Bæjarráð Dalvíkurbyggðar

Tekið fyrir erindi frá Kristjáni Ólafssyni, Bjarkarbraut 11 á Dalvík, bréf dagsett þann 8. nóvember 2012, þar sem fram kemur að hann hefur nú um langt árabil haft geymslupláss í skála að Böggvisstöðum án gjalds samkvæmt munnlegu samkomulagi við þáverandi bæjaryfirvöld. Um er að ræða um 100 fm2 þar sem Kristján geymir búvélar og önnur landbúnaðartæki. Auk þess er gamli Bedfordinn (slökkviliðsbílinn) í geymslurýminu. Kristján óskar eftir því að gerður verði við hann skriflegur samningur um framangreint geymslupláss á óbreyttum kjörum.

Tekið fyrir erindi frá Landsbyggðin lifir, bréf dagsett þann 2. nóvember 2012, þar sem sótt er um styrk vegna starfsemi Landsbyggðin lifir að upphæð kr. 50.000.

Tekið fyrir erindi frá Snorraverkefninu, bréf dagsett þann 8. nóvember 2012, þar sem óskað er eftir að Dalvíkurbyggð styrki verkefnið sumarið 2013. Verkefnið, sem rekið er af Þjóðræknifélagi Íslendinga og Norræna félaginu á Íslandi, lýtur að því að veita ungu fólki af íslenskum ættum í Norður-Ameríku tækifæri til að kynnast rótum sínum á Íslandi í 6 vikna sumarverkefni.

Tekið fyrir bréf frá Varasjóði húsnæðismála, ódagsett, þar sem fram kemur að Varasjóður húsnæðismála í samstarfi við Samband íslenskra sveitarfélaga, Íbúðalánasjóð og Velferðarráðuneytið boðar til fundar um húsnæðismál. Ráðstefnan verður haldin á Hótel KEA Akureyri 16. nóvember 2012 kl. 13-15:30.Fram kom á fundinum að sviðstjóri félagsmálasviðs og sviðstjóri fjármála- og stjórnsýslusvið áforma að sækja ráðstefnuna.

Á 642. fundi bæjarráðs þann 1. nóvember s.l. gerðu sviðstjóri fjármála- og stjórnsýslusviðs og bæjarstjóri bæjarráði grein fyrir kauptilboði og gagntilboði í húseign Dalvíkurbyggðar við Lokastíg 1, íbúð 0303.Bæjarráð veitti sviðstjóra og bæjarstjóra heimild til þess að ganga frá málum í samræmi við umræður á fundinum.Á fundinum var upplýst í hvaða farvegi kauptilboðið er.

Sviðstjóri fjármála- og stjórnsýslusviðs og bæjarstjóri gerðu grein fyrir kauptilboði sem borist hefur í ofangreinda húseign sveitarfélagsins og gagntilboði frá Dalvíkurbyggð.

Bókað í trúnaðarmálabók.

Á 642. fundi bæjarráðs þann 1. nóvember s.l. kynnti Helgi Þorbjörn Svavarsson frá Símey niðurstöður úr Markvisskönnun sem hann vann fyrir Dalvíkurbyggð vegna ráðgjafaþjálfunar í Markviss og var þetta verkefni hluti af henni. Helstu niðurstöður eru að við skoðun gagnanna kemur í ljós að Dalvíkurbyggð er vel á vegi stödd hvað varðar þá þrjá þætti sem teknir voru sérstaklega til athugunnar, samskipti, starfsánægju og starfsþróun.Með skýrslunni fylgdu tillögur (drög) að fræðslu- og úrbótaáætlun.Á fundinum var ofangreint til umræðu og rætt sérstaklega um eftirfylgni.

Á 645. fundi bæjarráðs þann 13. nóvember s.l. voru til umræðu ýmsar tillögur og hugmyndir, bæði nýjar og eldri, hvað varðar rekstur og starfsemi Dalvíkurbyggðar í tengslum við gerð fjárhagsáætlunar fyrir árin 2013-2016.Sviðstjóri fjármála- og stjórnsýslusviðs kynnti þær tillögur sem fram hafa komið á milli umræðna:a) Tillögur frá sviðstjórum um 1% hagræðingu í málaflokkum Aðalsjóðs.b) Tillögur um breytingar á fjárhagsáætlun málaflokks 57; félagslegar íbúðir.c) Tillögur um breytingar á áætlun staðgreiðslu; málaflokkur 00.