Bæjarráð Dalvíkurbyggðar
627. fundur
24. maí 2012
kl.
08:15
-
12:00
fundarherbergi á 3. hæð í Ráðhúsi Dalvíkur
Fundargerð ritaði:
Guðrún Pálína Jóhannsdóttir
sviðstjóri fjármála- og stjórnsýslusviðs
Dagskrá
1.
Húsnæði Leikbæjar vegna breytinga í skólastarfi í Árskógi.
Til umræðu framtíðarnýting húsnæðis Leikbæjar þar sem fyrir liggur að frá og með 1. ágúst n.k. verður starfsemi leikskólans komin í endurbætt húsnæði Árskógarskóla.
Bæjarráð leggur til að húsnæðið Leikbær verði leigt út sem íbúðarhúsnæði frá og með 1. ágúst 2012.
2.
Viðskiptabanki Dalvíkurbyggðar.
Viðskiptabanki Dalvíkurbyggðar er Sparisjóður Svarfdæla. Fyrir liggur að Landsbankinn hefur fest kaup á Sparisjóðnum og mun Landsbankinn verða með starfsemi á Dalvík.
& Bæjarráð leggur til við bæjarstjórn að Landsbankinn á Dalvík verði viðskiptabanki Dalvíkurbyggðar þegar breytingarnar hafa átt sér stað.