Byggðaráð Dalvíkurbyggðar

Undir þessum lið komu á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, og Rúna Kristín Sigurðardóttir, sérfræðingur í mannauðs - og kjaramálum, kl. 13:15.Starfs- og kjaranefnd Dalvíkurbyggðar vísaði til byggðaráðs erindi frá deildarstjóra varðandi þarfagreiningu tveggja starfa á deildinni og beiðni um annað starfið verði auglýst með því markmiði að finna starfsmann sem myndi sjá um skipulagningu og utanumhald með starfi Vinnuskólans og koma að viðhaldi opinna svæða auk hefðbundinna starfa á deildinni. Hæfnis- og þekkingarkröfur yrðu því aðrar en fyrir almenna starfið, sbr. meðfylgjandi minnisblað deildarstjóra dagsett þann 28. júlí sl. Um er að ræða annars vegar fast starf sem er laust til umsóknar og hins vegar starf sem var ráðið í tímabundið skv. heimild í fjárhagsáætlun 2025.Einnig eru meðfylgjandi drög að starfslýsingum fyrir störfin.Deildarstjóri gerði grein fyrir ofangreindri beiðni.Helga Íris og Rúna Kristín viku af fundi kl. 13:57.

Sviðsstjóri fjármála- og stjórnsýslusviðs fór yfir eftirfarandi skýrslur:Staða bókhalds (rekstur) í samanburði við heimildir í áætlun; janúar - júní 2025.Staða fjárfestinga og framkvæmda 2025, bókfærð staða 12. ágúst sl. í samanburði við heimildir ársins 2025.Staða launakostnaðar janúar- júní 2025 í samanburði við heimildir.Staða stöðugilda janúar - júní 2025 í samanburði við heimildir.

Á 377. fundi sveitarstjórnar þann 18. febrúar sl. var samþykkt samhljóða með 7 atkvæðum að fela sveitarstjóra að ganga eftir svörum og rökstuðningi fyrir úthlutun til byggðalaga innanDalvíkurbyggðar. Ef ekki berast svör eða óásættanleg röksemdafærsla ber sveitarstjóra að undirbúa kvörtun til Umboðsmanns Alþingis.Með fundarboði byggðaráðs fylgdi svar frá Atvinnuvegaráðuneytinu, dagsett þann 12. ágúst 2025. Fram kemur m.a. að samdráttur í ráðstöfun á milli ára til viðbótar við þær reiknireglur sem stuðst er við skv. 2. gr. reglugerðar nr. 818/2024, um úthlutun byggðakvóta til byggðarlaga á fiskveiðiárinu 2024/2025, veldur því að úthlutun til Dalvíkur lækkar um 44 t og til Árskógssands um 107 t en úthlutun til Hauganess er óbreytt frá fiskveiðiárinu 2023/2024. Í svarinu er frekari gert grein fyrir forsendum að baki úthlutuninni.

Frestað

Bókað í trúnaðarmálabók.Byggðaráð samþykkir samljóða með 3 atkvæðum viðaukabeiðni, viðauki nr. 35 við fjárhagsáætlun 2025, að upphæð kr. 3.128.180 og að honum verði mætt með lækkun á handbæru fé.

Bókað í trúnaðarmálabók.Byggðaráð samþykkir samhljóða með 3 atkvæðum viðaukabeiðni, viðauki nr. 36 við fjárhagsáætlun 2025, að upphæð kr. 6.968.687. Byggðaráð samþykkir jafnframt að viðaukanum verði mætt með lækkun á handbæru fé

Freyr Antonsson vék af fundi undir þessum lið til annarra starfa kl. 15:14.Á 1152. fundi byggðaráðs þann 10. júlí sl. var eftirfarandi bókað:"Með fundarboð fylgdi:a) Minnisblað frá Sambandi íslenskra sveitarfélaga, móttekið 4.júlí sl., er varðar forsendur fjárhagsáætlana sveitarfélaga árið 2026 og árin 2027-2029.b) Bókun ungmennaráðs á 47.fundi sínum þann 3.júlí sl.a) Lagt fram til kynningarb) Byggðaráð hrósar ungmennaráði fyrir góðar tillögur og vísar þeim til áframhaldandi vinnu við fjárhagsáætlun. Lagt fram til kynningar."a) Með fundarboði byggðaráðs fylgdu drög sviðsstóra fjármála- og stjórnsýslusviðs að forsendum Dalvíkurbyggðar vegna vinnu við fjárhagsáætlun 2026 og þriggja ára áætlun 2027-2029.b) Fundur kjörinna fulltrúa með stjórnendum sviða þann 27. ágúst nk. Rætt um fyrirkomulag og undirbúning fundar.c) Sviðsstjóri fjármála- og stjórnsýslusviðs gerði grein fyrir stöðu fjárhagsáætlunarvinnunnar vs. verkefni skv. tímaramma.

Bókað í trúnaðarmálabók.

Tekið fyrir erindi frá Sýslumanninum á Norðurlandi eystra, dagsett þann 31. júlí sl, þar sem óskað er umsagnar vegna umsóknar um rekstrarleyfi gistingar í flokki II frá Fjúkandi hjólbörum ehf vegna Árbakka. í gildi var rekstrarleyfi frá 2020 vegna „Íglúhússins“ á Árbakka sem nýir eigendur eru nú að taka við.Fyrir liggur jákvæð umsögn frá Slökkviliðsstjóra, dagsett þann 11. ágúst sl.Sviðsstjóri fjármála- og stjórnsýslusviðs gerði grein fyrir ábendingum skipulagsfulltrúa um ofangreint og er umsögn skipulagsfulltrúa í vinnslu.

Fundargerð stjórnar Leiguíbúða Dalvíkurbyggðar hses nr. 69 7. ágúst lögð fram til kynningar.

Ekkert þarfnast afgreiðslu.Fundargerðin lögð fram til kynningar.