Bæjarráð Dalvíkurbyggðar

Tekið fyrir bréf frá Ríkiskaupum, dagsett í júlí 2012, þar sem fram kemur að Ríkiskaup hafa ákveðið að fella niður svokallað árgjald til stofnana í þeirri trú að það verði þeim til áframhaldandi hvatningar að nota rammasamninga við sín innkaup. Í bréfinu er farið yfir stöðuna á rammasamningakerfi ríksins og hvernig það hefur breyst á síðustu árum.

Tekið fyrir erindi frá Greiðri leið ehf., bréf dagsett þann 31. ágúst 2012, þar sem fram kemur að á aðalfundi í einkahlutafélaginu Greið leið ehf. þann 30. júní 2011 var stjórn félagsins veitt heimild til þess að hækka hlutafé félagsins um kr. 100.000.000 að nafnverði með innborgun á nýju hlutafé. Heimildin var veitt til 1. júní 2012 og henni ætlað að gera félaginu mögulegt að standa við skuldbindingar sínar gagnvart Vaðlaheiðargöngum hf. Stjórn félagsins ákvað á stjórnarfundi 31. ágúst 2012 að fullnýta ofangreinda heimild um hækkun að hlutafé. Sölugengið er 1 til hluthafa. Þar sem Dalvíkurbyggð er skráð fyrir hlutafé í félaginu þá á sveitarfélagið rétt á að skrá sig fyrir hlutum í hlutfalli við núverandi hlutafjáreign sem er 0,03% eða kr. 27.834, fyrir 25. september n.k.

Tekið fyrir erindi frá innanríkisráðuneytinu, bréf dagsett þann 29. ágúst 2012, þar sem fram kemur að ráðuneytið staðfestir siðareglur fyrir kjörna fulltrúa í Dalvíkurbyggð, sbr. 29. gr. sveitarstjórnarlaga nr. 138/2011.

Tekin fyrir drög að Lýðræðisstefnu Dalvíkurbyggðar sem er stefna Dalvíkurbyggðar um upplýsingagjöf og samráð við íbúa sbr. X. kafla sveitarstjórnarlaga nr. 138/2011.Á fundinum voru ofangreind drög tekin til umræðu og nokkrar breytingar gerðar á fundinum.

Á 633. fundi bæjarráðs þann 30. ágúst 2012 gerði bæjarstjóri grein fyrir athugun sinni hvað varðar möguleikann á rafrænni kosningu og að leitað hafi verið m.a. upplýsinga hjá LEX ehf. lögmannastofu um álitaefni er varðar fyrirhugaða íbúakosningu um hvort breyta eigi og/eða falla frá deiliskipulagi í landi Upsa. Bæjarráð fól bæjarstjóra að vinna áfram að málinu.Með fundarboði bæjarráðs fylgdi minnisblað bæjarstjóra, dagsett þannn 4. september 2012, þar sem velt er upp þeim ákvörðunum sem þarf að taka varðandi íbúakosningu um deiliskipulagið að Upsum.Ofangreint minnisblað til umræðu á fundinum.

Sviðstjóri fjármála- og stjórnsýslusviðs fór yfir stöðumat janúar - júní 2012 á starfs- og fjárhagsáætlun frá stjórnendum.Kynnt samantekt umsjónarmanns fasteigna, dagsett þann 30. ágúst 2012, varðandi kostnað við framkvæmdir Árskógarskóla í samanburði við áætlun.