Byggðaráð Dalvíkurbyggðar

Með fundarboð fylgdi:a) Minnisblað frá Sambandi íslenskra sveitarfélaga, móttekið 4.júlí sl., er varðar forsendur fjárhagsáætlana sveitarfélaga árið 2026 og árin 2027-2029.b) Bókun ungmennaráðs á 47.fundi sínum þann 3.júlí sl.

Tekið fyrir erindi frá sviðsstjóra fjármála- og stjórnsýslusviðs, dagsett þann 7.júlí sl., þar sem óskað er eftir viðauka við fjárhagsáætlun 2025, deild 21400, vegna innleiðingar á nýju launa- og mannauðskerfi ásamt tengdum lausnum. UT-teymi sveitarfélagsins ásamt lykilstarfsmönnum sem vinna með launa- og mannauðskerfi hafa fengið, sem og setið, nokkrar kynningar frá Advania vegna H3 launa og Origo vegna Kjarna. Einnig hefur hópurinn kynnt sér hvaða lausnir önnur sveitarfélög eru með og þá af hverju. Flest sveitarfélögin eru með H3 og Kjarna. Niðurstaða UT-teymis eftir ítarlega skoðun og samanburð á þessum kerfum er að gengið verði til samninga við Origo um Kjarna, rökin fyrir vali þeirrar lausnar eru rakin í rökstuðningi með beiðni þessari. Ef heimild fæst þá er gert ráð fyrir að innleiðing hefjist um miðjan ágúst.

Á 1145.fundi byggðaráðs þann 30.apríl sl., var eftirfarandi bókað:Tekið fyrir erindi frá formanni stjórnar Dalbæjar, dagsett þann 21. apríl sl., þar sem óskað er eftir styrkveitingu vegna söfnunar fyrir nýju hljóðkerfi á Dalbæ.Fram kemur að ákveðið hefur verið að hrinda af stað söfnun fyrir umræddum búnaði og ætla Hollvinasamtök Dalbæjar að aðstoða Dalbæ með söfnunina. Niðurstaða á þeim fundi var eftirfarandi: Til umræðu og afgreiðslu frestað.Erindið tekið fyrir að nýju og samkvæmt upplýsingum frá Hollvinafélagi Dalbæjar þá er búið að safna um 2,7 m.kr. en heildarkostnaður við nýtt hljóðkerfi er um 4,5 - 5,0 milljónir króna.

Á 1150.fundi byggðaráðs þann 26.júní sl., var eftirfarandi bókað:Tekið fyrir erindi frá Orra Kristni Jóhannssyni, dagsett þann 16. júní sl., er varðar fyrirspurn f.h. dánarbús Jóhanns Tryggvasonar um hvort Dalvíkurbyggð hafi áhuga á að eignast landspilduna Víðihólma í Svarfaðardalsá, en landeigendur hafa hug á að selja umrætt svæði. Niðurstaða fundarins var eftirfarandi: Byggðaráð felur sveitarstjóra að afla nánari upplýsingar um ofangreint erindi.Sveitarstjóri gerði grein fyrir þeim upplýsingum sem hún hefur aflað varðandi Víðihólma í Svarfaðardalsá.

Eitt af verkefnum Sóknaráætlunar Norðurlands eystra 2025-2029 er að unnin verði sameiginleg loftslagsstefna fyrir landshlutann. Í erindi SSNE er lagt til við sveitarfélögin í landshlutanum að þau vinni að sameiginlegri loftslagsstefnu og verði sú vinna sett af stað strax í haust. Horft er til þess að stefnan verði unninn hratt og örugglega og að hún klárist snemma í vor. Þá er óskað eftir því að Dalvíkurbyggð staðfesti vilja sinn til þess að taka þátt í þessari vinnu og skipi fulltrúa í samstarfshóp sem mun stýra vinnunni í samstarfi við SSNE og Eim, sem mun halda utan um vinnuna.

Tekið fyrir erindi Hjólreiðafélag Akureyrar þar sem óskað er eftir leyfi sveitarfélagsins til þess að halda götuhjólamót í Dalvíkurbyggð sunnudaginn 27.júlí nk. Ráðgert er að það verði ræst frá Víkurröst kl. 10 og að keppendur hjóli 4-6 hringi í Svarfaðardal. Áætlað er að keppnin taki 3-4 tíma. Hjólreiðafélagið mun sjá um brautargæslu, nauðsynlegar merkingar og láta lögreglu og slökkvilið vita af viðburðinum.

Tekið fyrir erindi frá Sýslumanninum á Norðurlandi eystra:a) Tölvupóstur dagsettur 3.júlí sl., þar sem óskað er umsagnar vegna umsóknar um leyfi til reksturs; Gististaðir í flokki IV-B Stærra gistiheimili. b) Þá er sérstök athygli vakin á að sérstakrar umsagnar sveitarstjórnar er óskað, er snýr að afgreiðslutíma áfengis. Fyrir liggur umsögn slökkviliðsstjóra sem fellst á ofangreint leyfi miðað við 60 manns. Umsagnir byggingafulltrúa og Heilbrigðiseftirlits Norðurlands eystra liggja ekki fyrir.

Tekið fyrir erindi frá Sýslumanninum á Norðurlandi eystra, tölvupóstur dagsettur 8.júlí sl., þar sem óskað er umsagnar vegna umsóknar um veitingaleyfi í flokki II-A Veitingahús. Umsagnir slökkviliðs og Heilbrigðisteftirlits Norðurlands eystra liggja ekki fyrir.

Lögð fram til kynningar fundargerð aðalfundar Hússtjórnar Ráðhúss frá 2.júlí sl., ásamt ársreikningi ársins 2024.

Fundargerðin er í 3 liðum.Ekkert þarfnast afgreiðslu.