Laust starf landvarðar - Friðland Svarfdæla

Laust starf landvarðar - Friðland Svarfdæla

Umhverfisstofnun leitar að landverði til sumarstarfa í friðland Svarfdæla. Áætlað er að ráða í eitt starf í átta vikur. Aðsetur landvarðar verður í eða í grennd við verndarsvæðin. 

Helstu verkefni og ábyrgð
Störf landvarða felast í daglegri umsjón og eftirliti á náttúruverndarsvæðunum og að gæta þess að ákvæði náttúruverndarlaga og sérlaga, friðlýsingarskilmála og stjórnunar- og verndaráætlana svæða séu virt. Landvörður kemur á framfæri upplýsingum og fræðir gesti um náttúru og sögu svæðanna, sér um viðhald innviða og heldur við merktum gönguleiðum.
Hann þarf að vera viðbúinn ef slys ber að höndum og er gerð krafa um að sá sem verður ráðinn til starfa sæki skyndihjálparnámskeið eða hafi gild skyndihjálparréttindi. Boðið verður upp á skyndihjálparnámskeið fyrir landverði í vor. 

Hæfnikröfur
- Landvarðanámskeið eða nám sem Umhverfisstofnun telur samsvarandi er krafa
- Reynsla af landvörslustörfum er kostur
- Gild ökuréttindi er krafa
- Góð færni í samskiptum er mikilvæg
- Góð kunnátta í íslensku og ensku er mikilvæg og frekari tungumálakunnátta er kostur
- Þekking á viðkomandi starfssvæði er kostur
- Reynsla af útivist og náttúrutúlkun, skálavörslu, björgunarsveitarstörfum og leiðsöguréttindi eru kostir

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Framsýn- stéttarfélag hafa gert.
Bæði konur og karlar eru hvött til að sækja um störfin. 
Umsóknir geta gilt í sex mánuði frá því að umsóknarfrestur rennur út.

Starfshlutfall er 100%
Umsóknarfrestur er til og með 07.02.2020

Nánari upplýsingar veitir
Davíð Örvar Hansson - david.hansson@umhverfisstofnun.is - 5912000


Umhverfisstofnun
Svið náttúru, hafs og vatns Teymi náttúruverndar norður
Suðurlandsbraut 24
108 Reykjavík


Smelltu hér til að sækja um starfið