Fræðsluráð

211. fundur 14. desember 2016 kl. 08:15 - 11:50 í Upsa á 3. hæð í Ráðhúsi Dalvíkur
Nefndarmenn
  • Steinunn Jóhannsdóttir formaður
  • Lilja Björk Ólafsdóttir varaformaður
  • Felix Rafn Felixson aðalmaður
  • Auður Helgadóttir aðalmaður
  • Valdemar Þór Viðarsson aðalmaður
Starfsmenn
  • Dóróþea Guðrún Reimarsdóttir starfsmaður
  • Hlynur Sigursveinsson sviðsstjóri
Fundargerð ritaði: Dóróþea Reimarsdóttir kennsluráðgjafi á Fræðslusviði Dalvíkurbyggðar
Dagskrá
Gísli Bjarnason, skólastjóri Dalvíkurskóla, Gunnþór E. Gunnþórsson, skólastjóri Árskógarskóla og Guðríður Sveinsdóttir, fulltrúi starfsmanna grunnskólanna sátu fundinn undir liðum 1 og 2. Þuríður Sigurvinsdóttir, fulltrúi starfsmanna á Krílakoti og Freyr Antonsson, fulltrúi foreldra á Krílakoti sátu fundinn undir liðum 2-5. Drífa Þórarinsdóttir, skólastjóri Krílakots, sat fundinn undir liðum 2-6.

1.Íslandsmót iðn- og verkgreina og framhaldsskólakynning 2017

Málsnúmer 201611112Vakta málsnúmer

Með fundarboði fylgdi bréf frá Sambandi íslenskra sveitarfélaga dags. 17. nóvember 2016 þar sem kynnt er Íslandsmót iðn- og verkgreina og einnig framhaldsskólakynning sem verður í Laugardagshöllinni í Reykjavík 16.-18. mars 2017 á vegum Verkiðnar. Tilgangur keppninnar er að auka sýnileika iðn- og starfsmenntunar, bæta ímynd iðn- og verkgreina og vekja áhuga grunnskólanema á slíku námi.Verkiðn styrkir ferðir grunnskólanemenda með þátttöku í ferðakostnaði. Verkiðn óskar eftir tilnefningu tengiliðs frá skólum vegna skipulagningar á ferðum og fjölda nemenda frá hverjum skóla.
Fræðsluráð felur skólastjórnendum í Dalvíkurskóla að taka ákvörðun um það hverju sinni hvort tilboð sem þetta verður nýtt og felur Gísla Bjarnasyni, skólastjóra að skoða málið nánar.
Drífa, Þuríður og Freyr komu til fundar klukkan 8:30.

2.Mánaðarlegar stöðuskýrslur fyrir fagráð og byggðaráð

Málsnúmer 201604102Vakta málsnúmer

Hlynur fór yfir stöðumat fjárhags frá janúar-nóvember 2016 fyrir Dalvíkurskóla, Árskógarskóla og Krílakot. Tölulegar upplýsingar fylgdu fundarboði.
Lagt fram til kynningar.
Gísli, Gunnþór og Guðríður fóru af fundi klukkan 8:45.

3.Þróunarstarf á leikskólanum Krílakoti

Málsnúmer 201610041Vakta málsnúmer

Drífa Þórarinsdóttir leikskólastjóri Krílakots sagði frá 700.000 króna styrk sem leikskólinn fékk á árinu úr Þróunarsjóði innflytjendamála og frá þróunarstarfi sem fram fer undir skammstöfuninni LAP og hófst haustið 2015 með styrk frá Sprotasjóði til tveggja ára.

Markmið LAP (Linguistically Appropriate Practice)eru:

-að kennarar tileinki sér að að efla tvítyngi, fjölmenningarlegan skólabrag, vinna gegn fordómum og auka víðsýni.

-að styðja við börn af erlendum uppruna og efla sjálfsmynd þeirra.

-að móðurmál allra sé viðurkennt og litið á tvítyngi sem styrkleika en ekki veikleika.





Fræðsluráð þakkar Drífu fyrir góða kynningu og fagnar því merkilega starfi tengdu fjölmenningu sem unnið er á Krílakoti. Fræðsluráð hvetur sveitarstjórn til að marka heildarstefnu í fjölmenningarmálum fyrir sveitarfélagið og vinna að því að efla tengsl íbúanna.

4.Ráðning leikskólastjóra á Krílakot

Málsnúmer 201611147Vakta málsnúmer

Hlynur gerði grein fyrir ráðningu leikskólastjóra á Krílakot og þeim gögnum sem fylgdu með fundarboði. Guðrún Halldóra Jóhannsdóttir hefur verið ráðin leikskólastjóri frá og með 1. mars 2017.
Lagt fram til kynningar. Drífa Þórarinsdóttir mun gegna starfi leikskólastjóra til og með 3. febrúar 2017.

5.Ytra mat Menntamálastofnunar- Leikskólinn Krílakoti

Málsnúmer 201612025Vakta málsnúmer

Með fundarboði fylgdi skýrsla Menntamálastofnunar um niðurstöður Ytra mats á leikskólanum Krílakoti sem fram fór í ágúst s.l. Skila þarf umbótaáætlun fyrir 1. febrúar er 2017.
Fræðsluráð fagnar góðri niðurstöðu matsins sem sýnir að skólastarfið á Krílakoti er mjög gott. Leikskólastjóra er falið að vinna drög að úrbótaáætlun fyrir næsta fund ráðsins.
Þuríður og Freyr fóru af fundi klukkan 9:54.
Lilja Ólafsdóttir fór af fundi klukkan 9:55 vegna vanhæfis.

6.Trúnaðarmál

Málsnúmer 201606030Vakta málsnúmer

Drífa fór af fundi klukkan 10:23.
Lilja Ólafsdóttir kom aftur til fundar klukkan 10:28.

7.Trúnaðarmál

8.Trúnaðarmál

Auður Helgadóttir vék af fundi klukkan 11:05 vegna vanhæfis.

9.Umsókn um tónlistarskóla utan lögheimilissveitarfélags

Málsnúmer 201611133Vakta málsnúmer

Með fundarboði fylgdi bréf frá Hjörleifi Erni Jónssyni, skólastjóra Tónlistarskólans á Akureyri, dagsett 22. nóvember 2016, reglur um framlög úr Jöfnunarsjóði sveitarfélaga til eflingar tónlistarnámi og jöfnunar á aðstöðumun nemenda dags. 5. ágúst 2011 og áætlaður kennslukostnaður í Tónlistarskólanum á Akureyri skólaárið 2016-2017. Bréf Hjörleifs varðar nemanda með lögheimili í Dalvíkurbyggð sem stundar grunnnám við Tónlistarskólann á Akureyri. Leitað er samþykkis Dalvíkurbyggðar fyrir að greiða þann hluta kennslukostnaðar sem Akureyrarbær greiðir almennt fyrir nemendur með lögheimili þar.
Fræðsluráð hafnar erindinu með 4 atkvæðum þar Hlynur hafði staðfestingu frá skólastjóra Tónlistarskólans á Tröllaskaga á að skólinn getur boðið nemandanum sambærilegt nám sem fram færi á Akureyri eða á Dalvík.
Auður kom aftur til fundar klukkan 11:22.

Fundi slitið - kl. 11:50.

Nefndarmenn
  • Steinunn Jóhannsdóttir formaður
  • Lilja Björk Ólafsdóttir varaformaður
  • Felix Rafn Felixson aðalmaður
  • Auður Helgadóttir aðalmaður
  • Valdemar Þór Viðarsson aðalmaður
Starfsmenn
  • Dóróþea Guðrún Reimarsdóttir starfsmaður
  • Hlynur Sigursveinsson sviðsstjóri
Fundargerð ritaði: Dóróþea Reimarsdóttir kennsluráðgjafi á Fræðslusviði Dalvíkurbyggðar