Byggðaráð Dalvíkurbyggðar

Á fund byggðaráðs kom Gunnar Rúnar Ólafsson slökkviliðsstjóri á Akureyri með kynningu á mögulegu samstarfi slökkviliða á starfssvæði SSNE. Gunnar Rúnar er að heimsækja sveitarfélögin á svæðinu þessar vikurnar.

Helga Íris Ingólfsdóttir, deildarstjóri EF deildar mætti til fundar kl. 14:15Á 32.fundi umhverfis- og dreifbýlisráðs þann 16.maí sl., var bókað meðal annars um uppbyggingu hjólastígs í sveitarfélaginu þannig að að gert verði ráð fyrir bættum stígatengingum niður á Hauganes og Árskógssand núna í ár. Þá leggur ráðið áherslu á að hönnun stígsins verði kláruð sem fyrst. Á 381.fundi sveitarstjórnar þann 19.júní sl. var eftirfarandi bókað: Sveitarstjórn samþykkir samhljóða með 7 atkvæðum og tekur undir með umhverfis og dreifbýlisráði að: Göngu- og hjólastígur meðfram Dalvíkurlínu verði með stígatengingum niður á Hauganes og Árskógssand núna í ár. Að fela deildarstjóra Eigna og framkvæmdadeildar að ræða við landeiganda um uppbyggingu á gamla Hauganesveginum ofan Áss. Einnig að samtal verði við íbúa um bestu leið varðandi tengingar Árskógssands og Hauganess við stíginn. Að hönnun stígsins verði kláruð sem fyrst og kynnt kjörnum fulltrúum og íbúum.

Á 381.fundi sveitarstjórnar þann 19.júní sl. var eftirfarandi bókað:Enginn tók til máls. Sveitarstjórn samþykkir samhljóða með 7 atkvæðum stofnframlag til byggingar á 12 leiguíbúðum í samvinnu við Brák og vísar útfærslu á stofnframlaginu og gerð viðaukabeiðni vegna þessa til byggðaráðs til umfjöllunar og afgreiðslu.Farið yfir útfærslu á stofnframlagi Dalvíkurbyggðar.

Á fundinum var rætt um fund kjörinna fulltrúa með sveitarstjóra, sviðsstjórum og stjórnendateymi framkvæmdasviðs sem haldinn var fimmtudaginn 26.júní sl. og farið yfir vinnuskjal sem unnið var með á fundinum. Ákveðið hefur verið að halda annan slíkan fund í lok ágúst eða fimmtudaginn 28.ágúst en honum verður að öllum líkindum flýtt til miðvikudagsins 27.ágúst nk.

Á 148.fundi veitu- og hafnaráðs þann 12.júní sl., var eftirfarandi bókað: a) Veitu- og hafnaráð samþykkir samhljóða með 4 atkvæðum að fela yfirhafnaverði að koma stórnotendum rafmagns í verbúðum á sérmæli. b) Veitu- og hafnaráð samþykkir samhljóða með 4 atkvæðum að leggja til við byggðaráð að verbúðirnar fari úr eigu og rekstri Hafnasjóðs/sveitarfélagsins.Tekin fyrir b) liður bókunar veitu- og hafnaráðs.

Lagður fram til kynningar ársreikningur Samtaka sjávarútvegssveitarfélaga fyrir árið 2024.

Lögð fram til kynningar ályktun SUM af aðalfundi sínum dags. 7.maí sl. þar sem samtökin kalla eftir fundi um efni ályktunarinnar ásamt virku samráði og samtali um þau mál sem fram koma í ályktun þeirra. Þar segir meðal annars að ályktun þessari er beint að úrræðum vegna leigu félagslegs húsnæðis. Þá sérstaklega þjónustu og leigu húsnæðis til hópa samfélagsins með fjölbreyttar þarfir, t.d. öryrkja, fatlaða, einstæða foreldra, aldraða, börn og aðra hópa sem glíma við skerðingar eða málleysi. Viðtakendur eru hvattir til þess að koma til móts við þennan hóp, sinna upplýsingaskyldu sinni og leiðbeini, viðhaldi og fyrirbyggi rakaskemmdir og stuðli að heilnæmu húsnæði fyrir öll.

Tekið fyrir erindi frá Sambandi íslenskra sveitarfélaga um boð þátttöku í vinnustofu um skráningu lögheimilis í frístundabyggð. Vinnustofan verður haldinn fimmtudaginn 11.september kl. 10:30 - 14:00.Í upphafi verður stutt erindi frá Grímsnes- og Grafningshreppi en síðan verða þátttakendur leiddir í gegnum æfingar sem ætlað er að greina áskoranir og tækifæri og hugmyndir að lausnum. Samkvæmt núgildandi lögum ber að skrá einstakling til lögheimilis þar sem hann hefur fasta búsetu. Þá skal lögheimili skráð í tiltekna íbúð eða eftir atvikum hús, við tiltekna götu eða í dreifbýli, sem er skráð sem íbúðarhúsnæði í fasteignaskrá.

Lögð fram til kynningar fundargerð stjórnar Samtaka sjávarútvegssveitarfélaga, nr. 90 frá 19.júní sl.