139.296.000 með jákvæðan afgang.A- hluti með kr. 131.413.000 jákvæðan afgang.Engin lántaka áætluð fyrir samstæðuna.Áætlaðar fjárfestingar fyrir Samantekið A- og B- hluta er kr. 844.176.000.Handbært fé frá rekstri er kr. 479.902.000 fyrir samstæðuna.

Tekið fyrir erindi frá SSNE, dagsett þann 3. júlí 2026, er varðar verkefnið "Rafrænt og sjálvirkt losunarbókhald fyrir rekstur sveitarfélaga innan SSNE" og er hluti af gildandi sóknaráætlun og loftlagsstefnu landshlutans.Markmið verkefnisins er að innleiða sjálfvirka lausn fyrir losunarbókhald frá rekstri allra sveitarfélaga innan SSNE. Lausnin nefnist KOLKA og er þróuð af Advania, sem hefur nú sameinað krafta sína með Laufinu og saman eru þessir aðilar með rafrænt kolefnismælaborð, sóunargreiningar og sjálfvirkar skýrslugerðir fyrir sveitarfélög.Uppsetning Kolku mun spara sveitarfélögunum umfangsmikla vinnu við flokkun og útreikninga á kolefnisspori frá rekstri. Verkefnið er fjármagnað af Sóknaráætlun Norðurlands eystra til eins árs og er því ekki gert ráð fyrir beinum kostnaði fyrir sveitarfélögin á því tímabili. Áður en tímabilinu lýkur er áætlað að meta árangurinn af verkefninu og í kjölfarið taka ákvörðun um framhaldið í samráði við sveitarfélögin.

Lögð fram til kynningar skýrsla stjórnar Félags eldri borgara og ársreikningur fyrir árið 2025, sbr. bréf dagsett þann 30.06.2026.Í ofangreindu bréfi kemur fram að Félag eldri borgara segir upp gildistíma styrktarsamningsins á milli Dalvíkurbyggðar og félagsins hvað varðar árin 2027 og 2028 og treystir því að samningurinn verði endurskoðaður við gerð fjárhagsáætlunar fyrir árið 2027.

Tekið fyrir erindi frá Samtökum sjávarútvegssveitarfélaga, dagsett þann 30. júní sl., þar sem ársreikningur Samtaka sjávarútvegssveitarfélaga fyrir árið 2025 er kynntur.

Tekið fyrir erindi frá Innviðaráðuneytinu, dagsett þann 6. júlí sl., þar sem fram kemur að Innviðaráðuneytið hefur ýtt úr vör vinnu við endurskoðun stefnumótandi áætlunar í málefnum sveitarfélaga þar sem fyrsta skrefið er gerð grænbókar um málefnið.Í grænbók birtist stöðumat á helstu lögbundnu verkefnum og öðrum viðfangsefnum sveitarfélaga og greining áskorana og tækifæra, sem lagt verður til grundvallar endurskoðun stefnu og aðgerðaáætlunar í málaflokknum.Óskað er eftir því að sveitarfélögin veiti upplýsingar inn í þessa vinnu og svari meðfylgjandi spurningum fyrir 21. september nk. Ekki verður vitnað í einstaka svör sveitarfélaga í grænbókinni heldur er hvert innlegg mikilvægur þáttur í því að draga fram heildarmynd um stöðu, áskoranir og tækifæri sveitarstjórnarstigsins.Óskað er eftir að umfjöllunin sé greinargóð en hnitmiðuð og byggi á tiltækum upplýsingum, reynslu og framtíðarsýn sveitarfélagsins.Loks er vakin athygli á því að sveitarfélögum mun gefast fleiri tækifæri til að hafa áhrif á stefnumótunina, m.a. með umsögnum um grænbók og síðar hvítbók/drög að stefnu í samráðsgátt stjórnvalda.

Fundargerðin er í 9 liðum.Liður 17.6. er sér mál á dagskrá, mál 202601009.Liður 17.8. er sér mál á dagskrá; mál 202601074.Liður 17.9. er sér mál á dagskrá; mál 202605162.