Framkvæmdaráð

Skipulagsfulltrúi og deildarstjóri eigna- og framkvæmdadeildar fóru yfir þá málaflokka sem heyra undir framkvæmdaráð auk helstu verkefna sem eru í vinnslu á framkvæmdasviði og verklag við afgreiðslu mála á sviðinu.

Lagt fram erindisbréf framkvæmdaráðs ásamt viðauka við Samþykkt um stjórn Dalvíkurbyggðar þar sem gerð er grein fyrir heimildum framkvæmdaráðs til fullnaðarafgreiðslu mála.

Skipulagsfulltrúi fór yfir verklag við ritun fundargerða hjá Dalvíkurbyggð.

Skipulagsfulltrúi fór yfir reglur um birtingu gagna með fundargerðum í ráðum og nefndum Dalvíkurbyggðar.

Á fundi sveitarstjórnar þann 5.júní sl. var samþykkt að unnið verði áfram að nýju Aðalskipulagi Dalvíkurbyggðar 2025-2045.

Lagt fram erindi Húsnæðis-, mannvirkja- og skipulagsstofnunar, dags. 1.júní sl., þar sem gerð er grein fyrir ábendingum sem stofnunin setur fram við tillögu að Aðalskipulagi Dalvíkurbyggðar 2025-2045.

Erindi dagsett 21.apríl 2026 þar sem landeigendur Lækjarbakka 1, 3 og 4 á Árskógssandi óska eftir því að landnotkun verði breytt úr landbúnaðarlandi L1 í frístundabyggð. Áformin kalla á breytingu á Aðalskipulagi Dalvíkurbyggðar 2008-2020.Málið var áður á dagskrá framkvæmdaráðs þann 13.maí sl. og var afgreiðslu frestað þar til frekari upplýsingar lægju fyrir frá landeigendum.

Auglýsingu tillögu að breytingu á Aðalskipulagi Dalvíkurbyggðar 2008-2020 vegna stækkunar á íbúðarsvæði 405-ÍB sunnan Dalvíkur lauk þann 4.júní sl. Engar athugasemdir bárust. Umsagnir bárust frá Rarik, Heilbrigðiseftirliti Norðurlands eystra, Minjastofnun Íslands og Vegagerðinni.

Auglýsingu tillögu að deiliskipulagi fyrir íbúðarbyggð sunnan Dalvíkur lauk þann 4.júní sl. Tvær athugasemdir bárust og eru þær lagðar fram ásamt tillögu skipulagsfulltrúa að svörum við efni athugasemda. Umsagnir bárust frá Rarik, Heilbrigðiseftirliti Norðurlands eystra, Minjastofnun Íslands, Landsneti, veitum Dalvíkurbyggðar, Náttúruverndarstofnun og Vegagerðinni.

Lagðar fram tillögur að heiti á nýju íbúðarhverfi sunnan Dalvíkur og götum innan þess.

Kynningu á tillögu á vinnslustigi að deiliskipulagi fyrir hesthúsasvæði í Hringsholti lauk þann 22.maí sl.Engar athugasemdir bárust. Umsagnir bárust frá Hestamannafélaginu Hring, Minjastofnun Íslands, veitum Dalvíkurbyggðar, Vegagerðinni, Rarik og Heilbrigðiseftirliti Norðurlands eystra.

Erindi dagsett 18.júní 2026 þar sem deildarstjóri Eigna- og framkvæmdadeildar sækir um framkvæmdaleyfi fyrir framkvæmdum sem áætlaðar eru á vegum Dalvíkurbyggðar á árinu 2026.Framkvæmdirnar sem um ræðir eru:Endurnýjun Böggvisbrautar suður, frá Mímisvegi og suður úr.Framkvæmdir við lagfæringar á bíla- og dvalarsvæði milli Ægisgötu og Sjávargötu á Árskógssandi.Fyrsti áfangi stígs meðfram strandlengju Dalvíkur, meðfram Sandskeiði frá Sunnutúni að Sandskeiði 21. Vinna við endurbætur á skólalóð Dalvíkurskóla, mön meðfram Mímisvegi og fallvarnarefni. Vinna við skólalóð Árskógarskóla/Kötlukots. Stækkun á lóð.

Erindi dagsett 2.júní 2026 þar sem Arctic Hydro hf. sækir um framkvæmdaleyfi fyrir vegagerð, efnistöku á landi og lagningu aðrennslispípu í tengslum við uppbyggingu Árskógsvirkjunar í Þorvaldsdal.

Erindi dagsett 29.maí 2026 þar sem Dóróþea Guðrún Reimarsdóttir sækir um framkvæmdaleyfi til veglagningar í landi Skáldalækjar syðri vegna áforma um byggingu frístundahúss á landinu.

Erindi dagsett 9.júní 2026 þar sem Jóhann Guðni Reynisson f.h. Fjörubaðanna ehf. sækir um framkvæmdaleyfi fyrir niðursetningu á grjóti sem kennileiti framan við Fjöruböðin á Hauganesi.

Grenndarkynningu á áformum um byggingu tengivirkis á lóð Landsnets og Rarik í Hríshöfða lauk þann 15.júní sl.Umsögn barst frá Náttúruverndarstofnun.

Erindi dagsett 2.júní 2026 þar sem Christina Niewert sækir um leyfi til byggingar sólstofu við hús á lóð nr. 7C við Skíðabraut. Ekki er í gildi deiliskipulag á svæðinu.

Erindi dagsett 5.maí 2026 þar sem Lárus Hinriksson sækir um stöðuleyfi fyrir 40 ft gám á hafnarsvæði á Árskógssandi. Fyrirhugað er að hafa í gámnum aðstöðu fyrir hvalaskoðunarbát.

Erindi dagsett 18.maí 2026 þar sem Helgi Halldórsson sækir um lóð nr. 23 við Hringtún.

Erindi dagsett 5.júní 2026 þar sem Jóhann Heiðar Friðriksson f.h. Hjólreiðafélags Akureyrar sækir um leyfi til að halda Íslandsmót í götuhjólreiðum í Svarfaðardal þann 20.júní nk. Fyrir liggur leyfi Vegagerðarinnar.

Erindi dagsett 7.maí 2026 þar sem Rauði krossinn við Eyjafjörð óskar eftir formlegri staðfestingu á því húsnæði sem skilgreint er sem fjöldahjálparstöð í Dalvíkurbyggð.

Á fundi framkvæmdaráðs þann 13.maí 2026 var samþykkt að staðsetja grenndarstöðvar á Hauganesi og Árskógssandi á gömlu þvottaplönunum en um leið var áhersla lögð á að frágangur við stöðvarnar yrði snyrtilegur og ásýnd þeirra góð. Einn fundarmanna sat hjá við afgreiðsluna. Á fundi sveitarstjórnar þann 5.júní sl. var málinu vísað aftur til framkvæmdaráðs til umfjöllunar.

Til umræðu ákvörðun um fjallskil og göngur haustið 2026. Fyrir lá samantekt á óskum fjallskilastjóra um dagsetningar á fjallskilum og göngum.

Erindi dagsett 8.apríl sl. þar sem SSNE (Samtök sveitarfélaga og atvinnuþróunar á Norðurlandi eystra) óskar eftir tilnefningu frá Dalvíkurbyggð að fulltrúa í samvinnuvettvang fyrir framfylgd Loftsagsstefnu Norðurlands eystra.

Lögð fram tillaga að fundaáætlun framkvæmdaráðs fyrir árið 2026 að afloknum sveitarstjórnarkosningum.

Farið yfir helstu verkefni og framkvæmdir ársins.

Lagðar fram skýrslur fyrir þá málaflokka sem heyra undir framkvæmdaráð varðandi stöðu bókhalds í samanburði við heimildir.

Lagðar fram til kynningar fundargerðir 13.fundar, dags. 19.maí 2026, og 14.fundar, dags. 4.júní 2026, með fullnaðarafgreiðslum erinda.