Afgreiðslufundur byggingafulltrúa

Tekin aftur fyrir umsókn, dagsett 6. apríl 2022, um byggingarleyfi að Öldugötu 2 á Árskógssandi frá EGO húsum ehf. Óskað er eftir leyfi til þess að byggja þriggja íbúða raðhús á lóðinni. Meðfylgjandi eru aðalteikningar, byggingarlýsing og skráningartafla unnar af ArkiBygg arkitektum.Þar sem umrædd lóð er á ódeiliskipulögðu svæði var umsókninni vísað í grenndarkynningu meðal næstu nágranna skv. 1. mgr. 44 gr. Skipulagslaga nr. 123/2010 á 13. afgreiðslufundi byggingafulltrúa þann 26. apríl 2022. Grenndarkynningin var send út 27. apríl og var athugasemdafrestur til 25. maí 2022. Ein athugasemd barst á kynningartíma og snerist hún um ónæði og hávaða á byggingartíma.Afgreiðslu grenndarkynningar var vísað til umhverfisráðs sem fjallaði um hana á 373. fundi sínum þann 23. júní 2022 og var afgreiðslan svohljóðandi:Umhverfisráð leggur til að byggingarfulltrúi gefi út byggingarleyfi. Ráðið tekur ekki undir athugasemd um ónæði á byggingartíma enda mun byggingafulltrúi fylgja eftir ákvæðum byggingareglugerðar.Samþykkt samhljóða með fimm atkvæðum.

Tekin fyrir umsókn, dagsett 22. júní 2022, um byggingarleyfi að Öldugötu 8 á Árskógssandi frá EGO húsum ehf. Óskað er eftir leyfi til þess að byggja parhús á lóðinni. Meðfylgjandi eru aðalteikningar unnar af ArkiBygg arkitektum.