Tónlistarskólinn á Tröllaskaga vekur athygli á Styrktarsjóði TÁT og þeim möguleikum sem sjóðurinn býður ungu og efnilegu tónlistarfólki.
Markmið sjóðsins er að styrkja unga nemendur og tónlistarmenn sem hafa staðið sig vel í námi við TÁT og í sinni heimabyggð og vilja afla sér frekari menntunar á sviði tónlistar.
Sækja má um styrk til áframhaldandi náms í öðrum sveitarfélögum, námskeiða, masterklassa, tónleikahalds og annarra verkefna sem tengjast tónlist á Tröllaskaga, að uppfylltum skilyrðum sjóðsins.
Frekari upplýsingar og umsókn má finna á heimasíðu Tónlistarskólans á Tröllaskaga undir „Styrktarsjóður TÁT“.