húllahúlla

Gluggi 15: Umhverfisvæn innpökkunarstöð

Gluggi 15: Umhverfisvæn innpökkunarstöð

Hér á bókasafninu hafa starfsmenn sett upp innpökkunarstöð sem öllum er velkomið til að nýta til að pakka inn gjöfum fyrir jólin. Við hvetjum ykkur til að huga að umhverfisvænum aðferðum við innpökkunina með því að endurnýta gömul dagblöð, fjölpóst og bækur sem gjafapappír og jólakort og skreyta með borðum, gömlum dúkum eða efni úr náttúrunni. Jafnvel leyfa börnunum að mála á gjafapappír. Hvað með gömlu kortin sem eru enn í hanskahólfinu á bílnum? Það er meira segja hægt að nýta textíl og gamlar tuskur í verkið og gera huggulegt! Hafiði heyrt annað eins!? Hér á bókasafninu eru dagblöð og fallegir borðar sem ykkur er velkomið að nýta. Opið er á bókasafninu alla virka daga frá 10-17 og laugardaga frá 13-16.
Lesa fréttina Gluggi 15: Umhverfisvæn innpökkunarstöð
Gluggi 14: Spilum í desember

Gluggi 14: Spilum í desember

Gluggi dagsins er tileinkaður samverustundum sem við getum enn stundað! Við getum nefnilega spilað saman! Við hvetjum ykkur til að spila með nánustu fjölskyldunni við matarborðið með kveikt á kertaljósum og kósýheit! Svo er hægt að hitta vini í netheimum og spila saman leiki á netinu. Hugum að hvert öðru, því félagsleg samskipti eru okkur lífsnauðsynleg. Á Bókasafni Dalvíkurbyggðar er hægt að fá í útlán fjölmörg spil fyrir alla aldurshópa. Dæmi um spil sem eru á safninu eru Ticket to Ride, Popppunktur, Sequence for Kids, Trivial Pursuit, Pictionary, Bezzerwizzer og fullt af fleiri púslum og samstæðuspilum!
Lesa fréttina Gluggi 14: Spilum í desember
Gluggi 13: Jólasveinar

Gluggi 13: Jólasveinar

Kæru jólavinir! Þá eru uppáhalds karlar okkar allra smátt og smátt að koma til byggða, því ber svo sannarlega að fagna! Heyrst hefur að Kertasníkir hafi sést á flakki í fjöllunum hér í grendinni nokkrum dögum á undan áætlun en það var einn hörkuduglegur göngugarpur sem segist hafa rekist á hann á göngu sinni fyrir ofan bæinn. Kertasníkir sagðist reyndar bara vera að leita að jólakettinum en ekkert hafi spurst til hans síðan um síðustu helgi... við vonum að hann komist í leitirnar sem allra fyrst!
Lesa fréttina Gluggi 13: Jólasveinar
Gluggi 12: Jólagjafainnkaup í Bergi

Gluggi 12: Jólagjafainnkaup í Bergi

Já nú fara jólin svo sannarlega að nálgast og eflaust margir enn að stússast við jólagjafainnkaup. Leitið ekki lengra! Hér í Menningarhúsinu Bergi er hægt að græja ýmislegt fyrir jólin.
Lesa fréttina Gluggi 12: Jólagjafainnkaup í Bergi
Gluggi 11: Fözzarafésbók og jólaenglar með hugvekju

Gluggi 11: Fözzarafésbók og jólaenglar með hugvekju

Á bókasafninu má nú finna fjöldann allan af skemmtilegum jólabókum, tilvalið fyrir kvöldlesturinn! Bókasafnið er nú opið alla virka daga frá klukkan 10-17 og laugardaga frá 13-16.
Lesa fréttina Gluggi 11: Fözzarafésbók og jólaenglar með hugvekju
Gluggi 10: Flýgur tvítug fiskisaga

Gluggi 10: Flýgur tvítug fiskisaga

Jarðbrúarpiltarnir Atli Rúnar og Óskar Þór Halldórssynir verða í Bergi föstudaginn 11. desember kl. 13-17 með þrjár bækur sínar á svarfdælskum kjörum: nýútkomna Fiskidagsbók, sögu fjölskyldunnar á Kleifum við Ólafsfjörð og söguna um flóttamanninn og myndskurðarmeistarann Wilhelm E. Beckmann.
Lesa fréttina Gluggi 10: Flýgur tvítug fiskisaga
Gluggi 9: Mjólkurflutningar í Svarfaðardal

Gluggi 9: Mjólkurflutningar í Svarfaðardal

Í glugga dagsins lítum við aftur til fortíðar og sjáum mynd af harðduglegum mjólkurbílstjórum að ferja mjólk frá bændum í Svarfaðardal í samlagið. Snjóþungir vetur gerðu flutningana erfiða og stundum tók það allt að 52 klst. að koma mjólkinni á leiðarenda! Myndin er úr nýju kveri - Mjólkurflutningar í Svarfaðardal- sem gefið var út í haust og er samstarfsverkefni Byggðasafnsins Hvols og Héraðsskjalasafns Svarfdæla. Áhugasamir geta keypt eintak á bókasafninu í Bergi.
Lesa fréttina Gluggi 9: Mjólkurflutningar í Svarfaðardal
Gluggi 8: Jólaleikur - finnum Bangsa litla!

Gluggi 8: Jólaleikur - finnum Bangsa litla!

Bangsi litli er í felum á bókasafninu og við finnum hann ekki! Viljið þið hjálpa okkur að finna hann? Fundarverðlaun í boði!
Lesa fréttina Gluggi 8: Jólaleikur - finnum Bangsa litla!
Gluggi 7: Jólaföndur úr gömlum bókum

Gluggi 7: Jólaföndur úr gömlum bókum

Reglulega fá starfsmenn bókasafnsins fyrirspurnir um hvort hægt sé að koma með gamlar bækur á safnið. Því miður höfum við ekki tök á að taka við gömlum bókum en hvetjum ykkur til að nýta þær á sniðugan hátt ef þær hafa þjónað sínum tilgangi. Til dæmis er hægt að útbúa jóladagatal með bókagjöfum þar sem á hverjum degi fram til jóla eru pakkar opnaðir með nýjum-gömlum bókum! Jafnframt er hægt að endurnýta bækur í ýmiss konar sniðugt jólaföndur. En áður en þið tætið bækurnar í sundur, biðjið þá Bókaenglana um leyfi
Lesa fréttina Gluggi 7: Jólaföndur úr gömlum bókum
Gluggi 6: Fæðingardagur Kristjáns Eldjárns

Gluggi 6: Fæðingardagur Kristjáns Eldjárns

Í dag höldum við fæðingardag Kristjáns Eldjárns, fyrrum forseta, hátíðlegan. Kristján Fæddist að Tjörn í Svarfaðardal árið 1916. Á Byggðasafninu Hvoli er sérstök stofa tileinkuð Kristjáni en fjölskylda Kristjáns gaf safninu marga persónulega muni hans við þetta tækifæri. Kristján var fornleifafræðingur að mennt og stóð hann fyrir mörgum merkum fornleifarannsóknum í Svarfaðardal. Kristján var einnig þjóðminjavörður Þjóðminjasafns Íslands áður en hann var kjörinn forseti Íslands þann 30. Júní 1968.
Lesa fréttina Gluggi 6: Fæðingardagur Kristjáns Eldjárns
Gluggi 5: Opnun listasýningar í Bergi

Gluggi 5: Opnun listasýningar í Bergi

Í fyrsta sinn frá því í byrjun september gefur að líta nýja sýningu í sal Menningarhússins Bergs. Sýningin ber yfirskriftina Systralag II/Sisterhood II og er eftir listakonuna Bergþóru Jónsdóttur. Sýningin verður opin út janúar svo það er nógur tími til að koma og líta við en í dag verður opið hjá okkur til 16.00. Það geta aðeins 10 manns verið í salnum í einu og það er grímuskylda á alla gesti.
Lesa fréttina Gluggi 5: Opnun listasýningar í Bergi
Gluggi 4: Fözzarafésbók

Gluggi 4: Fözzarafésbók

Laugardaginn 5. desember opnar ný sýning í sal Menningarhússins Bergs – sýningin ber heitið: Systralag II/Sisterhood II og er eftir listakonuna Bergþóru Jónsdóttur. Húsið opnar kl. 13.00, sýningin opnar síðan klukkutíma síðar. Vegna takmarkanna geta aðeins 10 manns verið í salnum hverju sinni – við höldum rýmunum aðskyldum svo að þó það sé fullt inn á sýninguna verður hægt að koma á bókasafnið til að skila og taka bækur. Sýningin verður opin út janúar svo það er óþarfi að örvænta, allir ættu að geta komið og tekið inn þessa frábæru sýningu.
Lesa fréttina Gluggi 4: Fözzarafésbók