Frístund

Frístund er í boði börn í 1.–4. bekk sem eiga lögheimili í Dalvíkurbyggð. Markmið Frístundar er að bjóða börnum öruggt, uppbyggilegt og ánægjulegt umhverfi utan hefðbundins skólatíma þar sem áhersla er lögð á leik, félagsfærni, útivist og fjölbreytt tómstundastarf.

Frístund er starfrækt á skóladögum frá því að kennslu lýkur og til kl. 16:15. Vistunartími er sveigjanlegur og hægt er að sækja um vistun frá einum og upp í fimm daga í viku. Í Frístund er boðið upp á fjölbreytt tómstundastarf, skapandi verkefni, leik, útivist og hreyfingu auk þess að efla félagslega þátttöku og samveru. 

Frístund er starfrækt á skólaárinu. Lokað er í jólaleyfi, páskafríi og vetrarleyfi en starfsemi er á skipulagsdögum samkvæmt nánari upplýsingum hverju sinni.

Frístund er starfrækt í húsnæði Dalvíkurskóla en er sjálfstæð starfsemi á vegum Dalvíkurbyggðar. Mikilvægt er að allar upplýsingar sem varða vistun barns í Frístund berist beint til starfsmanna Frístundar. Þetta á meðal annars við um tilkynningar um veikindi og forföll, breytingar á heimferð eða aðrar upplýsingar sem geta haft áhrif á dvöl barnsins í Frístund.

Sótt er um vistun í Frístund með rafrænni umsókn á þjónustugátt Dalvíkurbyggðar. Dvalarsamningur gildir út skólaárið en hægt er að breyta fyrirkomulagi vistunar milli mánaða. Óski foreldri eða forráðamaður eftir breytingu á dvalartíma skal senda skriflega beiðni í tölvupósti fyrir 15. dag mánaðar. Breyting tekur gildi frá og með 1. degi næsta mánaðar.

Hér má sjá dagatal frístundar fyrir veturinn 2026-2027

Gjald fyrir vistun í Frístund fer samkvæmt gildandi gjaldskrá Dalvíkurbyggðar. Síðdegishressing er innifalin í vistun.

Nánari upplýsingar veita starfsmenn Frístundar í netfanginu fristund@dalvikurbyggd.is. Einnig er hægt að hafa samband við frístundarfulltrúa Dalvíkurbyggðar, Heru Margréti Guðmundsdóttur, í netfanginu hera.margret@dalvikurbyggd.is.