Bæjarráð Dalvíkurbyggðar

Undir þessum lið komu á fund bæjarráðs Árni Jónsson, íþrótta- og æskulýðsfulltrúi, Hildur Ösp Gylfadóttir, sviðstjóri fræðslu-og menningarsviðs, Sigurgeir Birgisson, framkvæmdastjóri Skíðafélags Dalvíkur, Birkir Bragason, formaður Skíðafélags Dalvíkur, og Gerður Olafsson, gjaldkeri Skíðafélags Dalvíkur.Á 633. fundi bæjarráðs þann 31. ágúst 2012 gerðu íþrótta- og æskulýðsfulltrúi og sviðstjóri fræðslu- og menningarsviðs bæjarráði grein fyrir þróun og stöðu mála hvað varðar fjárhagsstöðu Skíðafélags Dalvíkur og tímabundin inngrip Dalvíkurbyggðar í rekstur félagsins.Með fundarboði bæjarráðs fylgdi gögn er sýna áætlaðan rekstarkostnað félagsins fram til áramóta; áætlaður kostnaður er kr. 8.081.507. Einnig er Dalvíkurbyggð búið að greiða styrk umfram samning við félagið að upphæð kr. 1.565.000 til þess að greiða vanskilaskuldir.Einnig fylgdu með drög að samstarfssamningi á milli íþrótta- og æskulýðsráðs fyrir hönd Dalvíkurbyggðar og Skíðafélags Dalvíkur, sbr. 39. fundur íþrótta- og æskulýðsráðs þann 11. október 2012.Til umræðu ofangreint og kynnt fjárhagsáætlun fyrir rekstur Skíðafélags Dalvíkur fram að áramótum 2012/2013 sem og fyrir árið 2013.Fram kom á fundinum að hægt er að lækka viðbótarstyrk samkvæmt tillögu að viðauka til Skíðafélagsins á árinu 2012 um kr. 1.350.000.Árni, Hildur Ösp, Sigurgeir, Birkir og Gerður viku af fundi.

Bæjarstjóri og sviðstjóri fjármála- og stjórnsýslusviðs gerðu bæjarráði grein fyrir þeirri stöðu sem upp er komin hvað varðar kaup Dalvíkurbyggðar á eignarhlutum meðeiganda í sameign á 3ju hæð.Fyrir liggur að Eining-Iðja hefur samþykkt kauptilboðið fyrir sitt leiti sem og Dalvíkurbyggð hefur samþykkt sölu á eignarhluta sínum í gangi á 2. hæð til Einingar-Iðju.Á 637. fundi bæjarráðs þann 4. október s.l. kom fram að stjórn Sparisjóðs Svarfdæla samþykkir kauptilboðið í eignarhluta sjóðsins í sameign á 3ju hæð gegn því að Dalvíkurbyggð kaupi geymslu í kjallara Ráðhúss. Bæjarráð samþykkti á fundi sínum þann 4. október s.l. að fara í viðræður við Sparisjóð Svarfdæla um möguleg kaup á geymslunni.Með fundarboði bæjarráðs fylgdi svar Sölku-Fiskmiðlunar, rafbréf dagsett þann 18. október s.l., þar sem fram kemur að stjórn Sölku- Fiskmiðlunar hafnaði umræddu kauptilboði. Með fundarboði bæjarráðs fylgdi einnig drög að kaupsamningi frá fasteignasölunni Byggð, sbr. rafpóstur dagsettur þann 12. október 2012, á grundvelli þeirra kauptilboða sem lögð hafa verið fram og samþykkt af hálfu Dalvíkurbyggðar, en verðmat á eignarhlutunum var unnið af Byggð samkvæmt beiðni frá meðeigendum Dalvíkurbyggðar.Á fundinum var kynnt erindi frá Sölku-Fiskmiðlun sem barst í gær, 24.október, þar sem Dalvíkurbyggð er gert gagntilboð í sameignarhluta fyrirtækisins á 3ju hæð.Bæjarstjóri og sviðstjóri fjármála- og stjórnsýslusviðs gerðu bæjarráði grein fyrir þeirri hugmynd sem fram er komin varðandi það að leysa eftirspurn eftir aukafundaherbergi fyrir Dalvíkurbyggð. Á fundinum var kynnt kostnaðaráætlun í tengslum við þær breytingar.

Sviðstjóri fjármála- og stjórnsýslusviðs og bæjarstjóri kynntu helstu niðurstöður og forsendur tillögu að viðauka við fjárhagsáætlun Dalvíkurbyggðar 2012.Rekstrarniðurstaða fyrir árið 2012 er áætluð kr. 49.650.000 fyrir A-og B-hluta.

Með fundarboði fylgdi tillaga að Stjórnendaskóla Dalvíkurbyggðar og námsáætlun 2012-2014 frá Háskólanum á Bifröst, en hugmyndin hefur verið rædd og kynnt í framkvæmdastjórn og á samráðs- og upplýsingafundi stjórnenda.Um er að ræða 6 námskeið og vinnulotur og er heildarkostnaður áætlaður kr. 3.375.000 miðað vð 15 þátttakendur. Á fjárhagsáætlun 2012 er gert ráð fyrir kr. 500.000 vegna stjórnendafræðslu og sama upphæð er í tillögu að starfs- og fjárhagsáætlun 2013.

Bæjarstjóri og sviðstjóri fjármála- og stjórnsýslusviðs kynntu helstu forsendur og niðurstöður tillögu að fjárhagsáætlun Dalvíkurbyggðar fyrir árin 2013-2016.

Tekið fyrir erindi frá Fjölís, bréf dagsett þann 9. október 2012, er varðar famlengingu milli Dalvíkurbyggðar og Fjölís.Fram kemur í erindinu að Fjölís vill bjóða Dalvíkurbyggð endurnýjun óbreytts samnings til árs eða þar til fyrir liggur rammasamningur sem gerður verður í samvinnu Sambands íslenskra sveitarfélaga á komandi mánuðum eða um leið og niðurstöður samningaviðræðna við mennta- og fjármálaráðuneyti liggja fyrir. Fram kemur að samningurinn á milli Fjölís og Dalvíkurbyggðar er útrunninn og er öll ljósritun og hliðstæð eftirgerð á höfundarréttarvörðu efni í stjórnsýslu sveitarfélagsins því ólögmæt.

Tekið fyrir rafbréf frá Vegamótum Ferðaþjónustu, dagsett þann 17. október 2012, þar sem fram kemur að fyrirtækið hefur áhuga að eignast "nyðri skúrinn" á tjaldstæðinu á Dalvík.

Tekið fyrir erindi frá Ferðafélagi Svarfdæla, bréf dagsett þann 16. október 2012, þar sem fram kemur að félagið óskar eftir að fá til afnota gömlu skúrana sen nú eru nýttir sem salernisaðstaða þegar nýtt þjónustuhús við tjaldstæðið á Dalvik verður tekið í notkun.

Á 633. fundi bæjarráðs þann 30. ágúst 2012 var eftirfarandi bókað:Tekið fyrir erindi frá Sigurði Haraldssyni, kt.190841-4489, og Þórir Haraldssyni, kt. 121047-4979, dagsett þann 13. ágúst 2012, þar sem fram kemur að með aukinni umferð vegna hundahalds og hugsanlegrar sumarhúsabyggðar er trjárækt eigenda á áreyrunum stefnt í hættu í auknu mæli. Þar sem bæjaryfirvöld Dalvíkurbyggðar hafi engan áhuga sýnt á að finna lausn á þessu neyðast bréfritarar að loka þessum vegaslóða á áreyrunum norðan Brimnesár. Ef Dalvíkurbyggð hefur eitthvað við þá niðurstöðu bréfritara að athuga þá er óskað eftir athugasemdum innan mánaðar frá dagsetningu þessa bréfs. Bæjarráð samþykkir að fela LEX ehf. lögmannastofu að svara erindinu fyrir hönd Dalvíkurbyggðar.Bæjarráð samþykkir jafnframt að fela bæjarstjóra að senda Vegagerðinni afrit af ofangreindu erindi til upplýsingar.Upplýst var á fundinum að 3 bréf hafa borist sveitarfélaginu frá Sigurði og Þóri Haraldssonum og LEX lögmannastofa hefur sent 3 svarbréf fyrir hönd Dalvíkurbyggðar og nú síðast dagsett 18. október.Með fundarboði bæjarráð fylgdi bréf frá LEX lögmannastofu fyrir hönd Dalvíkurbyggðar, dagsett þann 18. október 2012, til Sigurðar Haraldssonar og Þóris Haraldssonar, er varðar veginn að Upsakirkjugarði og kapellu. Fram kemur m.a. að Dalvíkurbyggð ítrekar að sveitarfélagið hafnar því alfarið að Sigurður og Haraldur hafi heimild til að loka umferð um umræddan veg. Komi til slíkra aðgerða af þeirra hálfu mun Dalvíkurbyggð bregðast við því með þeim hætti sem gert er ráð fyrir í 2. mgr. 47. grein vegalaga nr. 80/2007, þ.e. með því að fjarlægja óviðkomandi hluti eða muni af vegi á kostnað þeirra. Einnig er upplýst í bréfinu að lögreglunni á Dalvík hafa verið send afrit af bréfaskiptum aðila og hefur lögreglunni jafnframt verið gert kunnugt að óskað er liðsinnis hennar við að fjarlægja hindranir af veginum ef þörf krefur.

Á 239. fundi bæjarstjórnar Dalvíkurbygðgar þann 11. október 2012 var eftirfarandi bókað og samþykkt:1. Bæjarráð samþykkir að könnun á viðhorfi íbúa Dalvíkurbyggðar til deiliskipulags/frístundabyggðar í landi Upsa, fari fram 20. október 2012.2. Niðurstaðan verður bindandi ef 66% kosningabærra íbúa taka þátt.3. Ein spurning verður á kjörseðli: Spurningin er: Vilt þú hafa frístundabyggð í landi Upsa samkvæmt samþykktu deiliskipulagi? Gefinn er kostur á að svara JÁ eða NEI. 4. Rétt til þátttöku í íbúakönnuninni hafa allir íbúar Dalvíkurbyggðar 18 ára og eldri á kjördag. skv. íbúaskrá þann dag.Niðurstaða íbúakönnunar 20. okt. sl. um frístundabyggð á deiliskipulagi í landi Upsa var eftirfarandi: 1368 voru á kjörskrá og greiddu 675 atkvæði eða um 49% íbúa 18 ára og eldri.Já sögðu 207, nei sögðu 450. Auðir seðlar voru 17 og 1 ógildur.Bæjarstjórn hafði sett þau mörk að kosningin yrði bindandi ef 66% íbúanna tæki þátt. Í kynningarbæklingi til íbúa fyrir atkvæðagreiðsluna kom einnig fram að annars yrði það mat bæjaryfirvalda hvað gert yrði með niðurstöðuna.

Bæjarstjóri gerði grein fyrir að það liggur fyrir að mánudaginn 5. nóvember n.k. verður afmælisfundur í Friðlandsnefndinni í tilefni af 40 ára afmæli Friðlands Svarfdæla.