Sveitarstjórn

Fundargerðin er í 24 liðum.
Liður 8 er sér mál á dagskrá; mál 202608116.
Liður 13 er sér mál á dagskrá; mál 202607004.
Liður 14 er sér mál á dagskrá; mál 202609115.
Liður 15 er sér mál á dagskrá; mál 202609102.

Fundargerðin er í 13 liðum.
Liður 2 er sér mál á dagskrá; mál 202609138.
Liður 3 er sér mál á dagskrá; mál 202609147.
Liður 8 er sér mál á dagskrá; mál 202609076.

Fundargerðin er 1 liður.
Ekkert þarfnast afgreiðslu.

Fundargerðin er 1 liður.
Ekkert þarfnast afgreiðslu.

Fundargerðin er í 14 liðum.
Liður 3 er sér mál á dagskrá; mál 20261007.
Liður 5 er sér mál á dagskrá; mál 202609001.
Liður 6 er sér mál á dagskrá; mál 202603083.
Liður 7 er sér mál á dagskrá; mál 202607052.
Liður 8 er sér mál á dagskrá; mál 202608079.
Liður 8 er sér mál á dagskrá; mál 202608079. Fyrri umræða um gjaldskrá Hitaveitu Dalvíkur.
Liður 9 er sér mál á dagskrá; mál 202606054.

Fundargerðin er í 12 liðum.
Ekkert þarfnast afgreiðslu.

Fundargerðin er í 5 liðum.
Liður 1 er sér mál á dagskrá; mál 202609127.
Liður 4 er sér mál á dagskrá; mál 202511106.

Fundargerðin er í 12 liðum.
Liður 6 er sér mál á dagskrá; mál 202610029.
Liður 8 er sér mál á dagskrá; mál 202609111.

Fundargerðin er í 15 liðum.
Liður 1 er sér mál á dagskrá; mál 202409139.
Liður 3 er sér mál á dagskrá; mál 202609107.
Liður 4 er sér mál á dagskrá; mál 202609120.
Liður 10 er sér mál á dagskrá; mál 202608075.
Liður 12 er sér mál á dagskrá; mál 202609126.

Fundargerðin er í 2 liðum.
Ekkert þarfnast afgreiðslu.

Fundargerðin er í 10 liðum.
Liður 3 er sér mál á dagskrá; mál 202503050.
Liður 10 er sér mál á dagskrá; mál 202610045.

Fundargerðin er í 7 liðum.
Ekkert þarfnast afgreiðslu.

Fundargerðin er í 7 liðum.
Liður 7 er sér mál á dagskrá; mál 202609109.

Á 1196. fundi byggðaráðs þann 15.10.2026 var eftirfarandi bókað:
"Með fundarboði byggðaráðs fylgdu tillögur fagráða að gjaldskrám Dalvíkurbyggðar fyrir árið 2027.
a) Gjaldskrá fyrir málaflokk 06; Íþróttamiðstöð og Félagsmiðstöð. Tillaga um 2,5% hækkun á milli ára.
Byggðaráð samþykkir samhljóða með 3 atkvæðum gjaldskrána eins og hún liggur fyrir með þeirri breytingu að bætt
verði við í texta hvað varðar Félagsmiðstöðina að gisting er eingöngu fyrir hópa vegna íþrótta- og
æskulýðsstarfssemi.
Vísað til umfjöllunar og afgreiðslu sveitarstjórnar.
b) Gjaldskrá fyrir málaflokk 04; Dalvíkurskóli, Árskógarskóli, Félagsheimilið Árskógur, Frístund, máltíðir, leikskóla.
Tillaga um 2,5% hækkun á milli ára.
Byggðaráð samþykkir samhljóða með 3 atkvæðum að vísa gjaldskránni aftur til Fjölskylduráðs til frekari yfirferðar og
útfærslu.
c) Gjaldskrá fyrir Félagsmálasvið. Tillaga um 2,5% hækkun á milli ára. Tillaga er um 2,5% hækkun á milli ára.
Byggðaráð samþykkir samhljóða með 3 atkvæðum gjaldskrá fyrir Félagsmálasvið eins og hún liggur fyrir (m.a.
framkfærslukvarði og lengd viðvera).
Vísað til umfjöllunar og afgreiðslu sveitarstjórnar.
d) Gjaldskrá fyrir Tónlistarskólann á Tröllaskaga. Tillaga um 1,5% hækkun á milli ára.
Byggðaráð samþykkir samhljóða með 3 atkvæðum gjaldskrá TÁT eins og hún liggur fyrir.
Vísað til umfjöllunar og afgreiðslu sveitarstjórnar.
e) Gjaldskrá fyrir skipulags- og byggingarmál 2027. Tillaga um 0% hækkun á milli ára.
Byggðaráð samþykkir samhljóða með 3 atkvæðum gjaldskrá vegna skipulags- og byggingamála eins og hún liggur
fyrir.
Vísað til umfjöllunar og afgreiðslu sveitarstjórnar.
f) Gjaldskrá vegna gatnageerðargjalda 2027. Tillaga um 0% hækkun á milli ára.
Byggðaráð samþykkir samhljóða með 3 atkvæðum gjaldskrá vegna gatnagerðargjalda eins og hún liggur fyrir.
Vísað til umjöllunar og afgreiðslu sveitarstjórnar.
g) Gjaldskrá vegna Hafnasjóðs Dalvíkurbyggðar og verbúða 2027. Tillaga um 2,5% hækkun.
Byggðaráð samþykkir samhljóða með 3 atkvæðum tillögu að gjaldskrá Hafnasjóðs og verbúða fyrir árið 2027 með
þeirri breytingu að tekið sé út árgjald vegna bása við flotbryggju.
Vísað til umfjöllunar og afgreiðslu sveitarstjórnar.
h) Gjaldskrá vegna sorphirðu 2027. Tillaga um 5% hækkun.
Samkvæmt lögum um meðhöndlun úrgangs þá er sveitarfélögum skylt að innheimta gjald sem næst raunkostnaði
við þjónustuna.
Byggðaráð samþykkir samhljóða með 3 atkvæðum tillögu að gjaldskrá vegna sorphirðu í Dalvíkurbyggð eins og hún
liggur fyrir.
Vísað til umfjöllunar og afgreiðslu sveitarstjórnar,
i) Gjaldskrá vegna ýmissa gjalda á Framkvæmdasviði 2027 þar með talið leiga á Böggvisstaðaskála. upprekstur á
búfé, leiguland, fjallskil, lausaganga, refaveiðar, minkaveiðar, efnistaka. Tillaga um 2,5% hækkun á milli ára.
Byggðaráð samþykkir samhljóða með 3 atkvæðum tillögu að gjaldskrá vegna ýmissa gjalda á Framkvæmdasvið
eins og hún liggur fyrir.
Vísað til umfjöllunar og afgreiðslu sveitarstjórnar,
j) Gjaldskrá vegna Vatnsveitu Dalvíkurbyggðar 2027. Tillaga um 2,5% hækkun á milli ára.
Byggðaráð samþykkir samhljóða með 3 atkvæðum tillögu að gjaldskrá Vatnsveitu Dalvíkurbyggðar eins og hún
liggur fyrir.
Vísað til umfjöllunar og afgreiðslu sveitarstjórnar.
k) Gjaldskrá vegna Hitaveitu Dalvíkur 2027. Tillaga um 2,5% hækkun á milli ára.
Byggðaráð samþykkir samhljóða með 3 atkvæðum tillögu að gjaldskrá Hitaveitu Dalvíkur eins og hún liggur fyrir.
Vísað til fyrri umræðu í sveitarstjórn.
l) Gjaldskrá fyrir hunda- og kattahald 2027. Tillaga um 2,5% hækkun á milli ára.
Byggðaráð samþykkir samhljóða með 3 atkvæðum tillögu að gjaldskrá vegna hunda- og kattahalds eins og hún
liggur fyrir.
Vísað til umfjöllunar og afgreiðslu sveitarstjórnar.

Gjaldskrá vegna Fráveitu Dalvikurbyggðar er í vinnslu."

Á 1196. fundi byggðaráðs þann 15.10. 2026 var eftirfarandi bókað varðandi gjaldskrá Hitaveitu Dalvíkur:
"k) Gjaldskrá vegna Hitaveitu Dalvíkur 2027. Tillaga um 2,5% hækkun á milli ára.
Byggðaráð samþykkir samhljóða með 3 atkvæðum tillögu að gjaldskrá Hitaveitu Dalvíkur eins og hún liggur fyrir.
Vísað til fyrri umræðu í sveitarstjórn."

Á 1196. fundi byggðaráðs þann 15.10.2026 var eftirfarandi bókað:
"Á 1190. fundi byggðaráðs þann 27. ágúst sl. var eftirfarandi bókað:
Á 1188. fundi byggðaráðs þann 13. ágúst sl. var óskað eftir að fá útreikninga á álagningu fasteignaskatts miðað við 0,42, 0,40, 0,38 hvað varðar íbúðarhúsnæði. Einnig að fá útreikninga fyrir atvinnuhúsnæði þar sem miðað er við álagningu fasteignaskatts 1,60, 1,55, 1,50.
Meðfylgjandi fundarboði eru útreikningar deildarstjóra Eigna- og framkvæmdadeildar samkvæmt ofangreindu og samanburður á niðurstöðum.
Niðurstaða : Lagt fram til kynningar."
Til umræðu ofangreint.
Niðurstaða : a) Byggðaráð samþykkir samhljóða með 3 atkvæðum að leggja til við sveitarstjórn að álagning fasteignaskatts á íbúðarhúsnæði lækki úr 0,44 í 0,42.
b) Byggðaráð samþykkir samhljóða með 3 atkvæðum að leggja til við sveitarstjórn að álagning fasteignaskatts á atvinnuhúsnæði lækki úr 1,65 í 1,58.

Á 8. fundi framkvæmdaráðs þann 23.09.2026 var eftirfarandi bókað:
"Tekið fyrir minnisblað deildarstjóra Eigna- og framkvæmdadeildar þar sem lagt er til að tekið verði upp þriggja tunnu sorphirðukerfi við hvert heimili í sveitarfélaginu. Þriðja tunnan myndi þá verða til að aðskilja algjörlega flokkun á plasti og pappa/pappír til samræmis við lög og reglur. Áætlaður kostnaður við fjölgun á tunnum í sveitarfélaginu er
kr. 6.224.400.-
Niðurstaða : Framkvæmdaráð samþykkir erindið fyrir sitt leyti og vísar því til afgreiðslu í sveitarstjórn. Samþykkt samhljóða með fimm atkvæðum."

Á 1192. fundi byggðaráðs þann 23. september sl. var eftirfarandi bókað:
"Bókað í trúnaðarmálabók.
Byggðaráð samþykkir samhljóða með 3 atkvæðum viðaukabeiðni, viðauka nr. 32 við fjárhagsáætlun 2026, að upphæð kr. 2.373.702 á deild 04210-laun.
Vísað til umfjöllunar og afgreiðslu sveitarstjórnar."

Á 1196. fundi byggðaráðs þann 15. október sl. var eftirfarandi bókað:
"Tekið fyrir erindi frá íþróttafulltrúa, dagsett þann 1. október sl., þar sem óskað er eftir viðauka við fjárhagsáætlun 2026 vegna breytts verklags við þrif á nýju gólfi Íþróttamiðstöðvar. Skipta þarf um tæki til þrifa á gólfinu. Skúringavél sem keypt var árið 2022 er um 800 kg plús manneskja sem er ekki æskilegt ti lengri tíma við þrif á parket gólfi vegna þyngdar. Nýr skúringa róbot kostar rúmar 3.2 m.kr. . Skúringavélin er tekin upp í þannig að óskað er eftir viðauka að upphæð rúmlega 1,6 m.kr.
Niðurstaða : Byggðaráð samþykkir samhljóða með 3 atkvæðum ofangreinda beiðni um viðauka, viðauka nr. 36 við fjárhagsáætlun 2027, að upphæð kr. 1.650.000 á lið 06500-2810.
Á fundinum var farið yfir bókfærða stöðu á lið 06500-28100 í samanburði við heimild í áætlun.
Byggðaráð samþykkir jafnframt að viðaukanum verði mætt með vísan á lið 06500-2810 í fjárhagsáætlun 2026 þannig að kaupin rúmist innan þeirrar heimildar.
Vísað til umfjöllunar og afgreiðslu sveitarstjórnar."

Á 8. fundi fjölskylduráðs þann 29. september sl. var eftirfarandi bókað:
"Íþróttafulltrúi leggur fram kostnaðargreiningu vegna hugmynda um breytingar á opnun í Íþróttamiðstöð.
Niðurstaða : Fjölskylduráð vill hrósa íþróttafulltrúa fyrir vel unnin gögn með málinu sem auðveldar ákvörðunartöku. Á þeim verðbólgutímum sem nú eru teljum við að þetta er ekki rétti tímapunkturinn til að fara í útgjaldaraukningu við sundlaugina. Fjölskylduráð leggur til með fimm atkvæðum að opnunartími um helgar verði 09:00 til 16:00 bæði laugardag og sunnudag. Þar með lengjum við opnun á sunnudögum en fórnum einum klukkutíma á laugardögum sem er alla jafna illa nýttur af íbúum sveitarfélagsins."

Á 1196. fundi byggðaráðs þann 15. október sl. var eftirfarandi bókað:
Á 1192. fundi byggðaráðs þann 23. september sl. var eftirfarandi bókað:
"Tekið fyrir erindi frá Ævari og Bóas ehf., dagsett þann 25. ágúst sl., þar sem óskað er eftir að hækka verð á hvern kílómeter til að ná réttu hlutfalli á milli bíla vegna breytinga á skólaakstri í Árskógarskóla, þ.e. einn bíll í akstri dottið út. Með fundarboði eru ítarupplýsingar frá Ævari og Bóas ehf., dagsettar þann 16. september sl., þar sem gert er
frekari grein fyrir ósk um hækkun á greiðslum, þ.e. það er verið að færa stærri bíl á milli leiða og hætta með litla bílinn sem var að borga upp mismuninn.
Með fundarboði byggðaráðs fylgdi minnisblað sviðsstjóra, dagsett þann 21. september sl.
Niðurstaða : Byggðaráð samþykkir samhljóða með 3 atkvæðum að fela sviðsstjóra fræðslu- og menningarsviðs að koma með útreikninga og gögn fyrir fund byggðaráðs sem sýna áhrifin á samninginn fyrir og eftir breytingar á skólahaldi í Árskógarskóla.
Afgreiðslu frestað.
Með fundarboði byggðaráðs fylgdi:
Uppfært minnisblað sviðsstjóra, dagsett þann 13. október sl. þar sem fram koma tvær tillögur til að taka afstöðu til.
Fylgiskjal með reikningi vegna aksturs til og frá Árskógarskóla í mars 2026.
Gísli vék af fundi kl. 14:38.
Niðurstaða : Byggðaráð samþykkir samhljóða með 3 atkvæðum að leggja til við sveitarstjórn að farin verði leið I, skv. tillögu sviðsstjóra fræðslu- og menningarsviðs, þ.e. að greitt verði við viðbótar kr. 30 á kílómetra frá og með 1. september sl.
Breytingin rúmast innan heimildar í fjárhagsramma 2026 samkvæmt minnisblaði sviðsstjóra."

Á 1196. fundi byggðaráðs þann 15. október sl. var eftifarandi bókað:
"Á 1193. fundi byggðaráðs þann 1. október sl. var eftirfarandi bókað:
Tekið fyrir minnisblað frá deildarstjóra Eigna- og framkvæmdadeildar, dagsett þann 21. september sl., þar sem fram kemur að í mars 2026 auglýsti Dalvíkurbyggð eftir aðila sem hefði áhuga á að taka að sér rekstur tjaldsvæðisins á Dalvík árin 2026 - 2028. Tvö tilboð bárust í reksturinn en ekki varð að samningum við hvorugan aðilann.
Í framhaldinu sýndi Nutris ehf., Árni Júlíusson sem er jafnframt rekstraraðili hótelsins á Dalvík, áhuga á því að reka tjaldsvæðið sumarið 2026 og var gert samning um Nutris ehf. um reksturinn 2026.
Sumarið gekk vel, þrátt fyrir knappann tímaramma í undirbúning, og hefur deildarstjóri ekki heyrt annað en góða hluti um umsjón tjaldsvæðisins í sumar.
Nú hefur Árni Júlíusson fyrir hönd Nutris ehf. boðið Dalvíkurbyggð að taka að sér rekstur tjaldsvæðisins til næstu þriggja ára /sumra ef viji er til þess.
Niðurstaða : Byggðaráð samþykkir samhljóða með 3 atkvæðum að fela deildarstjóra Eigna- og framkvæmdadeildar að vinna málið áfram samkvæmt umræðum á fundinum."
Með fundarboði byggðaráðs fylgdu upplýsingar um áætlaðan kostnað sveitarfélagsins vegna slátturs og umhirðu á tjaldsvæðinu, sem er kr. 688.000 m.v. 4 skipti.
Niðurstaða : Byggðaráð samþykkir samhljóða með 3 atkvæðum að fela deildarstjóra Eigna- og framkvæmdadeildar að leggja fyrir byggðaráð drög að samningi við Nutris ehf. til þriggja ára um rekstur og umsjón með tjaldsvæðinu á Dalvík."

Á 9. fundi fjölskylduráðs þann 13. október sl. var eftirfarandi bókað:
"Gísli Bjarnason, sviðsstjóri fræðslu - og menningarsviðs, lagði fram drög að samkomulagi um námsver á Dalvík fyrir Símey sem er Símenntunarmiðstöð Eyjafjarðar.
Niðurstaða : Fjölskylduráð samþykkir með fimm atkvæðum samkomulag um námsver."

Á 1193. fundi byggðaráðs þann 1. október sl. var eftirfarandi bókað:
"Tekið fyrir minnisblað frá Gísla Bjarnasyni, sviðsstjóra fræðslu- og menningarsviðs, dagsett þann 28.09.2026; þar sem lagt er til að nýtt verði heimild í samningi við Daga um að framlengja samningnum um eitt ár.
Gísli vék af fundi kl. 15:13.
Niðurstaða : Byggðaráð samþykkir samhljóða með 3 atkvæðum að leggja til við sveitarstjórn að samningur við Daga um ræstingar verði framlengdur um eitt ár og hugað verði að því undirbúa útboð í starfs- og fjárhagsáætlun 2027."

Á 1193. fundi byggðaráðs þann 1. október sl. var eftirfarandi bókað:
"Tekið fyrir erindi frá Markaðsstofu Norðurlands, dagsett þann 22. septmeber 2026, þar sem óskað er eftir áframhaldandi stuðningi við Flugklasann Air 66N.
Fram kemur m.a. að óvissa ríkir um áframhald á fjármögnun Flugklasans. Hjá ráðuneyti ferðamála er í gangi vinna við að endurskoða með hvaða hætti staðið er að kynningarmálum og markaðssetningu Íslands fyrir ferðaþjónustu. Í ljósi óvissu um framlög ríkisins er fjárhagslegur stuðningur sveitarfélaganna við Flugklasann enn nauðsynlegur.
Markaðsstofa Norðurlands óskar því hér með eftir stuðningi frá Dalvíkurbyggð að upphæð 500 kr. á hvern íbúa á ári til næstu þriggja ára (2027-2029).
Sviðsstjóri fjármála- og stjórnsýslusviðs gerði grein fyrir að í tillögu að fjárhagsáætlun 2027 er gert ráð fyrir áframhaldandi stuðningi við Flugklasann, kr. 500 á hvern íbúa.
Niðurstaða : Byggðaráð samþykkir samhljóða með 3 atkvæðum að leggja til við sveitarstjórn áframhaldandi stuðningi við Flugklasann Air 66N.
Vísað til gerðar fjárhagsáætlunar 2027."

Á 1193. fundi byggðaráðs þann 1. október sl. var eftirfarandi bókað:
"Tekið fyrir erindi frá Samtökum sjávarútvegssveitarfélaga, dagsett þann 23. september sl., þar sem boðað er til aðalfundar Samtaka sjávarútvegssveitarfélaga miðvikudaginn 7. október nk. kl. 13:00 -14:30.
Með fundarboðinu fylgir einnig:
Fjárhagsáætlun 2027-2028.
Tillaga að árgjöldum.
Tillaga að ályktun aðalfundar.
Niðurstaða : Lagt fram til kynningar.
Byggðaráð samþykkir samhljóða með 3 atkvæðum að beina því til Samtaka sjávarútvegssveitarfélaga að endurskoða tillögu að hækkun aðildargjalda."

Á 8. fundi fjölskylduráðs þann 29. september sl. var eftirfarandi bókað:
"Umræður um styrki til íþróttafélaga og framtíðarsýn."
Niðurstaða : Fjölskylduráð samþykkir með fimm atkvæðum að rekstrarsamningar við félögin haldi. Jafnframt verður stofnaður vinnuhópur með því markmiði að efla starfið og nýta fjármuni betur. Fjölskylduráð samykkir með fimm atkvæðum að María Björk Stefánsdóttir og Erla Björk Jónsdóttir verða fulltrúar fjölskylduráðs í vinnuhópnum. Lagt er til að vinnuhópur fundi sem fyrst. Íþróttafulltrúi sér um að boða til fundar."

Á 1192. fundi byggðaráðs þann 23.09.2026 var eftirfarandi bókað:
"Tekið fyrir erindi frá Einingu-Iðju, dagsett þann 30. júní sl., þar sem fram kemur að nú sé vinna og samtal í gangi vegna stöðunnar í þjóðfélaginu. Nú lítur út fyrir að forsendur kjarasamninga muni ekki halda í haust og því er óskað eftir upplýsingum eða samtali við kjörna fulltrúa Dalvíkurbyggðar. Fram kemur að allir þurfi að leggjast á eitt til að snúa við þróun á vöxtum og verðbólgu til hagsbóta fyrir okkur öll. Það sé ekki gert nema með samhentu átaki og þar skipta sveitarfélögin miklu máli.
Óskað er eftir stefnu sveitarfélagsins hvað varðar gjaldskrár á kjörtímabilinu. Verður lögð áhersla á að sýna ábyrgð varðandi gjaldskrár og aðrar hækkanir hjá sveitarfélaginu?
Því er óskað eftir samtali við kjörna fulltrúa eða fulltrúa sveitarfélagsins þar sem áætlanir í þessum málaflokki verða skýrðar fyrir Einingu-Iðju.
Niðurstaða : Með því að halda hækkun á gjaldskrá í lágmarki og töluvert undir núverandi verðbólgu og verðbólguvæntingum þá leggur Dalvíkurbyggð sitt lóð á vogarskálarnar að ná verðbólgu niður á næstu misserum. Fyrir árið 2027 er viðmiðið að gjaldskrár Dalvíkurbyggðar hækki ekki meira en um 2,5%.
Vísað til umfjöllunar í sveitarstjórn."

Á 1192. fundi byggðaráðs þann 23. september sl. var eftirfarandi bókað:
"Tekið fyrir erindi frá Starfsgreinasambandi Íslands, dagsett þann 16. september sl, þar sem meðfylgjandi er áskorun frá Starfsgreinasambandi Íslands og 18 aðildarfélögum þess um þjóðarsátt um verðstöðugleika. SGS skorar á sveitarfélög landsins að taka þátt í sameiginlegu átaki til að ná niður verðbólgu og vöxtum og stuðla þannig að því að kjarasamningar haldi.
Eruð þið með?
Óskað er eftir að áskorunin verði lögð fyrir sveitarstjórn og henni komið á framfæri við alla kjörna fulltrúa.
Jafnframt óskar SGS eftir skriflegu svari sveitarfélagsins við erindinu.
Niðurstaða : Með því að halda hækkun á gjaldskrá í lágmarki og töluvert undir núverandi verðbólgu og verðbólguvæntingum þá leggur Dalvíkurbyggð sitt lóð á vogarskálarnar að ná verðbólgu niður á næstu misserum. Fyrir árið 2027 er viðmiðið að gjaldskrár Dalvíkurbyggðar hækki ekki meira en um 2,5%.
Vísað til umfjöllunar í sveitarstjórn."

Á 1192. fundi byggðaráðs þann 23. september sl. var eftirfarandi bókað:
"Tekið fyrir erindi frá VR, dagsett þann 14. september sl., þar sem meðfylgjandi er erindi frá VR, LÍV og Fagfélögum til sveitarstjórnar.
Fram kemur m.a. að við gerð kjarasamninga vorið 2024 var lögð rík áhersla á að allir legðu sitt af mörkum til að skapa efnahagslegan stöðugleika. Rauði þráður samninganna var að launafólk, atvinnurekendur og opinberir aðilar væru öll í sama liði í þeirri viðleitni að ná niður verðbólgu og vöxtum og verja kaupmátt heimilanna.
Á þeim forsendum undirgekkst launafólk hóflegar launahækkanir til fjögurra ára. Ríkisstjórnin og Samband íslenskra sveitarfélaga, fyrir hönd sveitarfélaga, undirrituðu sérstaka yfirlýsingu um aðgerðir til að styðja við markmið samninganna.
Óskað er eftir upplýsingum um hvað Dalvíkurbyggð er tilbúin að leggja af mörkum til að ná verðbólgu og vöxtum niður. Sérstaklega óskum við eftir afstöðu sveitarfélagsins til eftirfarandi:
- Mun Dalvíkurbyggð endurskoða fyrirhugaðar eða þegar samþykktar gjaldskrárhækkanir og leita leiða til að lækka
gjöld sem hafa mest áhrif á barnafjölskyldur og viðkvæma
hópa?
- Hvaða aðgerðir hyggst Dalvíkurbyggð ráðast í til að tryggja nægilegt framboð lóða og hraðari uppbyggingu
íbúðarhúsnæðis?
-Hvernig hyggst Dalvíkurbyggð leggja sitt af mörkum til að brúa bilið milli fæðingarorlofs og leikskóla?
-Hvaða aðrar aðgerðir telur Dalvíkurbyggð mögulegar til að draga úr kostnaðarhækkunum heimila og styðja við markmið kjarasamninganna um verðstöðugleika?
Niðurstaða : Með því að halda hækkun á gjaldskrá í lágmarki og töluvert undir núverandi verðbólgu og verðbólguvæntingum þá leggur Dalvíkurbyggð sitt lóð á vogarskálarnar að ná verðbólgu niður á næstu misserum. Fyrir árið 2027 er viðmiðið að gjaldskrár Dalvíkurbyggðar hækki ekki meira en um 2,5%.
Vísað til umfjöllunar í sveitarstjórn."

Á 8. fundi framkvæmdaráðs þann 23. september sl. var eftirfarandi bókað:
"Auglýsingu tillögu að nýju deiliskipulagi fyrir hesthúsasvæði í Hringsholti lauk þann 6.september sl.
Umsagnir bárust frá Vegagerðinni, veitum Dalvíkurbyggðar, Hestamannafélaginu Hring, Heilbrigðiseftirliti
Norðurlands eystra, Rarik og Minjastofnun Íslands. Ein athugasemd barst og er hún lögð fram ásamt tillögu að viðbrögðum.
Niðurstaða : Framkvæmdaráð leggur til við sveitarstjórn að hún samþykki tillögu að deiliskipulagi hesthúsasvæðis í Hringsholti skv. 3.mgr. 41.gr. skipulagslaga nr. 123/2010 með eftirfarandi breytingum eftir auglýsingu:
- Bíla- og geymslustæði verða skilgreind innan lóða.
- Afmörkuð verður lóð undir reiðvöll.
- Lengd gæðingavallar minnkuð á uppdrætti til samræmis við umsögn Hestamannafélagsins Hrings.
- Greinargerð verður uppfærð til samræmis við umsagnir veitna Dalvíkurbyggðar og Heilbrigðiseftirlits Norðurlands
eystra.
- Vegtenging niður að námu verður afnumin.
- Gera skal grein fyrir útfærslu á fyrirhugaðri landnotkun innan Hrafnsstaðakots í greinargerð.
Samþykkt samhljóða með fimm atkvæðum."

Á 8. fundi framkvæmdaráðs þann 23. september sl. var eftirfarandi bókað:
"Skipulagsfulltrúi leggur til að unnið verði nýtt deiliskipulag fyrir athafnasvæði ofan Árskógssands til að koma til móts við eftirspurn eftir athafnalóðum í Dalvíkurbyggð. Í nýju Aðalskipulagi Dalvíkurbyggðar 2025-2045 er umrætt svæði skilgreint sem athafnasvæði AT-805, þar sem gert er ráð fyrir plássfrekri og lítt mengandi starfsemi eins og
gagnaveri, vörugeymslum og matvælaiðnaði.
Niðurstaða : Framkvæmdaráð leggur til við sveitarstjórn að hafin verði vinna við gerð deiliskipulags fyrir athafnasvæði ofan Árskógssands skv. 40.-42.gr. skipulagslaga nr. 123/2010.
Samþykkt samhljóða með fimm atkvæðum."

Á 8. fundi framkvæmdaráðs þann 23. september sl. var eftirfarandi bókað:
"Skipulagsfulltrúi leggur til að unnið verði nýtt deiliskipulag fyrir athafnasvæði við Melbrún til að koma til móts við eftirspurn eftir athafnalóðum í Dalvíkurbyggð. Í nýju Aðalskipulagi Dalvíkurbyggðar 2025-2045 er umrætt svæði skilgreint sem athafnasvæði AT-812, þar sem gert er ráð fyrir atvinnustarfsemi þar sem lítil hætta er á mengun.
Niðurstaða : Framkvæmdaráð leggur til við sveitarstjórn að hafin verði vinna við gerð deiliskipulags fyrir athafnasvæði við Melbrún skv. 40.-42.gr. skipulagslaga nr. 123/2010.
Samþykkt samhljóða með fimm atkvæðum."

Á 8. fundi framkvæmdaráðs þann 23. september sl. var eftirfarandi bókað:
Á fundi byggðaráðs þann 20.ágúst sl. var tekið fyrir erindi frá Miðgarði akstursíþróttafélagi varðandi uppbyggingu fjallahjólastíga og akstursíþróttasvæðis og var erindinu vísað áfram til viðeigandi fagráða.
Niðurstaða : Framkvæmdaráð samþykkir að vísa erindi um akstursíþróttasvæði til þriggja ára áætlunar. Framkvæmdaráð leggur til við sveitarstjórn að deiliskipulag fólkvangs í Böggvisstaðafjalli verði endurskoðað m.t.t. stígagerðar.
Samþykkt samhljóða með fimm atkvæðum."

Á 10. fundi framkvæmdaráðs þann 14. október sl. var eftirfarandi bókað:
"Erindi dagsett 13.október 2026 þar sem Búðingar ehf. sækir um lóð nr. 17 við Karlsrauðatorg til byggingar fjölbýlishúss í samvinnu við Brák íbúðafélag hses.
Niðurstaða : Framkvæmdaráð leggur til við sveitarstjórn að lóð nr. 17 við Karlsrauðatorg verði úthlutað án undangenginnar auglýsingar til Búðinga ehf. í samræmi við gr. 6.4 í reglum um útlutun lóða í Dalvíkurbyggð. Samþykkt samhljóða með fimm atkvæðum."

Á 10. fundi framkvæmdaráðs þann 14. október sl. var eftirfarndi bókað:
"Skipulagsfulltrúi leggur til að hafin verði vinna við nýtt deiliskipulag fyrir reit S-411, sem er skilgreindur sem svæði fyrir samfélagsþjónustu, þ.e. slökkvistöð og fleiri viðbragðsaðila eins og lögreglu.
Niðurstaða : Framkvæmdaráð leggur til við sveitarstjórn að hafin verði vinna við nýtt deiliskipulag fyrir reit S-411 skv. 40.-42.gr. skipulagslaga nr. 123/2010 og að samhliða verði unnin breyting á deiliskipulagi íþróttasvæðis Dalvíkur skv. 43.gr. skipulagslaga.
Samþykkt samhljóða með fimm atkvæðum."

Á 1196. fundi byggðaráðs þann 15. október sl. var eftirfarandi bókað:
"Á 1193. fundi byggðaráðs þann 1. október sl. kom skipulagsfulltrúi, María Markúsdóttir, til að ræða staðsetningu og lóðamál vegna gagnavers.
Með fundarboði byggðaráðs fylgdi nýjasta útgáfa að viljayfirlýsingu.
Niðurstaða : Byggðaráð gerir ekki athugasemdir við viljayfirlýsinguna eins og hún liggur fyrir og vísar henni til sveitarstjórnar til umfjöllunar og afgreiðslu."

Á 9. fundi fjölskylduráðs þann 13. október sl. var eftirfarandi bókað:
"Tekið fyrir erindi frá SSNE dags. 12 ágúst 2026. Samtök sveitarfélaga og atvinnuþróunar á Norðurlandi eystra óska eftir tilnefningu fulltrúa frá Dalvíkurbyggð í fjölmenningarráð SSNE fyrir komandi kjörtímabil. Fjölmenningarráð SSNE er samstarfsvettvangur sveitafélaga á Norðurlandi eysta sem hefur það hlutverk að efla samráð, miðla þekkingu og
stuðja við þróun verkefna sem stuðla að inngildingu og virkri samfélagsþátttöku fólks af erlendum uppruna. SSNE vinnur að metnaðarfullu áhersluverkefni á sviði inngildingar sem verður unni í samstarfi við þekkingarnet Þingeyinga.
Hvatt er að tilnefndur verði fulltrúi frá sveitarfélaginu sem hefur áhuga á málefnum fjölmenningar og samfélagsþróunarog getur tekið virkan þátt í starfi ráðsins.
Niðurstaða : Fjölskylduráð samþykkir með fimm atkvæðum að tilnefna Sjöfn Ólafsdóttur, Félagsráðgjafa, sem fulltrúa frá Dalvíkurbyggð í fjölmenningarráð SSNE."