Eins og flest ykkar vita þá er skólinn í Erasmus+ verkefni. Verkefnið heitir READ-Y og er um aukna færni í lestri og stafræna lestrarþróun. Skólinn er í samstarfi við 2 skóla í Finnlandi, skóla í Svíþjóð, skóla í Grikklandi og menntastofnun í Póllandi. Allar þessar stofnanir eiga það sameiginlegt að lestraráhugi hefur minnkað og teljum við aukna þörf á að efla lestrarfærni, áhuga á lestri og gagnrýnu læsi meðal grunnskólanemenda. Verkefnið miðaðar að því að finna leiðir til að auka áhuga nemenda á lestri, efla foreldra í lestri barna sinna, styrkja fjölmiðlalæsi og styðja við kennara, foreldra og nemendur þegar kemur að lestri. Í síðustu viku fóru Bryndís, Gréta og Katla til Grikklands á fund. Á fundinum var verið að taka saman hvað búið er að gera, kynningar voru haldnar, farið yfir næstu skref í verkefninu, farið í skólaheimsóknir og heimsóknir á bókasöfn.
