Leikskólinn Krílakot hefur opnað nýja og endurbætta heimasíðu sem ætlað er að auðvelda foreldrum og öðrum áhugasömum að nálgast upplýsingar um starfsemi leikskólans.
Á nýju síðunni má finna fjölbreyttar upplýsingar um daglegt starf, skólanámskrá, starfsfólk, viðburði og annað sem viðkemur starfsemi Krílakots. Markmiðið með nýrri síðu er að bæta upplýsingamiðlun og gera aðgengi að efni skólans skýrara og þægilegra.
Við hvetjum foreldra, forráðamenn og aðra áhugasama til að skoða nýju heimasíðuna og kynna sér það öfluga starf sem fram fer á Krílakoti.
Krílakot gegnir mikilvægu hlutverki í samfélaginu og er nýja heimasíðan liður í áframhaldandi þróun og eflingu samskipta við heimili barnanna og íbúa sveitarfélagsins.
Við óskum starfsfólki Krílakots til hamingju með nýju heimasíðuna og hlökkum til að sjá hana nýtast vel í daglegu starfi.