Stjórn Leiguíbúða Dalvíkurbyggðar hses

Framkvæmdastjóri gerir grein fyrir málum sem hafa komið upp vegna hússjóðs frá síðasta stjórnarfundi. Stærsta málið er kostnaður vegna hitaveitu en mikið gegnumstreymi var í gegnum húsin síðustu mánuði. Það er rakið til aðgerða sem var farið í vegna titrings og hávaða í lögnum í syðstu íbúðunum og þar sem í þeim sömu íbúðum var erfitt að halda uppi hita.Leitað var til Magnúsar í Flæði pípulagnir og kom hann í þrígang til að meta aðstæður og bregðast við. Strax eftir páska var settur loki í syðstu íbúðinni til að halda uppi hita á neysluvatni og til að varna því að kólni í lögnum þegar það er lítil notkun. Þetta á að halda jafnari hita á neysluvatni. Eftir þetta hafa ekki komið kvartanir um hitavesen.Rætt um farveg fyrir pöntun á slætti, jólaseríur o.fl. rekstrarlegar ákvarðanir.

Farið verður yfir þann kostnað sem hefur fallið á viðhaldssjóð frá síðasta fundi stjórnar.Fyrir liggur að það þarf að gera við sprungur í íbúð 3d sem verið er að skila núna um mánaðarmótin.

Katrín sveitarstjóri hefur gegnt starfi framkvæmdastjóra til bráðabirgða síðan í september 2020. Hún mun láta af störfum í lok kjörtímabilsins og því þarf stjórn að ákveða hvernig farið verður með framkvæmdastjórn stofnunarinnar.