Bæjarráð Dalvíkurbyggðar

Undir þessum lið kom á fund bæjarráðs Margrét Víkingsdóttir, upplýsingafulltrúi.Með fundarboði fylgdi drög að skilgreiningu fyrir starfsemi upplýsingamiðstöðvar Dalvíkurbyggðar unnin af upplýsingafulltrúa í samráði við sviðstjóra fjármála- og stjórnsýslusviðs, bæjarstjóra, sviðstjóra fræðslu- og menningarsviðs, íþrótta- og æskulýðsfulltrúa og forstöðumann bóka- og héraðsskjalasafns.Tilgangurinn er að ramma inn hlutverk upplýsingamiðstöðvarinnar og fyrirkomulag á starfseminni.Einnig fylgdu með drög að kostnaðaráætlun þar sem m.a. er gert ráð fyrir að ráða starfsmann í bókasafnið yfir sumarið til þess að starfa í upplýsingamiðstöðinni þar.Upplýsingafulltrúi kynnti ofangreint.

Á 644. fundi bæjarráðs þann 8. nóvember 2012 var eftirfarandi bókað:Tekið fyrir erindi frá Markaðsstofu Norðurlands, bréf dagsett þann 30. október 2012, þar sem óskað er eftir endurnýjun á samstarfssamningi Dalvíkurbyggðar við Markaðsstofuna til ársloka 2015. Bæjarráð tekur jákvætt í endurnýjun á samstarfssamningi og óskar eftir að fá ný samningsdrög til skoðunar. Með fundarboði fylgdu samningsdrög. Gildistíminn er frá 1. janúar 2013 og rennur út 31. desember 2015.Samkvæmt 4. gr. samningsins vinnur MN að samræmingu á starfsemi upplýsingamiðstöðva ferðamanna í sveitarfélaginu við starfsemi annarra upplýsingamiðstöðva á Norðurlandi. Félagið verður einnig í samstarfi við upplýsingamiðstöðina í Dalvíkurbyggð um miðlun upplýsinga um bæjarfélagið.Gjald fyrir þjónustu MN miðast við íbúafjölda og er kr. 500,- á hvern íbúa á ári og miðast greiðsla við íbúagjölda 1. desember árið á undan.

Árið 2012 var veittur beinn styrkur til Fiskidagsins mikla að upphæð kr. 3.500.000 samkvæmt fjárhagsáætlun.Styrkurinn var hækkaður um kr. 1.500.000 en erindi kom frá framkvæmdastjórn Fiskidagsins mikla við gerð fjárhagsáætlunar 2012 þar sem óskað var eftir hækkun á styrknum.Vegna styrks fyrir árið 2011 var gert sérstakt samkomulag við Fiskidaginn mikla um samstarf um kynningu á Dalvíkurbyggð en þá var styrkurinn hækkaður úr kr. 2.000.000 í kr. 3.800.000.Samkvæmt fjárhagsáætlun 2013 er gert ráð fyrir kr. 3.500.000 í beinan styrk vegna Fiskidagins mikla.Margrét vék af fundi.

Á 32. fundi atvinnumálanefndar þann 13. febrúar 2013 var tekin fyrir starfslýsing upplýsingafulltrúa með tillögum að breytingum með hliðsjón af ábendingum atvinnumálanefnar.Atvinnumálanefnd samþykkti samhljóða með 3 atkvæðum starfslýsingu upplýsingafulltrúa fyrir sitt leiti.Með fundarboði bæjarráðs fylgdi tillaga að starfslýsingu upplýsingafulltrúa en á 637. fundi bæjarráðs þann 4. október 2012 samþykkti bæjarráð að fela sviðstjóra fjármála- og stjórnsýslusviðs og bæjarstjóra að yfirfara starfslýsingu upplýsingafulltrúa með bókun atvinnumálanefndar til hliðsjónar. Atvinnumálanefnd hafði fjallað um hugmyndir hvað varðar nýtt starf atvinnufulltrúa og fór nefndin þess á leit að ef starf upplýsingafulltrúa yrði hækkað úr 50% í 100% þá myndi starfslýsing upplýsingafulltrúa einnig taka mið af þörfum atvinnumálanefndar.

Tekið fyrir erindi frá stjórn Náttúruseturs á Húsabakka, dagsett þann 21. desember 2012, þar sem Hjörleifur Hjartarson, verkefnastjóri, óskar eftir að gerður verði þjónstusamningur á milli Dalvíkurbyggðar og Náttúrsetursins sem feli m.a. í sér að Náttúrusetrið verði formlegur umsjónaraðili með Friðlandi Svarfdæla og haldi úti fræðslustarfi. Dalvíkurbyggð greiði á móti Náttúrusetrinu árlega kr. 3.000.000 auk tilfallandi efniskostnaðar.

Tekið fyrir bréf frá Lánasjóði sveitarfélaga, dagsett þann 18. febrúar 2013, þar sem boðað er til aðalfundar Lánasjóðs sveitarfélaga ohf. föstudaginn 15. mars 2013 kl. 16:00.Einnig tekið fyrir bréf dagsett þann 18. febrúar 2013 þar sem auglýst er eftir framboðum í stjórn Lánasjóðsins.

Á 654. fundi bæjarráðs þann 31. janúar 2013 samþykkti bæjarráð að fá kynningu á ávöxtum með kaupum á ríkisskuldabréfum.Í framhaldinu var ákveðið að óska eftir kynningu frá Íslenskum verðbréfum.Undir þessum lið komu á fund bæjarráðs Björn Snær Guðbrandsson, forstöðumaður eignastýringar, og Jón Helgi Pétursson, framkvæmdastjóri Rekstrarfélags verðbréfasjóða ÍV hf. Björn Snær og Jón Helgi kynntu starfsemi Íslenskra verðbréfa hf. sem og möguleika sveitarfélagsins hvað varðar ávöxtun.Björn Snær og Jón Helgi viku af fundi.

Til umræðu umboð bæjarráðs hvað varðar sölu á íbúðum í eigu Dalvíkurbyggðar. Með fundaboði bæjarráðs fylgdu reglur um sölu íbúða í eigu Dalvíkurbyggðar sem endurskoðaðar voru í janúar 2012 og staðfestar á fundi bæjarstjórnar þann 24.janúar 2012.Samkvæmt Samþykktum um stjórn Dalvíkurbyggðar,56. gr. tekur sveitarstjórn ákvörðun um sölu eigna sveitarfélagsins, enda hefur sá háttur verið hafður á að bæjarstjórn hefur staðfest kauptilboð og sölu á íbúðum í eigu Dalvíkurbyggðar.Á fundinum var rætt um hvort mögulegt sé að bæjarstjórn veiti bæjarráði tímabundna fullnaðarheimild til að selja íbúðir í eigu Dalvíkurbyggðar.

Á fundinum var kynnt kauptilboð frá Þórdís Hjálmarsdóttur, dagsett þann 11.febrúar 2013, í fasteignina við Skógarhóla 29 B að upphæð kr. 11.300.000.

Tekið fyrir bréf frá innanríkisráðuneytinu, dagsett þann 15. febrúar 2013, þar sem fram kemur að ráðuneytið hefur staðfest meðfylgjandi samþykkt um stjórn Dalvíkurbyggðar. Samþykktin hefur verið send til birtingar í B-deild Stjórnartíðinda.