Byggðaráð Dalvíkurbyggðar

Undir þessum lið kom á fund byggðaráðs Helga Íris Ingólfsdóttir, deildarstjóri Eigna- og framkvæmadeildar, kl. 13:15.Á 1154. fundi byggðaráðs þann 14. ágúst sl. var eftirfarandi bókað:"Undir þessum lið komu á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, og Rúna Kristín Sigurðardóttir, sérfræðingur í mannauðs - og kjaramálum, kl. 13:15.Starfs- og kjaranefnd Dalvíkurbyggðar vísaði til byggðaráðs erindi frá deildarstjóra varðandi þarfagreiningu tveggja starfa á deildinni og beiðni um annað starfið verði auglýst með því markmiði að finna starfsmann sem myndi sjá um skipulagningu og utanumhald með starfi Vinnuskólans og koma að viðhaldi opinna svæða auk hefðbundinna starfa á deildinni. Hæfnis- og þekkingarkröfur yrðu því aðrar en fyrir almenna starfið, sbr. meðfylgjandi minnisblað deildarstjóra dagsett þann 28. júlí sl. Um er að ræða annars vegar fast starf sem er laust til umsóknar og hins vegar starf sem var ráðið í tímabundið skv. heimild í fjárhagsáætlun 2025. Einnig eru meðfylgjandi drög að starfslýsingum fyrir störfin.Deildarstjóri gerði grein fyrir ofangreindri beiðni.Helga Íris og Rúna Kristín viku af fundi kl. 13:57.Niðurstaða : Byggðaráð samþykkir samhljóða með 3 atkvæðum ofangreinda ósk deildarstjóra Eigna- og framkvæmdadeildar um að auglýst verði í starf starfsmanns Eigna- og framkvæmdadeildar með breyttum áherslum skv. fyrirliggjandi drögum að starfslýsingu. Á móti verði ekki gert ráð fyrir ráðningu almennra sumarstarfsmanna.Byggðaráð óskar eftir að fá útreikninga á fjárhagslegum áhrifum á næsta fund byggðaráðs."Með fundarboði byggðaráðs fylgdu upplýsingar um fjárhagsleg áhrif. Áætluð niðurstaða er að launakostnaður er um 1,0 m.kr. lægri við þessar breytingar.

Með fundarboði byggðaráðs fylgdi minnisblað deildarstjóra Eigna- og framkvæmdadeildar, dagsett þann 20. ágúst sl., er varðar undirbúning fyrir starfsemi Vinnuskólans 2026.Fram kemur að 17 ára ungmennum verður áfram að boðið að sækja um starf í Vinnuskólanum. Varðandi laun 17 ára starfsmanna þá er það samkvæmt samkomulagi við viðkomandi stéttarfélag skv. kjarasamningi.Lagt er upp með að lengja starfstíma Vinnuskólans þannig að öllum starfsmönnum verði boðið upp á að fá fleiri vinnudaga en ekki eingöngu þeim elstu.Gert er grein fyrir þeim forsendum sem eru að baki launaáætlun 2026 hvað varðar magntölur - þ.e. áætlaður fjöldi starfsmanna í hverjum árgangi.Deildarstjóri Eigna- og framkvæmdadeildar leggur til að launataxti starfsmanna Vinnuskólans hækki um 5% frá árinu 2025 en launataxtar hafa ekki verið hækkaðir á milli ára undanfarin tvö ár.

Á 34. fundi umhverfis- og dreifbýlisráðs þann 15. ágúst sl. var farið yfir stöðu á framkvæmdum ársins 2025.Með fundarboði byggðaráðs fylgdu eftirtalin vinnugögn:Yfirlit yfir áætlaðar framkvæmdir og fjárfestingar Eignasjóðs 2025 og verkleg staða á þeim.Yfirlit yfir áætlaðar viðhaldsframkvæmdir Eignasjóðs 2025 og verkleg staða á þeim.Samantekt á endurbótum á Sundlaug Dalvíkur 2025, dagsett þann 20. ágúst sl, í lok verks.Gróft kostnaðarmat á 4,7 km löngum stíg frá Syðri-Haga að afleggjara við Árskógssand.Til umræðu ofangreint.Helga Íris vék af fundi kl. 14:41.

Tekið fyrir minnisblað frá sviðsstjóra fjármála- og stjórnsýslusviðs, dagsett þann 19. ágúst sl., þar sem lagt er til að lækka áætlun framlög Jöfnunarsjóðs vegna málefna fatlaðra í samræmi við nýjustu upplýsingar á vef Jöfnunarsjóðs. Um er að ræða kr. 45.388.934 vegna Málefna fatlaðra og kr. 862.482 vegna annarra framlaga.

Á 1154. fundi byggðaráðs þann 14. ágúst sl. var m.a. ftirfarandi bókað:"a) Með fundarboði byggðaráðs fylgdu drög sviðsstóra fjármála- og stjórnsýslusviðs að forsendum Dalvíkurbyggðar vegna vinnu við fjárhagsáætlun 2026 og þriggja ára áætlun 2027-2029.b) Fundur kjörinna fulltrúa með stjórnendum sviða þann 27. ágúst nk. Rætt um fyrirkomulag og undirbúning fundar.c) Sviðsstjóri fjármála- og stjórnsýslusviðs gerði grein fyrir stöðu fjárhagsáætlunarvinnunnar vs. verkefni skv. tímaramma.a) Lagt fram og afgreiðslu frestað til næsta fundar.b) Lagt fram til kynningar.c) Lagt fram til kynningar."Með fundarboði byggðaráðs fylgdia) Drög að forsendum Dalvíkurbyggðar vegna vinnu við fjárhagsáætlun 2026 og þriggja ára áætlun.b) Drög #1 að fjárhagsramma 2026 ásamt fylgigögnum.c) Annað.a) Forsendur með fjárhagsáætlunb) Drög að fjárhagsramma.c) Annað.

Tekið fyrir erindi frá sóknarnefnd Dalvíkurkirkju, dagsett þann 12. júlí sl., þar sem óskað er eftir styrk á móti fasteignagjöldum fyrir árið 2026.

Tekið fyrir erindið frá Súsönnu Svansdóttur, dagsett þann 15. júlí sl., er varðar umhverfi hoppubelga, leikvalla og leiktæki í Dalvíkurbyggð.

Tekið fyrir erindi frá Ferðafélagi Svarfdæla, dagsett þann 11. ágúst og móttekið 17. ágúst sl., þar sem fram koma ýmsar ábendingar stjórnar er varða ýmsa þætti umhverfis og náttúru í Dalvíkurbyggð, ferðaþjónustu, samgöngur, gönguleiðir, stíga, menningarminjar o.fl.

Tekið fyrir erindi frá Gittu Unn Ármannsdóttur, dagsett þann 17. ágúst sl., þar sem lagt er til að gerð verði áætlun um eyðingu kerfills meðfram þjóðvegi í sveitarfélaginu sem og gerð áætlun um eyðingu lúpínu á ákveðnum svæðum, s.s. í nánasta umhverfi Árskógarskóla.

Tekið fyrir erindi frá Golfklúbbnum Hamar, dagsett þann 12. ágúst sl., þar sem óskar er eftir áframhaldandi styrk vegna umbóta á golfvellinum og aðstöðu.

Tekið fyrir erindi frá Önnu Kristínu Guðmundsdóttur, dagsett þann 18. ágúst sl. þar sem fram koma hugmyndir að ýmsum verkefnum er varðar leiksvæði, strandlengjuna, útsýnispall og útsýnissvæði, Lágina, umhverfi ærslabelga, búnað í Sundlaug Dalvíkur og skólalóð Dalvíkurskóla.

Tekið fyrir erindi frá Ungmennafélagi Svarfdæla, dagsett þann 18. ágúst sl., er varðar uppbyggingu og úrbætur á svæði við gervigrasvöllinn á Dalvík.

Tekið fyrir erindi frá Ingimari Guðmundssyni, dagsett þann 18. ágúst sl., þar sem lagt er til að gerðar verði upphitaðar tröppur niður að Dalvíkurvelli með vísan í að íbúar í sveitarfélaginu geta nýtt sér upphitaðan stíg í kringum vallarsvæðið sér til heilsueflingar.

Tekið fyrir erindi frá Gittu Unn Ármannsdóttur, Guðmundi Geir Jónssyni, Freydísi Ingu Bóasdóttur, Jónasi Þór Leifssyni og Lindu Andersson, dagsett þann 18. ágúst sl., þar sem fram kemur ánægja með lagningu hjólreiðarstíg. Komið er á framfæri þeirri hugmynd meðal íbúa sunnan Árskógarskóla að með því að annað hvort setja fínni möl ofan á eða fara yfir með grjótmulningsvél væri hægt að hjóla á stígnum strax á þessu ári, þó svo að hann verði fullkláraður síðar samkvæmt áætlun.

Tekið fyrir erindi frá knattspyrnudeild Ungmennafélags Svarfdæla og Barna- og unglingaráði, dagsett þann 19. ágúst sl., þar sem knattspyrnudeildin óskar eftir fjármagni frá Dalvíkurbyggð til að ráða starfsmann sem sinnir daglegu starfi og uppbyggingu innan deildarinnar sem og styðja við starf annarra deilda UMFS.

Á 36. fundi skipulagsráðs þann 12. ágúst sl. var eftirfarandi bókað:"Kynningu tillögu á vinnslustigi að breytingu á Aðalskipulagi Dalvíkurbyggðar 2008-2020 vegna stækkunar á íbúðarsvæði 706-ÍB á Árskógssandi lauk þann 5.júní sl.Engar athugasemdir bárust. Umsagnir bárust frá Rarik, Heilbrigðiseftirliti Norðurlands eystra, Mílu, Hörgársveit og Minjastofnun Íslands.Niðurstaða : Skipulagsráð samþykkir að unnin verði endanleg tillaga að aðalskipulagsbreytingu með þeim breytingum sem koma fram í umsögnum. Skipulagsráð leggur til við sveitarstjórn að hún samþykki tillögu að breytingu á Aðalskipulagi Dalvíkurbyggðar 2008-2020 og að tillagan verði auglýst skv. 31.gr. skipulagslaga nr. 123/2010.Samþykkt samhljóða með fimm atkvæðum."

Á 36. fundi skipulagsráðs þann 12. ágúst sl. var eftirfarandi bókað:"Kynningu tillögu á vinnslustigi að deiliskipulagi fyrir nýja íbúðabyggð á Árskógssandi lauk þann 5.júní sl. Engar athugasemdir bárust. Umsagnir bárust frá Rarik, Heilbrigðiseftirliti Norðurlands eystra og Minjastofnun Íslands.Niðurstaða : Skipulagsráð samþykkir að unnin verði endanleg tillaga að deiliskipulagi með þeim breytingum sem koma fram í umsögnum. Skipulagsráð leggur til við sveitarstjórn að hún samþykki tillögu að deiliskipulagi og að tillagan verði auglýst skv. 41.gr. skipulagslaga nr. 123/2010 samhliða auglýsingu aðalskipulagsbreytingar.Samþykkt samhljóða með fimm atkvæðum."

Á 36. fundi skipulagsráðs þann 12. ágúst sl. var eftirfarandi bókað:"Kynningu tillögu á vinnslustigi að breytingu á Aðalskipulagi Dalvíkurbyggðar 2008-2020 vegna stækkunar íbúðarbyggðar og nýrrar götu út frá Skógarhólum lauk þann 11.ágúst sl.Engar athugasemdir bárust. Umsagnir bárust frá Minjastofnun Íslands, Vegagerðinni og Heilbrigðiseftirliti Norðurlands eystra.Niðurstaða : Skipulagsráð leggur til við sveitarstjórn að hún samþykki framlagða tillögu að breytingu á Aðalskipulagi Dalvíkurbyggðar 2008-2020 og að tillagan verði auglýst skv. 31.gr. skipulagslaga nr. 123/2010.Samþykkt samhljóða með fimm atkvæðum."

Á 36. fundi skipulagsráðs þann 12. ágúst sl. var eftirfarandi bókað:"Kynningu tillögu á vinnslustigi að breytingu á deiliskipulagi Hóla- og Túnahverfis á Dalvík vegna áforma um fjölgun byggingarlóða og lagningu nýrrar götu út frá Skógarhólum lauk þann 11.ágúst sl.Ein athugasemd barst. Umsagnir bárust frá Rarik, Landsneti, Minjastofnun Íslands, Heilbrigðiðseftirliti Norðurlands eystra og Vegagerðinni.Niðurstaða : Skipulagsráð leggur til við sveitarstjórn að hún samþykki framlagða tillögu að deiliskipulagi með breytingu skv. umsögn Vegagerðarinnar og jafnframt þeirri breytingu að ný gata til norðurs frá Skógarhólum fái heitið Birkihólar ísamræmi við innkomnar ábendingar. Þá leggur skipulagsráð til við sveitarstjórn að tillagan verði auglýst skv. 41.gr. skipulagslaga nr. 123/2010, samhliða auglýsingu aðalskipulagsbreytingar.Samþykkt samhljóða með fimm atkvæðum."

Á 36. fundi skipulagsráðs þann 12. ágúst sl. var eftirfarandi bókað:"Gera þarf breytingu á Aðalskipulagi Dalvíkurbyggðar 2008-2020 þar sem iðnaðarlóð undir spennahús Rarik við Hríshöfða er stækkuð úr 0,2 ha í 0,9 ha til samræmis við gildandi lóðarleigusamning.Niðurstaða : Skipulagsráð leggur til við sveitarstjórn að hún samþykki að gerð verði breyting á Aðalskipulagi Dalvíkurbyggðar 2008-2020 til samræmis við erindið. Að mati skipulagsráðs er breytingin óveruleg skv. 2.mgr. 36.gr. skipulagslaga nr. 123/2010 þar sem hún hefur ekki í för með sér verulegar breytingar á landnotkun eða er líkleg til að hafa áhrif á einstaka aðila eða stór svæði.Samþykkt samhljóða með fimm atkvæðum."

Byggðaráð þarf að staðfesta bókun skipulagsráðs um að auglýsa tillöguna á nýjan leik.Á 36. fundi skipulagsráðs þann 12. ágúst sl. var eftirfarandi bókað:Lagt fram erindi Skipulagsstofnunar, dags. 27.júní 2025 þar sem gerð er athugasemd við málsmeðferð deiliskipulags fyrir frístundabyggð í landi Skáldalækjar ytri.Niðurstaða : Skipulagsráð samþykkir að deiliskipulagstillagan verði auglýst á nýjan leik skv. 41.gr. skipulagslaga nr. 123/2010 í samræmi við tilmæli Skipulagsstofnunar.Samþykkt samhljóða með fimm atkvæðum."

Á 34. fundi umhverfis- og dreifbýlisráðs þann 15. ágúst sl. var eftirfarandi bókað:"Fyrir fundinum lá minnisblað verkefnastjóra þvert á svið þar sem fram kemur að Minjastofnun hafi gert athugasemdir við röskun á því svæði þar sem áætlað er að fara með fjallgirðingu neðan við Upsann í Bæjarfjalli. Stofnunin fer fram á að ítarleg fornleifaskráning fari fram 1á 30 metra breiðu svæði eftir fyrirhuguðu girðingarstæði. Framkvæmdir við jöfnun undir girðinguna eru óheimilar fyrr en skráning liggur fyrir. Fyrir liggur kostnaðaráætlun fyrir fornleyiaskráningu meðfram girðingastæðinu.Einnig lá fyrir fundinum rafpóstur frá Gittu Unn Ármannsdóttur, dagsettur 7. ágúst 2025, þar sem hún gerir athugasemdir við léleg vinnubrögð við viðhald á fjallgirðingu á Árskógsströnd. Póstinum fylgja myndir sem sýnaástand fjallgirðingariNiðurstaða : Umhverfis- og dreifbýlisráð leggur til að endurnýjun fjallgirðingar við Upsa verði frestað til næsta árs og að gert verði ráð fyrir fornleyfaskráningu eða breytingu á girðingarstæði í fjárhagsáætlun.Umhverfis- og dreifbýlisráð felur verkefnastjóra þvert á svið að hafa samband við verktakann sem fór yfir og lagfærði fjallgirðingu á Árskógsströnd í vor og fara fram á tafarlausar úrbætur.Samþykkt samhljóða með fimm atkvæðum."

Á 34. fundi umhverfis- og dreifbýlisráðs þann 15. ágúst sl. var eftirfarandi bókað:"Tekið fyrir erindi frá fjallskilanefnd Árskógsstrandar þar sem að bent er á að fjallskilanefnd Hörgársveitar hafi samþykkt að gengið verði á Þorvaldsdal laugardaginn 6. september. Í ljósi þeirrar ákvörðunar óskar fjallskilanefndin eftir því að gengið verði á sama tíma norðan Þorvaldsár þannig að fé fari síður að á milli svæða.Niðurstaða : Umhverfis- og dreifbýlisráð samþykkir framlagt erindi.Samþykkt samhljóða með fimm atkvæðum."

Á 34. fundi umhverfis- og dreifbýlisráðs þann 15. ágúst sl. var eftirfarandi bókað:"Með rafpósti, dagsettum 13. ágúst 2025, óskar Arnar Valur Kristinsson eftir leyfi til þess að koma upp tímabundnu beitarhólfi fyrir hross norðan Ægisgötu og ofan Brimnesbrautar.Niðurstaða : Umhverfis- og dreifbýlisráð samþykkir framlagt erindi með fyrirvara um samþykki íbúa í Brimnesbraut 21, 23, 27, 29 og 31.Samþykkt samhljóða með fimm atkvæðum."

Fundargerðin er í 36 liðum.Liður 3 er sér mál á dagskrá; mál 202402088.Liður 4 er sér mál á dagskrá; mál 202303040.Liður 5 er sér mál á dagskrá; mál 202402087Liður 6 er sér mál á dagskrá; mál 202301077.Liður 7 er sér mál á dagskrá; mál 202507043.Liður 13 er sér mál á dagskrá; mál 202401038.

Fundargerðin er í 9 liðum.Liður 5 er sér mál á dagskrá; mál 202504028 - vegna fjárhagsáætlunar 2025Liður 7 er sér mál á dagskrá; mál 202508036,Liður 8 er sér mál á dagskrá; mál 202508040.