Fjölskylduráð
5. fundur
18. ágúst 2026
kl.
08:15
-
10:50
í Upsa á 3. hæð í Ráðhúsi Dalvíkur
Nefndarmenn
María Björk Stefánsdóttir
formaður
Dominique Gyða Sigrúnardóttir
varaformaður
Hörður Snævar Jónsson
aðalmaður
Birta Dís Jónsdóttir
aðalmaður
Erla Björk Jónsdóttir
aðalmaður
Starfsmenn
Gísli Bjarnason
sviðsstjóri
Eyrún Rafnsdóttir
sviðsstjóri
Fundargerð ritaði:
María Björk Stefánsdóttir
Formaður Fjölskylduráðs
Dagskrá
1.
Gjaldfrjáls leikskóli
Stjórnendur leikskóla fara yfir hvernig hafi gengið með gjaldfrjálsan leikskóla og fara yfir hvað margir eru að nýta sér hann.Tekið fyrir minnisblað frá formanni fjölskylduráðs og sviðsstjóra fræðslu - og menningarsviðs, þar sem að lagt er til að ekki verði rukkað fyrir skráningadaga fyrir þau börn sem ekki eru í gjaldfrjálsum leikskóla.
Fjölskylduráð hafnar erindi með fjórum greiddum atkvæðum en einn greiddi með sem var María Björk Stefánsdóttir.
Sérbókun frá Birtu Dís Jónsdóttur:
Skráningardagar voru teknir upp sem hluti af þjónustu leikskólans við þá foreldra sem nauðsynlega þyrftu að vera með börn sín í leikskóla, frekar en að hafa leikskóla lokaða. Það að taka gjald fyrir er ákveðið tæki til þess að stýra þeim fjölda sem óskar eftir vistun þá ákveðnu daga, og eru skráningardagar hafðir þegar mestar líkur eru á að foreldrar geti verið með börnum heima, líkt og á milli jóla og nýárs, eða í sumarfríi. Skráningardagar hafa að hluta til leyst betri vinnutíma starfsfólks á leikskólanumog eru að virka vel þar sem stjórnendur geta með betra móti mætt fjölda barna með mönnun á vakt. Það að foreldrar greiði fyrir vistun barna á ekki að þýða að skráningardagar séu innifaldir, þar sem það eru auka vistunardagar sem greiða þarf sérstaklega fyrir.
Sérbókun frá Birtu Dís Jónsdóttur:
Skráningardagar voru teknir upp sem hluti af þjónustu leikskólans við þá foreldra sem nauðsynlega þyrftu að vera með börn sín í leikskóla, frekar en að hafa leikskóla lokaða. Það að taka gjald fyrir er ákveðið tæki til þess að stýra þeim fjölda sem óskar eftir vistun þá ákveðnu daga, og eru skráningardagar hafðir þegar mestar líkur eru á að foreldrar geti verið með börnum heima, líkt og á milli jóla og nýárs, eða í sumarfríi. Skráningardagar hafa að hluta til leyst betri vinnutíma starfsfólks á leikskólanumog eru að virka vel þar sem stjórnendur geta með betra móti mætt fjölda barna með mönnun á vakt. Það að foreldrar greiði fyrir vistun barna á ekki að þýða að skráningardagar séu innifaldir, þar sem það eru auka vistunardagar sem greiða þarf sérstaklega fyrir.
2.
Þjónustu samningur við Akureyrarbæ
Elvý Guðríður Hreinsdóttir, leikskólastjóri á Krílakoti fer yfir drög að samningi og hvernig hann muni nýtast stjórnendum í sinni vinnu.
Fjölskylduráð samþykkir með 5 greiddum atkvæðum að gengið verði frá samningi við Akureyrarbæ.
3.
Trúnaðarmál
Trúnaðarmál - 202606078Bókað í trúnaðarmálabók.
4.
Endurskoðun á Menntastefnu Dalvíkurbyggðar
Tekið fyrir minnisblað frá sviðsstjóra fræðslu - og menningarsviðs þar sem hann óskar eftir að vinna við endurskoðun á Menntastefnu Dalvíkurbyggðar um eitt ár þar sem mikil óvissa er í þeim málaflokki og vinna við endurskoðun á Aðalnámskrá er að fara í gang hjá ráðuneytinu.
Fjölskylduráð samþykkir með fimm atkvæðum að fresta endurskoðun á Menntastefnu Dalvíkurbuyggðar í eitt ár.
5.
Starfsmannamál fyrir skólaárið 2026 - 2027
Stjórnendur skólanna fara yfir stöðuna á starfsmannamálum fyrir skólaárið 2026 - 2027.
Lagt fram til kynningar
6.
Starfsmannamál í íbúðakjarna Lokastíg og liðveislu
Þórhalla Karlsdóttir, fer yfir stöðu mála varðandi starfsmannahald í íbúðakjarna Lokastíg og liðveislu.
Lagt fram til kynningar.
7.
Kynningarbréf frá Berginu og drög að samningi
Tekið fyrir erindi frá Berginu headspace dags. 12.08.2026. Á 3. fundi fjölskylduráðs þann 16. júní var tekið fyrir erindi frá Berginu þar sem samþykktur var samstarfssamningur við þau með þeim skilyrðum að Bergið headspace yrði með viðveru hér á Dalvík eins og á Akureyri, Grenivík og Ólafsfirði. Málinu var vísað til sveitarstjórnar sem samþykkti ákvörðun fjölskyldurráðs á fundi sínum 23.06.2026. Rafbréf barst frá Berginu 12. ágúst 2026 þa sem þau sjá sér ekki fært nema þá í undantekningartilfellum að sinna viðveru á Dalvík, þau ætla að vera með fasta viðveru einn dag á mánuði á Ólafsfirði og þjónustan efld á Akureyri þar sem ungmenni okkar gætu nýtt sér viðtöl flesta daga vikunnar. Bergið headspace er einn starfsmann í þessu verkefni og voru Húsavík og Ólafsfjörður valin þar sem þar eru framhaldsskólar. Jafnframt verður áfram þjónusta á Akureyri og Grenivík. Í fyrirhuguðu samstarfi er þó gert ráð fyrir fræðslu og kynningum fyrir starfsfólk og ungmenni á Dalvík, auk aðgangs að fjarþjónustu Bergsins. Þannig verður sannarlega viðvera og þjónusta í Dalvíkurbyggð, þó ekki í formi reglulegra staðbundinna viðtala. Dalvíkurbyggð er nú eina sveitarfélagið sem á eftir að samþykkja saminginn svo hægt sé að hefja aukna þjónustu á svæðinu. Bergið óskar eftir svörum sem fyrst um hvort þessi útfærsla uppfylli skilyrði sveitarfélagsins fyrir aðkomu að samningnum
Fjölskylduráð Dalvíkurbyggðar hafnar erindi með fimm atkvæðum og vísar í fyrra svar að ráðið telur mikilvægt að þessi þjónusta verði veitt í heimabyggð.
8.
Áform um breytingu á lögum nr. 382018 um þjónustu við fatlað fólk með langvarandi stuðningsþarfir
Lagt er fyrir erindi sem birtist á Samráðsgátt stjórnvalda þar sem kynnt eru áform um breytingu á lögum nr. 38/2018 um þjónustu við fatlað fólk með langvarnandi stuðningsþarfir. Þar kemur margt fram eins og sjá má á fylgigögnum en helstu breytingar á lögunum eru: * ákvæði um samræmt staðlað mat á umfangi stuðningsþarfa (SIS mat), en matið verður lögfest sem grundvöllum ákvarðana um þjónustu samkvæmt lögum og gerðar verði þjónustuáætlanir byggðar á þessu mati** lögfest verð lágmarksstærð þjónustusvæða í þjónust við fatlað fólk þannig að hvert þjónustusvæði hafi að minnsta kosti 6.000 íbúa* í lögunum skal vera sérstakt ákvæði um rétt fatlaðra barna að alast upp hjá fjölskyldum sínum og njóta þjónustu í nærumhverfi* óheimilt er að innheimta gjald í frístundaþjónustu* að innleitt verði samræmt og heildstætt mat á húsnæðisþörf fatlaðs fólks* einstaklingur sem hlotið hafa dómsúrlauns um að sæta lögákveðnum öryggisráðstöfunum skuli njóta forgangs á biðlistum sveitarfélaga eftir húsnæði á þeirra vegum* viðhalda skal virkt samráð við fatlað fólk og samtök þess með því að starfrækja formlegan vettvang á öllum þjónustusvæðum
Fjölskylduráð Dalvíkurbyggðar tekur undir með sviðsstjóra félagsmálasviðs í umsögn sveitarfélagsins sem send var á samráðsgátt stjórnvalda þann 14.08.2026 og gerir athugasemd við þá tillögu að lögfest verði að hvert þjónustusvæði í málefnum fatlaðra skuli hafa að minnsta kosti 6.000 íbúa. Fjölskylduráð vill eindregið koma á framfæri áhyggjum sínum af þeim áhrifum sem fyrirhugaðar breytingar kunna að hafa á þjónustu við íbúa sveitarfélagsins þar sem ekki er tekið nægilegt tillit til þeirra ólíku aðstæðna sem sveitarfélög búa við. Við mat á þjónustusvæðum þarf ekki einungis að horfa til íbúafjölda heldur einnig til landfræðilegrar legu, vegalengda, aðgengis að þjónustu, faglegu starfi og þeirra tengsla sem byggst hafa upp milli þjónustunotenda og þjónustuaðila. Sú hætta er fyrir hendi að með stækkun þjónustusvæða glatist tengsl þjónustunotenda og þjónustuveitenda og að ákvarðanataka færist fjær íbúum og möguleikum þeirra að hafa áhrif á eigin þjónustu. Dalvíkurbyggð telur að stærra þjónustusvæði leiði ekki sjálfkrafa til betri þjónustu eða meiri hagkvæmni. Þvert á móti getur aukin miðstýring leitt til þess að þjónustan fjarlægist notendur hennar, staðbundin þekking minnki og erfiðara verði að bregðast við þörfum einstaklinga með skjótum og sveigjanlegum hætti. Þegar þjónustan er skipulögð út frá stærri þjónustusvæðum getur skapast hætta á að gæði þjónustu verði metin út frá heildarskipulagi kerfis en ekki horft til þarfa einstaklinganna. Breytingar sem þessar geta einnig flækt stjórnsýsluna og dregið úr sveigjanleika við úrlausn einstakra mála. Sveitarfélög sem þyrftu að stækka þjónustusvæði sín eða sameinast um þjónustu við önnur sveitarfélög gætu glatað mikilvægri staðbundinni þekkingu og tengslum. Fyrir smærri sveitarfélög getur sameining þjónustusvæða leitt til viðbótarkostnaðar þar sem greiða þarf ráðandi sveitarfélagi fyrir stjórn, umsýslu og framkvæmd þjónustunnar. Mikilvægt er að þessi fjárhagslegu áhrif séu metin áður en breytingar eru ákveðnar.
9.
Aðsókn og opnunartímar Íþróttamiðstöðvar
Jón Stefán Jónsson, íþróttafulltrúi fer yfir tölur varðandi aðsókn í sund og opnunartíma íþróttamiðstöðvar.
Fjölskylduráð þakkar íþróttafulltrúa fyrir góða kynningu.
10.
Fjárhagsáætlun 2027
Lögð voru fram til kynningar forsendur með fjárhagsáætlun ársins 2027 sem og tímarammi vegna vinnu við fjárhagsáætlun. Einnig voru lagðar fram til kynninagr starfsáætlanir félagsmálasviðs og fræðslu- og menningarsviðs fyrir yfirstandandi ár
Lagt fram til kynningar
11.
Fjárhagsáætlun 2026 - stöðumat
Sviðsstjórar fara yfir stöðuna á fjárhagsáætlun sviða er tengjast fjölskylduráði fyrir tímabilið janúar-júní 2026
Lagt fram til kynningar