Bæjarráð Dalvíkurbyggðar

Tekið fyrir rafbréf frá Sýslumanninum á Akureyri, dagsett þann 5. júlí 2012, þar sem óskað er umsagnar um umsókn um breytingu á rekstrarleyfi. Umsóknin er frá Kristínu A. Símonardóttur, kt. 190964-2729, en um er að ræða gististaðaflokk IV vegna Hafnarbrautar 4, Á vegamótum við Skíðabraut ( 3 smáhýsi og gamli bærinn) skíðaskálinn Brekkuseli undir nafninu Gimli-Dalvik hostel.

Tekið fyrir bréf frá Sambandi íslenskra sveitarfélaga, dagsett þann 6. júlí 2012, þar sem fram kemur að stjórn Sambands íslenskra sveitarfélaga samþykkti á fundi sínum 29. júní s.l. að sambandið gerist aðili að verkefni þar sem hvatt er til nýsköpunar og þróunarverkefna í starfsemi ríkisins. Með aðkomu sambandsins þá tekur verkefnið einnig til nýsköpunar í rekstri sveitarfélaga. Ákveðið hefur verið að halda nýsköpunarráðstefnu 30. október n.k. í Reykjavík. Er það von sambandsins að sveitarfélögin muni taka þessu framtaki vel. Vefsíða verkefnisins er www.nyskopunarvefur.is

Tekið fyrir bréf frá Þjóðskrá Íslands, bréf dagsett þann 2. júlí 2012, þar sem kynntar eru niðurstöður endurmats 2013 og veittur er frestur til 1. ágúst n.k. til athugasemda. Fasteignamatið 2013 endurspeglar markaðsverðmæti eins og það var í febrúar 2012. Hverjum fasteignaeigenda er birtur tilkynningarseðill um niðurstöður endurmats fasteigna hans á upplýsinga- og þjónustuveitunni www.island.is.Hækkun heildarfasteignamats í Dalvíkurbyggð milli áranna 2012 og 2013 er 10,9% vegna fasteignar og 11,0% vegna lóðar/lands.Af 75 sveitarfélögum í landinu þá eru 5 sveitarfélög með meiri hækkun á milli ára en Dalvíkurbyggð hvað varðar fasteignir og 8 sveitarfélög með sömu eða meiri hækkun hvað varðar lóðir/land.

Þann 11. júní 2012 var samþykkt á Alþingi breyting á lögum um tekjustofna sveitarfélaga nr. 4/1995 með síðari breytingum er varðar álagningu á hesthús.Samkvæmt breytingunni skulu sveitarfélög frá og með 1. janúar 2013 leggja á hesthús samkvæmt a-flokki í stað þess að leggja á samkvæmt c-flokki.Samkvæmt ákvæði til bráðabirgða er sveitarstjórn heimilt að lækka álagningu fasteignaskatts á árinu 2012 á hesthús þannig að álagningarhlutfall þeirra eigna sé það sama og annarra fasteigna skv. a-lið 3 mgr. 3. gr.Samkvæmt samantekt sviðstjóra umhverfis - og tæknisviðs þá myndu tekjur sveitarfélagsins vegna fasteignaskatts lækka um rúmar kr. 900.000 ef lagt væri á hesthús í Dalvíkurbyggð fyrir árið 2012 skv. a-flokki í stað b-flokks.

Á 629. fundi bæjarráðs þann 14. júní 2012 var samþykkt tillaga um að halda íbúafund þar sem reynt yrði að átta sig á því hvernig vilji íbúanna yrði best kallaður fram. Tillaga um íbúafund var staðfest í bæjarstjórn 19. júní s.l. og fór fundurinn fram mánudaginn 2. júlí s.l. í menningarhúsinu Bergi og hófst hann kl. 17:00.Bæjarstjóri lagði fram á fundi bæjarráðs minnisblað um íbúafundinn.

Með fundarboði bæjarráðs fylgdu drög að forsendum með fjárhagsáætlun 2013 en hluti af forsendum þarfnast umfjöllunar og sérstakra ákvörðunar í bæjarráði.Jóhann Ólafsson vék af fundi undir þessum lið kl. 09.06 til annarra starfa.

Með fundarboði bæjarráðs fylgdu drög að samkomulagi um kjarasamningsumboð til Sambands íslenskra sveitarfélaga. Gera þurfti nokkrar breytingar og samkvæmt ráðleggingum frá Sambandinu er um tillögu að heildarendurnýjun á umboði að ræða.

Björn Snorrason lagði fram eftirfarandi tillögu um aðalmann og varamann í umhverfisráð:Aðalmaður: Daði Njörður Jónsson, kt. 261073-5609.Varamaður: Baldur Snorrason, kt. 210273-3369.Ekki komu fram aðrar tillögur